Jabardasth Actor: బుల్లితెరపై జబర్దస్త్ కామెడీ షో ద్వారా మంచి గుర్తింపు తెచ్చుకున్నారు రాకింగ్ రాకేష్, వ్యాఖ్యాత జోర్దార్ సుజాత (Jordar Sujatha). టీవీ షోలలో తనదైన తెలంగాణ యాస, నటనతో ఆకట్టుకున్న జోర్దార్.. అదే షో ద్వారా కమెడియన్ రాకింగ్ రాకేష్ (Rocking Rakesh) తో పరిచయం పెంచుకుని, ఆపై ప్రేమలో పడి వివాహ బంధంలోకి అడుగుపెట్టారు.
రాకింగ్ రాకేష్, సుజాత లవ్ స్టోరీ
తాజాగా పాల్గొన్న ఒక ఇంటర్వ్యూలో తమ ప్రేమకథ ఎలా మొదలైంది, పెళ్లికి ముందు వచ్చిన సవాళ్లు, ప్రస్తుత వైవాహిక జీవితంపై సుజాత ఆసక్తికర వ్యాఖ్యలు చేసింది. జబర్దస్త్ షోలో రాకింగ్ రాకేష్ టీమ్లో సుజాత స్కిట్లు చేయడం ప్రారంభించిన సమయంలోనే వీరిద్దరి మధ్య స్నేహం బలపడింది.
శ్మశాన వాటికలో
మొదట్లో కేవలం కో-ఆర్టిస్టులుగా పనిచేశామని, రాకేష్ ఇచ్చిన ప్రోత్సాహం, కేరింగ్ తత్వమే తమను దగ్గర చేసిందని సుజాత వెల్లడించారు. నిరంతరం కలసి ప్రయాణించడం, కష్టసుఖాలను పంచుకోవడంతో వీళ్ల మధ్య స్నేహం ప్రేమగా మారింది. అయితే రాకేష్ ఏమో డిఫరెంట్ గా సుజాతకు శ్మశాన వాటికలో ప్రపోజ్ చేశాడు.
కామెడీ అనుకున్నా
‘‘ఒక రోజు రాత్రి రాకేష్ నన్ను శ్మశాన వాటికకు తీసుకెళ్లాడు. అక్కడికి ఎందుకు వెళ్లామో నాకు అర్థం కాలేదు. కానీ రాకేష్ మాత్రం నన్ను ప్రేమిస్తున్నట్లు చెప్పాడు. పెళ్లి చేసుకుందామన్నాడు. అయితే అప్పుడు అతని మాటలను జోక్ గా అనుకున్నా. అందుకే సీరియస్ గా తీసుకోలేదు’’ అని సుజాత వెల్లడించింది.
ఇంట్లో వాళ్లను ఒప్పించి
రాకేష్ మాత్రం సుజాతను పెళ్లి చేసుకోవాలని గట్టిగా ఫిక్స్ అయ్యాడు. ‘‘నేను మా అమ్మతో ఫోన్ మాట్లాడుతున్నా. రాకేష్ ఫోన్ లాక్కొని ‘మీ అమ్మాయి అంటే నాకు చాలా ఇష్టం’ అని చెప్పాడు. అప్పుడు నేను ఏదో ఒకలాగా కవర్ చేశా. కానీ ఒక రోజు వాళ్లింటికి తీసుకెళ్లాడు. అప్పుడు తన ప్రేమను చెప్తుంటే సీరియస్ అనిపించింది.
నన్ను పెళ్లి చేసుకుంటానని వాళ్ల ఇంట్లో వాళ్లందరినీ రాకేష్ ముందే ఒప్పించాడు. ఆ తర్వాతా మా ఇంట్లో వాళ్లతో మాట్లాడాడు. అలా మా పెళ్లి జరిగింది’’ అని సుజాత తమ లవ్ స్టోరీని గుర్తు చేసుకుంది.
{{/usCountry}}నన్ను పెళ్లి చేసుకుంటానని వాళ్ల ఇంట్లో వాళ్లందరినీ రాకేష్ ముందే ఒప్పించాడు. ఆ తర్వాతా మా ఇంట్లో వాళ్లతో మాట్లాడాడు. అలా మా పెళ్లి జరిగింది’’ అని సుజాత తమ లవ్ స్టోరీని గుర్తు చేసుకుంది.
{{/usCountry}}సేవ్ ది టైగర్స్
జోర్దార్ సుజాతగా పాపులర్ అయిన సుజాత.. జబర్దస్త్, బిగ్ బాస్ తో ప్రజలకు ఇంకా చేరువైంది. ఆ తర్వాత జియోహాట్ స్టార్ లో స్ట్రీమింగ్ అవుతున్న ‘సేవ్ ది టైగర్స్’ సీజన్ తో ఇంకా క్రేజ్ సంపాదించుకుంది. మరోవైపు రాకేష్ ఏమో బజర్దస్త్, కుకూ విత్ జాతిరత్నాలు షోలు చేస్తున్నాడు. సినిమాల్లో నటిస్తున్నాడు. వీళ్లకు ఓ పాప ఉంది.