Web Series: ఇండియన్ ఓటీటీ (OTT) వరల్డ్లో బెస్ట్ వెబ్ సిరీస్ అనగానే మనకు టక్కున గుర్తొచ్చే పేర్లు 'పంచాయత్', 'ది ఫ్యామిలీ మ్యాన్', 'మీర్జాపూర్' లేదా 'పాతాల్ లోక్'. కల్ట్ క్లాసిక్ స్టేటస్ దక్కించుకున్న ఈ వెబ్ సిరీస్లు కోట్ల మంది ప్రేక్షకులను సంపాదించుకున్నాయి.
అయితే గ్లోబల్ రేటింగ్ ప్లాట్ఫామ్ ఐఎండీబీ (IMDb)లో ఈ పాపులర్ షోల కంటే అత్యధిక రేటింగ్ సాధించి, గత ఆరేళ్లుగా నంబర్ వన్ స్థానంలో దూసుకుపోతున్న ఒక హిందీ వెబ్ సిరీస్ ఉందనే విషయం మీకు తెలుసా? అవును బాలీవుడ్ ప్రముఖ దర్శకుడు హన్సల్ మెహతా ల్యాండ్మార్క్ ప్రాజెక్ట్గా తెరకెక్కించిన ఆ మాస్టర్పీస్ వెబ్ సిరీస్ రికార్డును ఇప్పటివరకు ఏ ఒక్క ఇండియన్ ఓటీటీ కంటెంట్ కూడా బ్రేక్ చేయలేకపోయింది.
ఐఎండీబీ చార్ట్స్లో టాప్: ఆ వెబ్ సిరీస్ ఏంటంటే?
ప్రపంచవ్యాప్తంగా ఉన్న సినీ లవర్స్ ఇచ్చే రేటింగ్స్ ఆధారంగా నడిచే ఐఎండీబీలో పదికి 9.2 మైండ్బ్లోయింగ్ రేటింగ్తో అగ్రస్థానంలో నిలిచింది 'స్కామ్ 1992: ది హర్షద్ మెహతా స్టోరీ' (Scam 1992: The Harshad Mehta Story). సోనీలివ్ (SonyLIV) ఓటీటీ ప్లాట్ఫామ్లో అందుబాటులో ఉన్న ఈ వెబ్ సిరీస్ ఇండియన్ డిజిటల్ స్పేస్లోనే ఒక విప్లవాన్ని సృష్టించింది. 2020లో విడుదలైన ఈ సిరీస్ దాదాపు 6 సంవత్సరాలు పూర్తి చేసుకుంటున్నా.. నేటికీ రేటింగ్స్ పరంగా దీని దరిదాపుల్లోకి ఏ ఇతర బిగ్ బడ్జెట్ సిరీస్ రాలేకపోయింది.
టాప్ ఇండియన్ వెబ్ సిరీస్ ఐఎండీబీ రేటింగ్స్ (2026 అప్డేట్)
- స్కామ్ 1992: ది హర్షద్ మెహతా స్టోరీ — 9.2 / 10
{{/usCountry}}- స్కామ్ 1992: ది హర్షద్ మెహతా స్టోరీ — 9.2 / 10
{{/usCountry}}- గుల్లక్ (Gullak) — 9.1 / 10
- ఆస్పిరెంట్స్ (Aspirants) — 9.1 / 10
- పంచాయత్ (Panchayat) — 9.0 / 10
- ది ఫ్యామిలీ మ్యాన్ (The Family Man) — 8.7 / 10
- మీర్జాపూర్ (Mirzapur) — 8.5 / 10
ఇక్కడ గమనించాల్సిన విషయం ఏమిటంటే.. 'సప్నే వర్సెస్ ఎవ్రీవన్' అనే మరో వెబ్ సిరీస్ కూడా 9.2 రేటింగ్ సాధించినప్పటికీ.. పాపులారిటీ, వ్యూవర్షిప్ పరంగా 'స్కామ్ 1992' టాప్లో కొనసాగుతోంది.
రాత్రికి రాత్రే గ్లోబల్ స్టార్గా మారిన ప్రతీక్ గాంధీ
ఈ వెబ్ సిరీస్ సాధించిన అసాధారణ విజయానికి ముఖ్య కారణం లీడ్ రోల్ పోషించిన గుజరాతీ థియేటర్ ఆర్టిస్ట్ ప్రతీక్ గాంధీ. స్టాక్ మార్కెట్ బుల్ హర్షద్ మెహతా పాత్రలో ఆయన జీవించేశారు. బాడీ లాంగ్వేజ్ నుండి డైలాగ్ డెలివరీ వరకు ప్రతీక్ చూపించిన నటనకు దేశవ్యాప్తంగా ప్రశంసలు దక్కాయి.
ఈ వెబ్ సిరీస్లోని "లోచా, లాఫా యా లాప్సీ.. ఈ మూడింటికీ దూరంగా ఉండాలి", అలాగే "సక్సెస్ అంటే ఏంటి? ఫెయిల్యూర్ తర్వాత వచ్చే నెక్స్ట్ చాప్టర్" వంటి పవర్ఫుల్ డైలాగ్స్ ఇప్పటికీ సోషల్ మీడియాలో మీమ్స్ రూపంలో ట్రెండ్ అవుతూనే ఉంటాయి. దీనితో పాటు దీని ఐకానిక్ బ్యాక్గ్రౌండ్ మ్యూజిక్ (BGM) ఒక ట్రెండ్ సెట్టర్గా నిలిచింది.
స్కామ్ 2003 ఎందుకు క్లిక్ అవ్వలేదు?
'స్కామ్ 1992' ఇచ్చిన బూస్ట్తో దర్శకుడు హన్సల్ మెహతా, సోనీలివ్ సంస్థ ఈ ఫ్రాంచైజీలో భాగంగా రెండో సీజన్గా 'స్కామ్ 2003: ది తెల్గీ స్టోరీ' (Scam 2003: The Telgi Story)ని తీసుకొచ్చారు. దేశ చరిత్రలోనే అతిపెద్ద స్టాంప్ పేపర్ స్కామ్ కింగ్పిన్ అబ్దుల్ కరీమ్ తెల్గీ జీవితం ఆధారంగా ఈ సిరీస్ తెరకెక్కింది.
అయితే కథనంలో మొదటి సీజన్ లాంటి గ్రిప్పింగ్ డ్రామా లేకపోవడంతో ఇది ప్రేక్షకులను అంతగా మెప్పించలేకపోయింది. ఫలితంగా ఐఎండీబీలో ఈ సిరీస్ కేవలం 7.9 రేటింగ్కే పరిమితమైంది.
మంచి ఇంటెన్స్, రియలిస్టిక్ క్రైమ్ డ్రామాలను ఇష్టపడేవారు, స్టాక్ మార్కెట్ ప్రపంచంలో జరిగిన అతిపెద్ద సంచలనాన్ని అందులోని లొసుగులతో సహా తెలుసుకోవాలనుకుంటే సోనీలివ్లో ఉన్న 'స్కామ్ 1992'ను అస్సలు మిస్ అవ్వకండి.