E-Paper
Illu Illalu Pillalu Serial: ఇల్లు ఇల్లాలు పిల్లలు సీరియల్.. ఈ నర్మద మామూలుది కాదు కదా.. దెబ్బకు ఆ బల్లక్కాయ్ సైలెంట్!
Illu Illalu Pillalu Serial: బుల్లితెరపై టాప్ రేటింగ్ తో దూసుకుపోతున్న ఇల్లు ఇల్లాలు పిల్లలు సీరియల్ లో ట్విస్టులు మామూలుగా లేవు. రామరాజు పోలీస్ స్టేషన్ సెల్ లోకి వెళ్లడం ఓ ట్విస్ట్ అంటే.. ఈ కేసులో నర్మద తెలివిగా వ్యవహరించి బల్లక్కాయ్ నోరు మూయించడం వేరే లెవల్ అనే కామెంట్లు వినిపిస్తున్నాయి.
Prefer HTon Google
Illu Illalu Pillalu Serial: తెలుగు ఆడియన్స్ విపరీతంగా ఆదరిస్తున్న సీరియల్ లో ఇల్లు ఇల్లాలు పిల్లలు ముందంజలో ఉంది. స్టార్ మాలో ప్రసారమవుతున్న ఈ సీరియల్ కు తెలుగు నాట ప్రేక్షకులు ఎక్కువే. ఫ్యామిలీ ఎమోషన్స్, ట్విస్ట్ లు, ఉత్కంఠతో ఈ సీరియల్ దూసుకెళ్తోంది. ఆడియన్స్ కు మంచి థ్రిల్ అందిస్తోంది.
నర్మద అదుర్స్
ఇల్లు ఇల్లాలు పిల్లలు సీరియల్ లో రామరాజు నడిపి కోడలు నర్మద గురించి ప్రత్యేకంగా చెప్పుకోవాలి. తన కుటుంబానికి ఏ ఆపద వచ్చినా తన తెలివితో ఆమె కాపాడుకుంటూ వస్తోంది. బల్లక్కాయ్ కుట్రల నుంచి భద్రావతి కుతంత్రాల వరకూ రామరాజు కుటుంబానికి నర్మద శ్రీ రామరక్షగా ఉంటుంది. ఎప్పటికప్పుడూ తన ఫ్యామిలీని సంతోషంగా ఉండేలా చూసుకుంది.
బల్లక్కాయ్ ట్విస్ట్
ఈ సీరియల్ లో రామరాజు పెద్ద కోడలు శ్రీవల్లి తన అత్తామామలు, భర్తకు దిమ్మతిరిగే షాకిచ్చింది. తన కుట్రలు బట్టబయలు కావడంతో బల్లక్కాయ్ ను రామరాజు కుటుంబం గెంటేసింది. అయితే తన తప్పు తెలుసుకోకుండా, ఆ బల్లక్కాయ్ పగతో రగిలిపోతోంది. అందుకే తన భర్త, అత్తామామపై గృహ హింస కేసు పెట్టింది. దీంతో కథలో అదిరే ట్విస్ట్ చోటు చేసుకుంది.
ఇంట్లోకి అడుగుపెట్టేలా
రామరాజు, వేదవతి, చందుపై గృహ హింస కేసు పెట్టిన బల్లక్కాయ్.. ఈ కేసుతో తిరిగి తన అత్తారింట్లో అడుగుపెట్టాలని ప్లాన్ వేసింది. అత్తామామ, భర్త కలిసి తన కాళ్లపై పడతారని ఆమె ఎక్స్ పెక్ట్ చేసింది. కానీ రామరాజు కుటుంబాన్ని కాపాడేందుకు రెడీగా ఉండే నర్మద రంగంలోకి దిగింది. బల్లక్కాయ్ కు దిమ్మదిరిగే షాకిచ్చి, ఆమె నోరును మూయించింది.
కళ్లు తెరిపించిన నర్మద
శ్రీవల్లిని కేసు వాపసు తీసుకోమ్మని అడిగేందుకు నర్మద, ప్రేమ, ధీరజ్ కలిసి వెళ్లారు. కానీ వల్లి మాత్రం తెగ బిల్డప్ ఇచ్చింది. తనను ఇంటికి తీసుకెళ్తేనే కేసు వాపసు తీసుకుంటానని డిమాండ్ చేసింది. దీంతో నర్మద, ధీరజ్, ప్రేమ కలిసి నిరాశగా తిరిగి వచ్చారు.
కానీ ఆ తర్వాత పోలీస్ స్టేషన్ బయట నర్మద ఆడిన మైండ్ గేమ్ మామూలుగా లేదు. ఈ కేసు పెట్టడం వల్ల బల్లక్కాయ్ ఎంత తప్పు చేసిందనే విషయాన్ని నర్మద వివరించి మరీ చెప్పింది. కేసు వాపసు తీసుకోకపోతే ఇక లైఫ్ లో చందు బావ జీవితంలోకి రాలేవని గట్టి వార్నింగ్ ఇచ్చింది. దీంతో బల్లక్కాయ్ చుప్ అయిపోయింది. కేసు వాపసు తీసుకునేందుకు రెడీ అయ్యింది. దీంతో మరోసారి ఇల్లు ఇల్లాలు పిల్లలు సీరియల్ లో నర్మద క్యారెక్టర్ పై నెటిజన్లు ప్రశంసలు కురిపిస్తున్నారు.
