గుండె నిండా గుడి గంటలు టుడే ఎపిసోడ్: కట్టలు తెంచుకున్న బాలు ఆవేశం.. మనోజ్‌ను నాలుగు పీకాలని నిర్ణయం.. సీన్‌లోకి సుశీల

గుండె నిండా గుడి గంటలు బుధవారం (నవంబర్ 5) ఎపిసోడ్ లో నకిలీ నగలతో బాలు, మీనాలకు ఘోరమైన అవమానం జరగడం, బాలు ఆవేశం కట్టలు తెంచుకోవడం, మనోజ్ పైనే అనుమానం రావడం, కానీ మీనా అతన్ని కంట్రోల్ చేయడంలాంటివి చూడొచ్చు.

గుండె నిండా గుడి గంటలు ఈరోజు అంటే 547వ ఎపిసోడ్ ఆసక్తికరంగా సాగింది. ప్రభావతి, మనోజ్ చేసిన పనికి బాలు, మీనాలకు అవమానం జరుగుతుంది. నకిలీ నగల వల్ల ఇంట్లో మరోసారి రచ్చ జరిగే సూచనలు కనిపించాయి. మనోజ్, ప్రభావతిలను కడిగి పారేయడానికి బాలు సిద్ధం కాగా.. మీనా అతన్ని రెండు రోజులు ఆగమని నియంత్రిస్తుంది.

గుండె నిండా గుడి గంటలు టుడే ఎపిసోడ్: కట్టలు తెంచుకున్న బాలు ఆవేశం.. మనోజ్‌ను నాలుగు పీకాలని నిర్ణయం.. సీన్‌లోకి సుశీల

మీనా నగల గురించి అడిగిన సత్యం.. బాలులో అనుమానం

గుండె నిండా గుడి గంటలు బుధవారం (నవంబర్ 5) ఎపిసోడ్ ఇంట్లో అందరూ భోజనం చేస్తుండగా ప్రభావతిని మీనా నగల గురించి సత్యం అడిగే సీన్ తో మొదలవుతుంది. దీంతో మనోజ్, ప్రభావతి కంగారు పడతారు. వాళ్లిద్దరినీ చూసి బాలులో అనుమానం మొదలవుతుంది.

అయినా శపథం చేసిన తర్వాత ఇప్పుడా నగలు ఎందుకు అని మనోజ్, ప్రభావతి, రోహిణి అడుగుతారు. కానీ శృతితోపాటు సత్యం కూడా మీనా, బాలుకు మద్దతుగా నిలుస్తారు. అది మీకు అనవసరం.. మీనా నగలు ఆమెకు ఇచ్చేయమని సత్యం గట్టిగా చెబుతాడు.

నకిలీ నగలు ఇచ్చిన ప్రభావతి

దీంతో ప్రభావతిలో మరింత ఆందోళన పెరుగుతుంది. నగలు ఎక్కడున్నాయని అడగడంతో బీరువాలోనే ఉన్నాయంటూ ప్రభావతి వెళ్తుంది. అయితే నకిలీ నగలు తెస్తూ ఆమె ఆందోళన చెందుతుంది. వీటిని ఇప్పుడు వీళ్లేం చేస్తారో అని అనుకుంటుంది. నగలు తెచ్చి వాళ్ల మొహాన కొట్టండి అని సత్యంకు చెబుతుంది. దీంతో బాలు ఆవేశంతో ఆ నగలు తీసుకుంటాడు.

మీనా వాటిని చూసి ఇవి కొత్త వాటిలా తళాతళా మెరిసిపోతున్నాయేంటి అని అనుకుంటుంది. బాలులోనూ అదే అనుమానం కలుగుతుంది. తానే పేస్ట్ తో కడిగి దాచానని ప్రభావతి కవర్ చేస్తుంది. తర్వాత బాలు, మీనా వాటిని తీసుకొని బయటకు వెళ్తారు. దీంతో ప్రభావతి మరింత కంగారు పడుతుంది.

షాపులో బాలు, మీనాలకు అవమానం

మీనా తనకు తెలిసిన షాపుకి బాలుని తీసుకెళ్తుంది. వీళ్ల షాపులోనే తాను నగలు కొన్నానని చెబుతుంది. ఆ తర్వాత షాపులోకి వెళ్లి చెయిన్ కావాలని అడుగుతారు. వాళ్లు రూ.2 లక్షల విలువైన చెయిన్ చూసి ఇది నచ్చిందని, తమ దగ్గర ఉన్న బంగారం ఇచ్చి ఇది తీసుకుంటానని చెబుతారు. సరే అని ఆ షాపతను ఆ నగలను చెక్ చేయాలని చెబుతాడు. కానీ ఆ నగలు నకిలీవని ఆ వ్యక్తి వచ్చి చెబుతాడు.

దీంతో ఆ షాపతను బాలు, మీనాలను అవమానించేలా మాట్లాడతాడు. నకిలీ నగలు తీసుకొచ్చి మోసం చేయాలని చూస్తారా? ఇలా ఎన్ని షాపుల్లో చేశారు.. పోలీసులకు ఫోన్ చేస్తాం అని అనడంతో బాలు అతనితో గొడవకు దిగుతాడు. మీరే మా నగలను మార్చేశారని బాలు అంటాడు. ఇంతలో షాపు ఓనర్ వస్తాడు. మీనా అతనికి ముందే తెలిసి ఉండటంతో ఈ గొడవ పెద్దది కాకుండా ఆపుతాడు.

ఆవేశంతో రగిలిపోయిన బాలు.. మనోజ్‌పై అనుమానం

ఆ తర్వాత షాపులో నుంచి బయటకు వచ్చిన బాలు ఆవేశంతో రగిలిపోతాడు. ఇది ప్రభావతి పనే అని, ఆమె ఫోన్ చేసి అసలు విషయం తేల్చేస్తానని అంటాడు. కానీ విషయం తెలియకుండా అలా చేయకండి.. ముందు ఇంటికెళ్దాం అంటుంది. సరే అని ఇద్దరూ బయలుదేరుతారు. కారులోనూ బాలు అలాగే ఆవేశంతో ఉంటాడు. ఇంటికి దగ్గరిగా వెళ్లిన తర్వాత మీనాను వెళ్లమని, తాను మనోజ్ గాడి షాపుకి వెళ్లి వాడిని నాలుగు పీకితే అసలు విషయం చెప్పేస్తాడని అంటాడు.

వాడే నగలను అమ్మ దగ్గరి నుంచి మాయం చేసి ఉంటాడు.. లేదంటే ఆమెనే వాడికి ఇచ్చి ఉంటుంది అని బాలు అనుమానం వ్యక్తం చేస్తాడు. కానీ మీనా మాత్రం అతన్ని ఆపుతుంది. అమ్మమ్మ ఊరి నుంచి వస్తోంది.. ఇప్పుడీ నగల గొడవ జరిగితే బాగుండదు.. ఆమె వెళ్లిన తర్వాత మాట్లాడదాం అంటూ బాలు చేత బలవంతంగా ఒట్టు తీసుకుంటుంది.

మనోజ్‌పై మండిపడిన ప్రభావతి.. బాలును చూసి వణికిపోతూ..

ఇటు ఇంటి బయట కంగారు పడుతూ నిల్చొన్న ప్రభావతి దగ్గరికి మనోజ్ వస్తాడు. ఇక్కడ ఎందుకు నిల్చొన్నావని అడుగుతాడు. ఆ బాలు గాడు వస్తే తనను ఇంట్లో నుంచి ఎలాగూ గెంటేస్తాడని ఆమె అంటుంది. నీ వల్లే ఇదంతా అంటూ మనోజ్ ను తిడుతుంది. తర్వాత ఇద్దరూ కలిసి లోనికి వెళ్తారు.

అక్కడ అందరూ సుశీల 75వ పుట్టినరోజు వేడుకల కోసం ఏర్పాట్లు చేస్తుంటారు. బెలూన్లు ఊదుతుంటారు. ఇంతలో బాలు, మీనా రావడంతో వాళ్లను చూసి మనోజ్, ప్రభావతి భయంతో వణికిపోతారు. కానీ మీనా మాత్రం అతన్ని కోపాన్ని నియంత్రించుకోవాలని మరోసారి గుర్తు చేస్తుంది. ఇటు బర్త్ డే కోసం సుశీల వస్తుంది. ఆమెను బాలు రిసీవ్ చేసుకుంటాడు. ఇంటి దగ్గర మీనాతో కాకుండా రోహిణి, శృతితో ప్రభావతి హారతి ఇప్పిస్తుంది. అక్కడితో గుండె నిండా గుడి గంటలు ఈరోజు ఎపిసోడ్ ముగుస్తుంది.