స్టార్ మా సీరియల్ కార్తీక దీపం తొలి సీజన్ లోనే కాదు రెండో సీజన్ లోనూ ప్రేక్షకులను అలరిస్తూనే ఉంది. తాజాగా రెండో సీజన్ కూడా అరుదైన 500 ఎపిసోడ్ల మైలురాయిని అందుకుంది. ఈ విషయాన్ని స్టార్ మా ఛానెల్ బుధవారం (అక్టోబర్ 29) తన ఎక్స్ అకౌంట్ ద్వారా వెల్లడించింది.
కార్తీక దీపం @ 500 ఎపిసోడ్లు
కార్తీక దీపం రెండో సీజన్ గతేడాది మార్చి 25న ప్రారంభమైన విషయం తెలిసిందే. ఇప్పటి వరకూ ఈ సీరియల్ 500 ఎపిసోడ్లు పూర్తి చేసుకుంది. రెండో సీజన్ మొదలైనప్పటి నుంచే ఇది టాప్ సీరియల్స్ లో ఒకటిగా నిలిచింది. అయితే ఈ ఏడాది మొదటి నుంచీ తెలుగులో నంబర్ వన్ సీరియల్ హోదాను కొనసాగిస్తోంది. తాజాగా ఈ సీరియల్ 500 ఎపిసోడ్ల మైలురాయి గురించి స్టార్ మా ట్వీట్ చేసింది.
“500 ఎపిసోడ్ల వెలుగు, ప్రేమ, మ్యాజిక్. మీ ప్రేమ, మద్దతుతోనే కార్తీక దీపం ఇంకా వెలుగుతూనే ఉంది. ఈ అందమైన మైలురాయిని అందుకున్న టీమ్ కు శుభాకాంక్షలు. కార్తీకదీపం సోమవారం నుంచి శనివారం వరకు ప్రతి రోజూ రాత్రి 8 గంటలకు స్టార్ మాలో చూడండి” అనే క్యాప్షన్ తో ట్వీట్ చేసింది.
కార్తీకదీపం సీరియల్
కార్తీకదీపం సీరియల్ రెండు సీజన్లుగా వచ్చింది. తొలి సీజన్ 2017లో మొదలై 2023లో ముగిసింది. ఆ సీజన్ సుమారు ఐదున్నర ఏళ్లపాటు ఏకంగా 1569 ఎపిసోడ్ల పాటు సాగింది. ఏడాది గ్యాప్ ఇచ్చిన తర్వాత మళ్లీ గతేడాది మార్చి నుంచి రెండో సీజన్ ను తీసుకొచ్చారు. తొలి సీజన్ ను ఏ స్థాయిలో అయితే ప్రేక్షకులు ఆదరించారో.. ఈ రెండో సీజన్ ను కూడా అలాగే ఆదరిస్తున్నారు. ప్రస్తుతం తెలుగులో నంబర్ వన్ సీరియల్ ఇదే. ప్రతి వారం టీఆర్పీ రేటింగ్స్ లో మిగిలిన అన్ని సీరియల్స్ ను వెనక్కి నెట్టి తొలి స్థానంలో నిలుస్తోంది.
ఈ ఏడాది 41వ వారం రేటింగ్స్ లోనూ 14.90 రేటింగ్ తో తన టాప్ ప్లేస్ ను మరింత పదిలం చేసుకుంది. ఈ కార్తీక దీపం సీరియల్లో నిరుపమ్ పరిటాల, ప్రేమి విశ్వనాథ్, శోభ శెట్టిలాంటి వాళ్లు నటిస్తున్నారు. కార్తీకదీపం తొలి సీజన్ మలయాళంలో వచ్చిన కారుతముత్తు అనే సీరియల్ కు రీమేక్ కాగా.. రెండో సీజన్ తమిళ సీరియల్ చెల్లమ్మకు రీమేక్ కావడం విశేషం. రెండు సీజన్లు కలిపి ఇప్పటికే రెండు వేలకుపైగా ఎపిసోడ్ల మార్క్ దాటేసింది. రెండో సీజన్ 500 ఎపిసోడ్లు పూర్తి చేసుకొని.. ఇక 1000 వైపు పరుగులు తీస్తోంది.
{{/usCountry}}ఈ ఏడాది 41వ వారం రేటింగ్స్ లోనూ 14.90 రేటింగ్ తో తన టాప్ ప్లేస్ ను మరింత పదిలం చేసుకుంది. ఈ కార్తీక దీపం సీరియల్లో నిరుపమ్ పరిటాల, ప్రేమి విశ్వనాథ్, శోభ శెట్టిలాంటి వాళ్లు నటిస్తున్నారు. కార్తీకదీపం తొలి సీజన్ మలయాళంలో వచ్చిన కారుతముత్తు అనే సీరియల్ కు రీమేక్ కాగా.. రెండో సీజన్ తమిళ సీరియల్ చెల్లమ్మకు రీమేక్ కావడం విశేషం. రెండు సీజన్లు కలిపి ఇప్పటికే రెండు వేలకుపైగా ఎపిసోడ్ల మార్క్ దాటేసింది. రెండో సీజన్ 500 ఎపిసోడ్లు పూర్తి చేసుకొని.. ఇక 1000 వైపు పరుగులు తీస్తోంది.
{{/usCountry}}ఈ మధ్యే మరో స్టార్ మా సీరియల్ కూడా 300 ఎపిసోడ్లు పూర్తి చేసుకున్న విషయం తెలిసిందే. ప్రస్తుతం టీఆర్పీ రేటింగ్స్ లో రెండో స్థానంలో ఉన్న ఆ సీరియల్ పేరు ఇల్లు ఇల్లాలు పిల్లలు. ప్రతివారం కార్తీక దీపం 2 సీరియల్ కు గట్టి పోటీ ఇచ్చే సీరియల్ అది.