E-Paper
Irumudi Song: ఇరుముడి కట్టు.. ఇరుముడి నుంచి వచ్చేసిన ఫస్ట్ సాంగ్.. భక్తితో ఊగిపోయిన రవితేజ.. పారవశ్యంలో ముంచే పాట
Irumudi Song: మాస్ మహారాజా నుంచి భక్తుడిగా మారిన రవితేజ లేెటెస్ట్ మూవీ ‘ఇరుముడి’ నుంచి ఫస్ట్ సాంగ్ వచ్చేసింది. ‘ఇరుముడి కట్టు’ అనే ఈ సాంగ్ భక్తి పారవశ్యంలో ముంచేలా ఉంది. ఈ పాటలో రవితేజ భక్తితో ఊగిపోయాడు. మనసును తాకే లిరిక్స్ తో ఉన్న ఈ సాంగ్ పూర్తి వివరాలు చూసేయండి.
Irumudi Song: ‘ఇరుముడి కట్టు’ అంటూ రవితేజ భక్తి పారవశ్యంలో మునిగి తేలాడు. అతను హీరోగా నటిస్తున్న అప్ కమింగ్ డివోషనల్ థ్రిల్లర్ ‘ఇరుముడి’ నుంచి ఫస్ట్ సాంగ్ రిలీజైంది. ‘ఇరుముడి కట్టు’ అంటూ సాగుతున్న ఈ పాటలోని లిరిక్స్ భక్తుల మనసులను తాకేలా ఉన్నాయి.
ఇరుముడి కట్టు సాంగ్
రవితేజ హీరోగా శివ నిర్వాణ తెరకెక్కిస్తున్న ఇరుముడి మూవీపై ఇప్పటికే అంచనాలు నెలకొన్నాయి. ఇప్పుడు ఈ హైప్ ను మరింత పెంచేలా ‘ఇరుముడి కట్టు’ సాంగ్ రిలీజ్ అయింది. ఇవాళ (జూన్ 29) ఈ ఇరుముడి సినిమా నుంచి ఫస్ట్ సాంగ్ అయిన ఇరుముడి కట్టును మేకర్స్ విడుదల చేశారు.
భక్తితో ఊగిపోయిన రవితేజ
స్వామియే శరణమయ్యప్ప అంటూ స్టార్ట్ అయిన ఈ సాంగ్ లాస్ట్ వరకు కూడా భక్తులకు మళ్లీ మళ్లీ వినిపించేలా ఉంది. ‘ఇరుముడి కట్టు’ అంటూ సాగుతున్న లిరిక్స్ తగ్గట్లుగా భక్తి పారవశ్యంతో రవితేజ మునిపోయి స్టెప్పులు వేయడం ఆకట్టుకుంది. ఈ లిరికల్ వీడియో ఇన్ స్టంట్ వైరల్ గా మారింది.
జీవీ ప్రకాష్ మ్యూజిక్
ఇరుముడి సినిమాకు జీవీ ప్రకాష్ మ్యూజిక్ డైరెక్టర్. ఈ సినిమాలో రెండు అయ్యప్ప సాంగ్స్ ఉంటాయని ఇప్పటికే జీవీ ప్రకాష్ క్లారిటీ ఇచ్చాడు. ఇందులో నుంచి ఫస్ట్ సాంగ్ సోమవారం రిలీజైంది. ఈ పాటను అనంతు చక్కగా పాడారు. ఈ సాంగ్ లిరిక్స్ ను కళ్యాణ్ చక్రవర్తితో కలిసి స్వయంగా డైరెక్టర్ శివ నిర్వాణ రాయడం విశేషం. శివ నిర్వాణ మంచి లిరిసిస్ట్ కూడా అన్న సంగతి తెలిసిందే.
రిలీజ్ డేట్
ఇరుముడి మూవీ ఆగస్టు 21న ప్రపంచవ్యాప్తంగా రిలీజ్ కానుంది. ఈ ఇరుముడి కట్టు సాంగ్ ను తెలుగుతో పాటు తమిళంలోనూ విడుదల చేశారు. ఇందులో రవితేజ సరసన ప్రియా భాస్కర్ హీరోయిన్ గా నటిస్తోంది. రవితేజ కూతరిగా బేబీ నక్షత్ర యాక్ట్ చేస్తోంది. ఇరుముడి సినిమాను మైత్రీ మూవీస్ బ్యానర్ పై నవీన్ యెర్నేని, వై.రవి శంకర్ నిర్మిస్తున్నారు.
అయ్యప్ప మాల
మాస్ మహారాజా రవితేజకు వరుసగా ఫ్లాప్ లు ఎదురవుతున్నాయి. రొటీన్ మాస్ మసాలా స్టోరీలతోనే అతను మూవీస్ తీస్తున్నాడనే విమర్శలు వస్తున్నాయి. ఈ నేపథ్యంలోనే రవితేజ రూట్ మార్చాడు. కంప్లీట్ ఫ్యామిలీ ఎమోషన్ అండ్ డివోషనల్ టచ్ ఉన్న ‘ఇరుముడి’ ప్రాజెక్ట్ లో నటిస్తున్నాడు. ఇప్పటికే రిలీజైన ఇరుముడి టీజర్ లో రవితేజ పూర్తి డిఫరెంట్ గా కనిపించాడు. ఈ మూవీలో అతను అయ్యప్ప మాల వేసుకున్న భక్తుడిగా నటిస్తున్నాడు.
