గుండె నిండా గుడి గంటలు టుడే ఎపిసోడ్: బాలు, మీనా శపథం.. ఇంట్లో వాళ్ల నోళ్లు మూయించాలంటూ పంతం.. బాలు కొత్త అవతారం చూసి..

గుండె నిండా గుడి గంటలు సీరియల్ శుక్రవారం (అక్టోబర్ 24) ఎపిసోడ్ లో బాలుని సత్యం కొట్టడం, ఇంట్లో వాళ్లందరూ తిట్టడంతో అతడు ఒంటరి వాడవడం, తప్పతాగి ఇంటికి రావడం.. చివరికి బాలు, మీనా శపథం చేయడంలాంటి సీన్లతో సాగిపోయింది.

గుండె నిండా గుడి గంటలు ఈరోజు అంటే 539వ ఎపిసోడ్ మొత్తం ఇంట్లో గది కోసం శోభ పెట్టిన చిచ్చు, ఆ తర్వాత బాలును ఒంటరివాడిని చేసి అందరూ తిట్టడం చూడొచ్చు. దీంతో బాధలో బాలు తప్పతాగి వస్తాడు. అటు సత్యం కూడా కొడుకుపై చేయి చేసుకున్నందుకు ఎంతో బాధపడతాడు.

శోభను మెడ పట్టి గెంటేస్తానన్న బాలు.. చేయి చేసుకున్న సత్యం

గుండె నిండా గుడి గంటలు టుడే ఎపిసోడ్: బాలు, మీనా శపథం.. ఇంట్లో వాళ్ల నోళ్లు మూయించాలంటూ పంతం.. బాలు కొత్త అవతారం చూసి..

గుండె నిండా గుడి గంటలు సీరియల్ శుక్రవారం (అక్టోబర్ 24) ఎపిసోడ్ శృతి తల్లి శోభ ఇంట్లో గది విషయంలో చేసే రచ్చతో మొదలవుతుంది. మీ ఆయన దయాదాక్షిణ్యాలేమీ లేవు.. లోన్ తీసుకునే ఈ ఇల్లు కట్టాను అని సత్యం అంటాడు. అయినా శోభ ఏవేవో మాటలు అనడంతో ఆమెపై దూసుకెళ్తాడు బాలు.

ఇంకొక్క మాట మాట్లాడితే మెడ పట్టి ఇంట్లో నుంచి గెంటేస్తానని అంటాడు. ఆ మాటతో సత్యం ఆవేశం కట్టలు తెంచుకొని బాలుపై చేయి చేసుకుంటాడు. ఆమె మన ఇంటి వియ్యపురాలు.. మీ తమ్ముడి అత్తగారు అని బాలుతో అంటాడు. ఆ తర్వాత మీ సాయం అవసరం లేదు.. దయచేసి ఇక్కడి నుంచి వెళ్లండని శోభతో అంటాడు.

బాలును నానా మాటలు అన్న ఇంట్లో వాళ్లు

ఏరికోరి ఇలాంటి ఇంటికి వచ్చావు అనుభవించు అంటూ శృతితో చెప్పి శోభ వెళ్లిపోతుంది. అయితే ఆమె పెట్టిన చిచ్చు తర్వాత కూడా కొనసాగుతుంది. ప్రభావతితో మొదలుకొని మనోజ్, రోహిణి, రవి, శృతి.. అందరూ బాలునే నిందిస్తారు. రౌడీయిజం చేస్తున్నావా.. రవి, శృతిని ఇంట్లో నుంచి వెళ్లగొడదామనుకుంటున్నావా.. తల్లికి, భార్యకు విలువ ఇవ్వని మొరటోడులాంటి మాటలు అనడంతో బాలు ఏమీ అనలేక బాధపడుతూ ఉంటాడు.

రవి, శృతి మధ్య గొడవ

ఆ తర్వాత గదిలోకి వెళ్లినా బాలు మాటలు తలుచుకొని శృతి రగిలిపోతుంది. అయితే రవి మాత్రం బాలుకు సపోర్ట్ చేస్తూ మాట్లాడతాడు. దీంతో ఇద్దరి మధ్య గొడవ జరుగుతుంది. బాలు అన్నయ్య అన్నదాంట్లో తప్పులేదు.. మీ అమ్మ మాట్లాడింది కరెక్టా అని శృతిని నిలదీస్తాడు. తప్పే అని అనడంతో మరి అప్పుడెందుకు మాట్లాడలేదు.. మీ అమ్మతో ఈ ఇంటి విషయాలు చెప్పకు అని గట్టిగా మందలించి వెళ్తాడు.

మీనా దగ్గరికి వచ్చి బాధపడిన సత్యం

అటు మీనా డాబాపై నిల్చొని బాధపడుతూ ఉంటుంది. సత్యం ఆమె దగ్గరికి వచ్చి తాను చేసిన పనికి కుమిలిపోతాడు. భార్య, వదిన, మరదలు ముందే వాడిపై చేయి చేసుకోవడం తన తప్పే అంటాడు. ఆయనను మందలించే అధికారం మీకు ఉంది.. మీపై ఎలాంటి కోపం లేదు అని మీనా అంటుంది. బాలు ఎక్కడికి వెళ్లాడు అని అడిగితే.. తెలియదు అని చెబుతుంది.

తాగి ఇంటికి వచ్చిన బాలు.. తండ్రితో మాట్లాడకుండా..

అటు బాలు రాజేష్ తో కలిసి ఫుల్లుగా తాగుతాడు. ఇంట్లో జరిగిన గొడవ విషయంలో బాధ పడతాడు. మా నాన్న కొట్టడం కంటే కూడా ముగ్గురు కొడుకులం ఉన్నా కూడా ఒక్క గది కట్టించలేకపోతున్నామని బాలు బాధపడతాడు. అందరూ సంస్కారం ముసుగులో మాట్లాడకున్నా ఉన్నా.. తాను మాత్రం తన తండ్రిని అవమానిస్తుంటే చూస్తూ ఊరుకోలేకపోయానని బాలు అంటాడు.

ఆ తర్వాత తప్పతాగి ఇంటికి వెళ్తాడు. మీనా అతని కోసం ఎదురు చూస్తూ ఉంటుంది. అన్నం పెడతాను రండి అని బాలుకి చెప్పి వెళ్తుంది. అతడు తూలి పడిపోతుండగా సత్యం వచ్చి పట్టుకుంటాడు. కానీ అతనితో బాలు మాట్లాడడు. దీంతో సత్యం మరింత బాధపడతాడు.

మరుసటి రోజు ఉదయం బాలు ఉదయాన్నే లేచి, స్నానం చేసి పూజ చేయడం చూసి అందరూ ఆశ్చర్యపోతారు. ఈ తొక్కలో గొడవలు అవసరం లేదు.. మాకు చేతనైనప్పుడు ఆ రూమ్ మేమే కట్టించుకుంటాం అని బాలు అంటాడు. ఇలాగే నీ భార్య కూడా నువ్వు తెచ్చిన తర్వాతే నగలు వేసుకుంటానని శపథం చేసింది.. ఇప్పటి వరకూ అదే నెరవేరలేదు.. ఇక ఇప్పుదు రూమా అంటూ మనోజ్, రోహిణి ఎగతాళి చేస్తారు. దీంతో రూమ్ కట్టాల్సిందే అని బాలుతో అంటూ మీనా శపథం చేస్తుంది. అక్కడితో గుండె నిండా గుడి గంటలు ఈరోజు ఎపిసోడ్ ముగుస్తుంది.