Irumudi Box Office Collection: ఇరుముడి బ్లాక్‌బస్టర్.. రెండు రోజుల్లోనే బ్రేక్ఈవెన్.. మూడు రోజుల్లో రూ.75 కోట్లు..

Irumudi Box Office Collection: రవితేజ ఇరుముడి మూవీ బాక్సాఫీస్ రికార్డుల పరంపర కొనసాగుతోంది. ఈ సినిమా తొలి వీకెండ్ లో ఏకంగా రూ.75 కోట్లు వసూలు చేసి సరికొత్త చరిత్ర సృష్టించింది. అటు అమెరికాలో మిలియన్ డాలర్ల క్లబ్ లోనూ చేరింది.

Irumudi Box Office Collection: మాస్ మహారాజా రవితేజ బాక్సాఫీస్ దగ్గర నయా హిస్టరీ క్రియేట్ చేశారు. ఆయన లేటెస్ట్ డివోషనల్ మాస్ ఎంటర్‌టైనర్ 'ఇరుముడి' థియేటర్లలో సరికొత్త సంచలనం సృష్టిస్తోంది. జస్ట్ రెండు రోజుల్లోనే బ్రేక్ ఈవెన్ టార్గెట్ ఫినిష్ చేసి, మొదటి వికెండ్‌లోనే రూ. 75 కోట్ల గ్రాస్ కలెక్షన్లతో మాస్ రాజా కెరీర్‌లోనే బిగ్గెస్ట్ వికెండ్ ఓపెనర్‌గా రికార్డు నెలకొల్పింది.

2 రోజుల‌లోనే బ్రేక్ ఈవెన్.. రూ. 75 కోట్ల రికార్డ్ కలెక్షన్లు

Irumudi Box Office Collection: ఇరుముడి బ్లాక్‌బస్టర్.. రెండు రోజుల్లోనే బ్రేక్ఈవెన్.. మూడు రోజుల్లో రూ.75 కోట్లు..

సాధారణంగా ఒక స్టార్ హీరో సినిమా థియేట్రికల్ రికవరీ టార్గెట్ పూర్తి చేయడానికి వారం నుంచి రెండు వారాల సమయం పడుతుంది. కానీ 'ఇరుముడి' మూవీ రూ. 20 కోట్ల బ్రేక్ ఈవెన్ టార్గెట్‌ను కేవలం రెండు రోజుల్లోనే దాటేసి ట్రేడ్ వర్గాలను షాక్‌కు గురిచేసింది. మాస్ ఆడియన్స్‌తో పాటు ఫ్యామిలీస్ థియేటర్లకు క్యూ కడుతుండటంతో బాక్సాఫీస్ దగ్గర ఊహించని రేంజ్‌లో కలెక్షన్ల వర్షం కురుస్తోంది.

ఫస్ట్ వీకెండ్ ముగిసేసరికి ప్రపంచవ్యాప్తంగా రూ. 75 కోట్ల గ్రాస్ కలెక్ట్ చేసి రవితేజ కెరీర్‌లోనే ఆల్-టైమ్ హయ్యెస్ట్ వీకెండ్ గ్రాసర్‌గా నిలిచింది. శుక్రవారం (ఆగస్ట్ 21) నుంచి మొదలైన ఈ రన్ సోమవారం (ఆగస్ట్ 24) కూడా ఏమాత్రం తగ్గలేదు. వీక్‌డేస్‌లో కూడా బుకింగ్స్ సాలిడ్‌గా కనిపిస్తుండటంతో ఈ సినిమా లాంగ్ రన్ భారీగా ఉండబోతోందని స్పష్టమవుతోంది.

ఓవర్సీస్‌లో రవితేజ నయా రికార్డ్.. ఫస్ట్ టైమ్ మిలియన్ డాలర్ల క్లబ్‌లో..

ఇటు ఇండియాలోనే కాకుండా ఓవర్సీస్‌లోనూ 'ఇరుముడి' ప్రభంజనం కొనసాగుతోంది. ముఖ్యంగా నార్త్ అమెరికా బాక్సాఫీస్ వద్ద ఈ సినిమా అరుదైన మైలురాయి దాటింది. యూఎస్ బాక్సాఫీస్ దగ్గర 1 మిలియన్ డాలర్ల (1 Million Dollars) మార్కును క్రాస్ చేసి రవితేజ కెరీర్‌లోనే తొలి మిలియన్ డాలర్ క్లబ్ మూవీగా నిలిచింది.

మాస్ ఎంటర్‌టైన్మెంట్, ఫ్యామిలీ ఎమోషన్స్, డివోషనల్ ఎలిమెంట్స్ సరికొత్త కాంబినేషన్‌లో వచ్చిన ఈ సినిమా ఆడియన్స్‌కు విపరీతంగా నచ్చేసింది. రవితేజ ఎనర్జీ, డైరెక్టర్ టేకింగ్, బ్యాక్‌గ్రౌండ్ స్కోర్ ప్రేక్షకులను థియేటర్లలో కట్టిపడేస్తున్నాయి.

థియేట్రికల్ రికవరీని రికార్డు టైమ్‌లో పూర్తి చేయడంతో ప్రొడ్యూసర్లు, డిస్ట్రిబ్యూటర్లు, ఎగ్జిబిటర్లు అందరూ భారీ లాభాల బాట పట్టారు. మాస్ రాజా కెరీర్‌లోనే బిగ్గెస్ట్ కమర్షియల్ సక్సెస్‌గా నిలిచే దిశగా 'ఇరుముడి' దూసుకుపోతోంది. గతంలో నిన్ను కోరి, మజిలీ, ఖుషీలాంటి లవ్ స్టోరీలను అందించిన డైరెక్టర్ శివ నిర్వాణ ఇప్పుడీ డివోషనల్ మూవీతో రవితేజకు బ్లాక్‌బస్టర్ అందించడం విశేషం.