Gunde Ninda Gudi Gantalu Serial Today Episode: స్టార్ మా సీరియల్ గుండె నిండా గుడి గంటలు ఈరోజు ఎపిసోడ్ లో రోహిణి విషయంలో ప్రభావతి రచ్చ చేస్తుంది ఆమెను మనోజ్ దగ్గరికి అస్సలు వెళ్లనీయదు. మరోవైపు మీనా మీద అలిగిన బాలు తల్లిని కాఫీ అడగడం, రెస్టారెంట్ విషయంలో రవితో శృతి గొడవ పడటంలాంటి సీన్లతో సాగిపోయింది.
రోహిణి పేరు విని ఆవేశంతో ఊగిపోయిన ప్రభావతి
మనోజ్ కు జ్వరమని తెలిసి టాబ్లెట్ పట్టుకొని ప్రభావతి అతని దగ్గరికి వెళ్లే సీన్ తో సీరియల్ గురువారం (సెప్టెంబర్ 17) ఎపిసోడ్ మొదలైంది. మనోజ్ ఒళ్లు కాలిపోతుండటంతో టాబ్లెట్ వేసుకోవాలని తల్లి అడుగుతుంది. రోహిణి ఇచ్చిందంటాడు. ఏమైనా తాగుతావా.. రాగి జావా తీసుకొస్తానంటే రోహిణి ఇచ్చిందంటాడు. దీంతో ప్రభావతి ఆవేశంతో ఊగిపోతుంది.
వాడి దగ్గరికి ఎవరు వెళ్లమన్నారు.. నువ్వు దూరంగా ఉంటేనే వాడికి జ్వరం వచ్చింది.. దగ్గరికి వెళ్తే ఇంకేం జరిగేదో.. నీలాంటి అబద్ధాల కోరు వాడి దగ్గరికి వెళ్లకూడదు.. వరలక్ష్మీ వ్రతం చేసి ఉంటే వాడికి ఈ పరిస్థితి వచ్చి ఉండేది కాదు కదా.. దరిద్రపు దానివి అని చెడామడా తిడుతుంది. సత్యం వారిస్తున్నా ప్రభావతి వినదు. దీంతో రోహిణి బిక్కమొహం వేస్తుంది.
రవితో శృతి గొడవ.. ఉద్యోగం మానేయమంటూ..
మరోవైపు రెస్టారెంట్ లో జరిగింది తలచుకొని శృతి మండిపోతుంది. రవి రాగానే అతనితో గొడవకు దిగుతుంది. రెస్టారెంట్ లో తనను అవమానించారని చెబితే అది పట్టించుకోకుండా రెస్టారెంట్ గురించి ఆలోచిస్తావా అంటూ రవిని నిలదీస్తుంది. నేను ఉన్నప్పుడు నువ్వెందుకు వాళ్లపై సూప్ పోసి రచ్చ చేయడం.. నన్ను పిలవొచ్చగా అని రవి అంటాడు.
దీంతో శృతి మరింత రెచ్చిపోతుంది. అంటే ఆడవాళ్లు తమను తాము రక్షించుకోలేరా అని మాట్లాడుతుంది. అలాంటి రెస్టారెంట్ లో నువ్వు కూడా పని చేయకు.. అలాంటి ఉద్యోగాలు మనకు చాలా దొరుకుతాయి.. నేనే నీకు రెస్టారెంట్ పెట్టిస్తాను అని శృతి అంటుంది. అక్కడ నాకు చాలా మంచి పేరుంది. ఆ పని చేయను అని రవి కచ్చితంగా చెప్పేస్తాడు.
ఫోన్ చేసి సారీ చెప్పిన నీతూ
{{/usCountry}}దీంతో శృతి మరింత రెచ్చిపోతుంది. అంటే ఆడవాళ్లు తమను తాము రక్షించుకోలేరా అని మాట్లాడుతుంది. అలాంటి రెస్టారెంట్ లో నువ్వు కూడా పని చేయకు.. అలాంటి ఉద్యోగాలు మనకు చాలా దొరుకుతాయి.. నేనే నీకు రెస్టారెంట్ పెట్టిస్తాను అని శృతి అంటుంది. అక్కడ నాకు చాలా మంచి పేరుంది. ఆ పని చేయను అని రవి కచ్చితంగా చెప్పేస్తాడు.
ఫోన్ చేసి సారీ చెప్పిన నీతూ
{{/usCountry}}అప్పుడే రవికి నీతూ ఫోన్ చేస్తుంది. అది చూసి శృతి మరింత రెచ్చిపోతుంది. ఫోన్ ఎత్తిన రవి మరోసారి శృతి తరఫున తాను సారీ చెబుతున్నానని అంటాడు. కానీ నీతూ మాత్రం ఫోన్ స్పీకర్ లో పెట్టు తాను శృతితో మాట్లాడాలని అంటుంది. ఆ తర్వాత ఆమెకు సారీ చెబుతుంది. తాను ఇంటికి వచ్చిన తర్వాత చాలా ఆలోచించానని, రెస్టారెంట్ కోణంలో ఆలోచించానే తప్ప.. ఓ ఆడపిల్ల కోణంలో ఆలోచించలేదని వివరణ ఇస్తుంది.
అంతేకాదు శృతిని బెస్ట్ ఎంప్లాయీ అంటూ ఆకాశానికెత్తేలా మాట్లాడుతుంది. దీంతో శృతి కూల్ అవుతుంది. తిరిగి ఉద్యోగంలో చేరడానికి ఒప్పుకుంటుంది. ఫోన్ పెట్టేసిన తర్వాత ఇలాంటి పోకిరీల నుంచి లేడీ ఉద్యోగులను కాపాడటానికి ఓ బెల్ పెట్టాలని కూడా రవితో అంటుంది. తర్వాత ఇద్దరూ కలిసి ఐస్ క్రీమ్ తినడానికి వెళ్తారు.
మీనాపై బాలు అలక.. ప్రభావతి చేత్తో కాఫీ కావాలంటూ..
మరోవైపు ఉదయాన్నే బాలు ఇంకా రాలేదా అని మీనాను సత్యం అడుగుతాడు. ఎక్కడ తాగి పడిపోయాడో అని ప్రభావతి నోరు పారేసుకుంటుంది. అప్పుడే బాలు వస్తాడు. బాలు, మీనా ఒకరినొకరు చూసుకొని నవ్వుకుంటారు. కానీ బాలు తనతో మాట్లాడని సంగతి గుర్తుకొచ్చి మీనా మళ్లీ కోపంగా చూస్తుంది. బాలు కూడా మీనాతో మాట్లాడడు. తనకు కాఫీ కావాలని మీనాను కాకుండా తల్లిని అడుగుతాడు. కాఫీవతి.. నాకు కాఫీ పెట్టవా అని తనదైన స్టైల్లో అడుగుతాడు.
దీంతో సత్యం షాక్ తింటాడు. ప్రభావతి మాత్రం తాను కాఫీ పెట్టనని, నీ పెళ్లాన్నే అడుక్కోమని అంటుంది. అదే అదునుగా సత్యం ఆమెపై సెటైర్లు వేస్తాడు. నీ చేత్తో కాఫీ ఎప్పుడూ ఆస్వాదించలేదని, మీనా ఇంటికి వచ్చినప్పటి నుంచే కాఫీ ఇష్టంగా తాగుతున్నానని అంటాడు. ఆ తర్వాత బాలుని మందలించి స్నానం చేసి రమ్మని పంపిస్తాడు. తర్వాత మీనాను కాఫీ పెట్టమంటాడు.
మనోజ్ కోసం రోహిణి రాగి జావా.. ప్రభావతి రచ్చ
అటు మనోజ్ ఉదయాన్నే లేచి కూర్చొంటాడు. రోహిణి పక్కనే ఉండటం చూసి చిరాకు పడతాడు. అమ్మ లేదా.. అని అడుగుతాడు. ఏం కావాలా.. ఏమైనా తాగడానికి తేవాలా అని రోహిణి అడిగితే వద్దు అమ్మ తెస్తుంది అని అంటాడు. ఆమె బద్ధకంగా ఎలా ఉండాలో బుక్కు రాస్తోందని అని రోహిణి సెటైర్ వేసి తానే రాగి జావా తెస్తానని వెళ్తుంది. కిచెన్ లో జావా కాస్తుండగా మీనా వచ్చి ఏం చేస్తున్నావని అడిగితే.. ఏం చేయకూడదా అని రోహిణి వెటకారంగా అడుగుతుంది.
దీంతో మీనా రుసరుసలాడుతూ వెళ్లిపోతుంది. ప్రభావతి కాఫీ అడిగితే కిచెన్ లో రోహిణి జావా కాస్తోందని, టైమ్ పడుతుందని చెబుతుంది. దీంతో ప్రభావతి కిచెన్ లోకి వెళ్లి రోహిణిని నిలదీస్తుంది. అందులో ఏం కలిపావే.. నా కొడుకును మళ్లీ నీ వలలో వేసుకోవాలని అనుకుంటున్నావా.. బయటకు నడవవే నంగనాచి అంటూ లాక్కెళ్తుంది. అడ్డొచ్చిన మీనాను కూడా తిట్టి రచ్చరచ్చ చేస్తుంది. అది అక్కడితో ముగుస్తుంది.
మీనా అందానికి బాలు ఫిదా
మరోవైపు మీనాపై అలిగిన బాలు.. ఆమె అందం చూసి ఫిదా అయిపోతాడు. ఆమెను ప్రేమగా హత్తుకుంటాడు. కానీ మీనా మాత్రం అలక వీడదు. బాలు కూడా నీపై అలిగాను కదా.. మళ్లీ ఎందుకు పట్టుకున్నాను అనుకొని దూరంగా జరుగుతాడు. మళ్లీ ఇద్దరూ సరదాగా మాటామాటా అనుకుంటారు. అక్కడితో గుండె నిండా గుడి గంటలు సీరియల్ ఈరోజు ఎపిసోడ్ ముగుస్తుంది.