Nani: నాని.. ఇది కేవలం పేరు మాత్రమే కాదు, ఇదో బ్రాండ్. ఓ టార్గెట్ పెట్టుకుని కష్టపడితే ఎంతటి స్థాయికైనా చేరొచ్చని చాటిన హీరో నాని. నేచురల్ స్టార్ గా ఎదిగిన నాని తన సినిమాల కోసం పెట్టే డెడికేషన్, పడే కష్టం మామూలుగా ఉండదు. తాజాగా ప్యారడైజ్ కోసం నాని ఎంతలా కష్టపడుతున్నాడో అతని జిమ్ ట్రైనర్ విశ్వ భరత్ వెల్లడించాడు.
పని రాక్షసుడు
తాజాగా ఓ పాడ్ కాస్ట్ లో విశ్వ భరత్ పాల్గొన్నాడు. హిట్ 2 షూటింగ్ అప్పటి నుంచి నానితో పని చేయడం స్టార్ట్ చేశానని అతను చెప్పుకొచ్చాడు. ‘‘హిట్ 2 అప్పుడు స్టార్ట్ చేశాం. రెండేళ్లకు పైనే అవుతోంది. వర్క్ విషయానికి వస్తే ఆయన (నాని) పని రాక్షసుడు.
చాలా సార్లు ట్విటర్ లో ఆయనపై నెగెటివ్ కామెంట్లు చూసినప్పుడు నా బీపీ పెరిగిపోతుంది. ఎందుకంటే నేను ఆయనతో చాలా క్లోజ్ గా ఉంటా. ఏం జరుగుతుందో నాకు తెలుసు’’ అని విశ్వ చెప్పుకొచ్చాడు.
షూటింగ్ లో
‘‘ఇప్పుడు ప్యారడైజ్ షూటింగ్ జరుగుతోంది. మార్నింగ్ 5 గంటలకు లేస్తారు. ఆరు గంటలకు సెట్లో ఉంటారు. సాయంత్రం 7 గంటల వరకూ షూటింగ్ జరుగుతోంది. రోప్స్ కట్టుకుని యాక్షన్ సీన్లు చేస్తున్నారు. అప్పటికే ఫుల్ గా అలిసిపోయి ఉంటారు. మనం నార్మల్ గా ఒక సెషన్ వర్క్ చేస్తేనే అలిసిపోతాం’’ అని విశ్వ తెలిపాడు.
మళ్లీ వర్కౌట్
‘‘కానీ ఆయన పొద్దున నుంచి సాయంత్రం వరకూ రోప్ లు కట్టుకుని వేలాడుతూ అలసిపోయినా వర్కౌట్ ఆపరు. సాయంత్రం నాకు ఆయన అసిస్టెంట్ నుంచి కాల్ వస్తుంది. నాని అన్న 40 నిమిషాలు ఇంట్లో ఉంటారు. వర్కౌట్ చేస్తారని చెప్తారు. 45 మినిట్స్ లో వర్కౌట్ కంప్లీట్ చేసి, తినేసి పడుకుంటారు. ‘నా వల్ల కాదు విశ్వ, పడుకుంటా’ అని ఆయన తప్పించుకోవచ్చు. కానీ అలా చేయరు’’ అని విశ్వ చెప్పాడు.
వంద శాతం
‘‘అందుకే ఆయన సినిమాల రిజల్ట్ అలా ఉంటాయి. జెర్సీ టైమ్ లో ఆయన క్రికెట్ నేర్చుకున్నారు. నాని అన్నకు వీవీఎస్ లక్ష్మణ్ ఫోన్ చేసి ప్రొఫెషనల్ గానే ఆడావు. ఇండియన్ క్రికెట్ టీమ్ కు ఎందుకు రాకూడదని అన్నారంటా. అప్పుడు అర్జున్ క్యారెక్టర్ ను పర్ఫెక్ట్ గా చేయడం కోసం ఆయన వంద శాతం కష్టపడ్డారు. ఇప్పుడు జడల్ క్యారెక్టర్ కోసం అంతే కష్టపడుతున్నారు’’ అని విశ్వ పేర్కొన్నాాడు. విశ్వ మాటలను బట్టి నాని డెడికేషన్ కు హ్యాట్సాఫ్ అంటూ ఫ్యాన్స్ కామెంట్లు చేస్తున్నారు.
{{/usCountry}}‘‘అందుకే ఆయన సినిమాల రిజల్ట్ అలా ఉంటాయి. జెర్సీ టైమ్ లో ఆయన క్రికెట్ నేర్చుకున్నారు. నాని అన్నకు వీవీఎస్ లక్ష్మణ్ ఫోన్ చేసి ప్రొఫెషనల్ గానే ఆడావు. ఇండియన్ క్రికెట్ టీమ్ కు ఎందుకు రాకూడదని అన్నారంటా. అప్పుడు అర్జున్ క్యారెక్టర్ ను పర్ఫెక్ట్ గా చేయడం కోసం ఆయన వంద శాతం కష్టపడ్డారు. ఇప్పుడు జడల్ క్యారెక్టర్ కోసం అంతే కష్టపడుతున్నారు’’ అని విశ్వ పేర్కొన్నాాడు. విశ్వ మాటలను బట్టి నాని డెడికేషన్ కు హ్యాట్సాఫ్ అంటూ ఫ్యాన్స్ కామెంట్లు చేస్తున్నారు.
{{/usCountry}}