2 రోజుల్లో 11 కోట్లకుపైగా కె ర్యాంప్ కలెక్షన్స్.. 52 శాతం రికవరీ.. డే బై డే పెరుగుతున్న కిరణ్ అబ్బవరం మూవీ వసూళ్లు
హీరో కిరణ్ అబ్బవరం నటించిన లేటెస్ట్ రొమాంటిక్ కామెడీ యాక్షన్ థ్రిల్లర్ సినిమా కె ర్యాంప్. డైరెక్టర్ జైన్స్ నాని దర్శకత్వం వహించిన కె ర్యాంప్ సినిమా అక్టోబర్ 18న థియేటర్లలో విడుదలై బాక్సాఫీస్ కలెక్షన్లతో దూసుకుపోతోంది. ఈ క్రమంలో రెండు రోజుల్లో కె ర్యాంప్ సినిమా కలెక్షన్స్ ఎంతో ఇక్కడ లుక్కేద్దాం.
సక్సెస్ఫుల్ హీరో కిరణ్ అబ్బవరం నటించిన లేటెస్ట్ రొమాంటిక్ కామెడీ యాక్షన్ థ్రిల్లర్ సినిమా కె ర్యాంప్. అక్టోబర్ 18న విడుదలైన కె ర్యాంప్ మూవీ బ్లాక్ బస్టర్ జర్నీ కంటిన్యూ చేస్తోంది. ఈ దీపావళికి రిలీజైన చిత్రాల్లో కాస్తా మిక్స్డ్ టాక్ తెచ్చుకున్నప్పటికీ బాక్సాఫీస్ వద్ద మాత్రం సత్తా చాటుతోంది.
డే బై డే కలెక్షన్స్ పెంచుకుంటూ
డైరెక్టర్ జైన్స్ నాని దర్శకత్వం వహించిన కె ర్యాంప్ సినిమా ఛాంపియన్గా నిలిచి డే బై డే కలెక్షన్స్ పెంచుకుంటూ వెళ్తోంది. మొదటి రోజును మించిన వసూళ్లు రెండో రోజు ఈ సినిమాకు దక్కాయి. రెండు రోజుల్లో కె ర్యాంప్ మూవీ ప్రపంచవ్యాప్తంగా 11.3 కోట్ల రూపాయల గ్రాస్ వసూళ్లు దక్కించుకుందని నిర్మాతలు పేర్కొన్నారు.
కిరణ్ అబ్బవరం టూర్ వల్ల
రెండు రోజుల కలెక్షన్స్తోనే కె ర్యాంప్ మూవీ 50 శాతం వసూళ్లు రికవరీ చేసినట్లు ట్రాక్ టాలీవుడ్ సైట్ పేర్కోంది. కె ర్యాంప్ సినిమాను ప్రేక్షకుల దగ్గరకు రీచ్ చేయడంలో హీరో కిరణ్ అబ్బవరం సక్సెస్ అయ్యారు. ఆయన చేసిన టూర్స్ వల్ల మూవీపై క్రేజ్ ఏర్పడింది. మాస్, యూత్, ఫ్యామిలీ ప్రేక్షకులు "K-ర్యాంప్" సినిమాను ఎంజాయ్ చేస్తున్నారు. బీ, సీ సెంటర్స్లో మంచి కలెక్షన్స్ రాబడుతోందీ ఈ మూవీ.
రివ్యూస్తో సంబంధం లేకుండా
కె ర్యాంప్ సినిమాకు క్రిటిక్స్ నుంచి వచ్చిన రివ్యూస్కు ఇప్పుడు బాక్సాఫీస్ వద్ద వస్తున్న కలెక్షన్స్కు ఏమాత్రం పొంతన లేదు. రివ్యూస్తో సంబంధం లేకుండా అన్ని వర్గాల ఆడియెన్స్ ఆదరణతో డీసెంట్ కలెక్షన్స్ సాధిస్తోంది కె ర్యాంప్ చిత్రం.
హీరోయిన్గా యుక్తి తరేజా
ఇదిలా ఉంటే, కె ర్యాంప్ సినిమాను ప్రముఖ నిర్మాణ సంస్థ హాస్య మూవీస్, రుద్రాంశ్ సెల్యులాయిడ్ బ్యానర్ల మీద రైజింగ్ ప్రొడ్యూసర్ రాజేష్ దండ, శివ బొమ్మకు సంయుక్తంగా నిర్మించారు. జైన్స్ నాని దర్శకత్వం వహించిన ఈ సినిమాలో కిరణ్ అబ్బవరంకు జోడీగా యుక్తి తరేజా హీరోయిన్గా యాక్ట్ చేసింది.
రిచెస్ట్ చిల్లర్ గాయ్
ఇతర కీలక పాత్రల్లో వీకే నరేష్, సాయికుమార్, వెన్నెల కిషోర్, మురళీధర్ గౌడ్ తమ నటనతో ఆకట్టుకున్నారు. రిచెస్ట్ చిల్లర్ గాయ్ క్యారెక్టర్లో కిరణ్ అబ్బవరం చేసిన పర్ఫార్మెన్స్ కె ర్యాంప్ సినిమాకు హైలెట్గా నిలుస్తోంది.
