E-Paper
దీపావళికి రిలీజ్ అయిన 4 సినిమాలతో పోటీ.. అయిన 'అరి'కి అద్భుతమైన రెస్పాన్స్.. థియేటర్లో డైరెక్టర్ జయశంకర్
థియేటర్లలో విడుదలై పది రోజులు కావొస్తున్న ఇంకా మంచి రెస్పాన్స్తో దూసుకుపోతున్న సినిమా అరి. అనసూయ భరద్వాజ్, వినోద్ వర్మ, సాయి కుమార్, శ్రీకాంత్ అయ్యంగార్ నటించిన అరి సినిమాకు జయశంకర్ దర్శకత్వం వహించారు. అక్టోబర్ 10న విడుదలైన అరి దివాళీకి రిలీజైన 4 సినిమాలతో పోటీ పడుతోంది.
కంటెంట్ బాగుంటే చిన్న, పెద్ద అనే తేడా లేకుండా సినిమాలను ప్రేక్షకులు ఆదరిస్తుంటారు. ఇది చాలా సార్లు నిజమైంది. ఇప్పుడు మరో సినిమా విషయంలో కూడా ఇదే నిరూపితమైంది. ఆ సినిమానే అరి. పేపర్ బాయ్ సినిమాతో మంచి పేరు తెచ్చుకున్న డైరెక్టర్ జయశంకర్ తెరకెక్కించిన సినిమా అరి.
ఏడేళ్ల కృషితో తీర్చిదిద్ది
ఏడేళ్ల కృషితో జయశంకర్ తీర్చిదిద్దిన అరి సినిమాలో అనసూయ భరద్వాజ్, వినోద్ వర్మ, సాయి కుమార్, శ్రీకాంత్ అయ్యంగార్, సురభి ప్రభావతి, వైవా హర్ష తదితరులు ప్రధాన పాత్రలు పోషించారు. అక్టోబర్ 10న థియేటర్లలో విడుదలైన అరి సినిమాకు మంచి రెస్పాన్స్ వచ్చింది.
రాజకీయ, సినీ ప్రముఖుల ప్రశంసలు
రాజకీయ, సినీ ప్రముఖులు సైతం అరి సినిమాను ప్రశంసించారు. అరిషడ్వర్గాలు అనే కాన్సెప్ట్తో వచ్చిన అరి సినిమా పాజిటివ్ మౌత్ టాక్తో పది రోజులు పూర్తి చేసుకుంది. పది రోజుల తర్వాత కూడా అద్భుతమైన రెస్పాన్స్తో దూసుకుపోతోంది అరి సినిమా. అయితే, ఇతర సినిమాలతో పోటీ పడుతూ కూడా రెండో వారంలోకి అడుగుపెట్టడం విశేషంగా మారింది.
బాక్సాఫీస్ బరిలోకి 4 కొత్త సినిమాలు
ఇక ఈ వారం దీపావళి సీజన్ సందర్భంగా నాలుగు కొత్త చిత్రాలు బాక్సాఫీస్ బరిలోకి దిగిన విషయం తెలిసిందే. వాటిలో సిద్ధు జొన్నలగడ్డ తెలుసు కదా, ప్రదీప్ రంగనాథన్ డ్యూడ్, ప్రియదర్శి మిత్ర మండలి, కిరణ్ అబ్బవరం కె ర్యాంప్ సినిమాలు ఉన్నాయి. ఈ నాలుగు చిత్రాలతో పాటు అరి సినిమా కూడా మంచి జోరు చూపిస్తోంది.
డైరెక్టర్ సంతోషం
ఏసియన్ సురేష్ డిస్ట్రిబ్యూషన్ ద్వారా థియేటర్లోకి వచ్చిన అరి చిత్రంపై మీడియా, సోషల్ మీడియాలో పాజిటివ్ టాక్ వచ్చింది. దీంతో రెండో వారం కూడా అరి కొనసాగుతోంది. పదో రోజు కూడా అరికి అద్భుతమైన రెస్పాన్స్ వస్తోందని దర్శకుడు జయ శంకర్ ఆనందాన్ని వ్యక్తం చేశారు.
థియేటర్లో చూసిన పోస్ట్
పదో రోజు సినిమాని వీక్షిస్తున్నట్టు జయ శంకర్ వేసిన పోస్ట్ వైరల్ సోషల్ మీడియాలో వైరల్ అవుతోంది. పది రోజుల తర్వాత అరి సినిమా థియేటర్లలో ప్రేక్షకులు ఉండటంపై డైరెక్టర్ జయశంకర్ ఆనందాన్ని వ్యక్తం చేశారు. అందుకే పోస్ట్తో తన సంతోషాన్ని పంచుకున్నారు.
ప్రమోషన్స్కు రాని ఆర్టిస్ట్స్
అరి కంటెంట్ బేస్డ్ మూవీ కావడంతో రెండో వారం కూడా కొనసాగించాలని మేకర్లు ఫిక్స్ అయ్యారు. అసలు ఈ మూవీ కోసం ఆర్టిస్టులంతా కలిసి ముందుకు వచ్చి ప్రమోట్ చేస్తే నెక్ట్స్ లెవెల్లో ఉండేది. ఆడియెన్స్లోకి మరింత ఎక్కువగా వెళ్లే అవకాశం ఉండేది.
