Intimate Scenes: అలాంటి బోల్డ్ సీన్స్ చేసినప్పుడు ఏం చేయలేం.. లీకవుతాయి.. తప్పుదు: లస్ట్ స్టోరీస్ 3 సీన్లపై విజయ్ వర్మ

Intimate Scenes: నెట్‌ఫ్లిక్స్ లోకి వచ్చిన లస్ట్ స్టోరీస్ 3లో నటించిన విజయ్ వర్మ, రాధికా మదన్ ఇంట్రెస్టింగ్ కామెంట్స్ చేశారు. ఇందులోని బోల్డ్ సీన్లపై వాళ్లు స్పందించారు. అలాంటి సీన్లలో నటించినప్పుడు అవి లీకవుతాయన్న ఆందోళన అవసరం లేదని చెప్పారు.

Intimate Scenes: సినిమాలు, ఓటీటీ వెబ్ సిరీస్‌లలో బోల్డ్, ఇంటిమేట్ సీన్స్ చేయడం నటీనటులకు ఎప్పుడూ ఒక పెద్ద ఛాలెంజే. షూటింగ్ సమయంతో పాటు ఆ సీన్స్ బయటకు వచ్చాక సోషల్ మీడియాలో ఎలా వైరల్ అవుతాయో అనే భయం ప్రతీ నటుడిలోనూ ఉంటుంది. నెట్‌ఫ్లిక్స్ పాపులర్ ఫ్రాంచైజ్ 'లస్ట్ స్టోరీస్ 3' లో నటించిన విజయ్ వర్మ, రాధికా మదన్ ఈ సున్నితమైన అంశంపై ఓపెన్‌గా మాట్లాడారు.

Intimate Scenes: అలాంటి బోల్డ్ సీన్స్ చేసినప్పుడు ఏం చేయలేం.. లీకవుతాయి.. తప్పుదు: లస్ట్ స్టోరీస్ 3 సీన్లపై విజయ్ వర్మ

బోల్డ్ సీన్స్ లీక్ అవ్వడం, నెట్‌లో వైరల్ కావడంపై తమ అభిప్రాయాలను నిర్మొహమాటంగా వెల్లడించారు. నటులుగా పని చేసేటప్పుడు ప్రేక్షకుల చూపును పట్టించుకోకుండా తమ పనిపైనే దృష్టి పెట్టాలని చెప్పారు.

ఏం చేయలేం.. రిస్క్ అని తెలిసి నటిస్తాం: రాధికా మదన్

'లస్ట్ స్టోరీస్ 3' లో అలీ ఫజల్‌తో కలిసి బోల్డ్ సీన్స్‌లో నటించిన రాధికా మదన్ రీసెంట్‌గా ఇచ్చిన ఇంటర్వ్యూలో ఆసక్తికర విషయాలు పంచుకుంది. ఇలాంటి క్లిప్‌లు లీక్ కావడం అనేది నటుల చేతుల్లో ఉండదని, దాని గురించి ఆలోచిస్తూ ఉంటే నటనపై దృష్టి పెట్టలేమని స్పష్టం చేసింది.

"చూసేవారి చూపు సరిగ్గా లేకపోతే మనం ఏం చేయగలం? వాళ్ల ఇళ్లకు వెళ్లి క్లిప్పులు చూడొద్దని చెప్పలేం కదా. ఒక ఇంటిమేట్ సీన్ చేసేటప్పుడు అది లీక్ అయ్యే ఛాన్స్ ఉందనే రిస్క్ మాకు ముందే తెలుసు. అలా జరగకూడదని కోరుకుంటూనే నటులుగా మా పని మేము చేసుకుపోతాం" అని రాధిక మదన్ చెప్పుకొచ్చింది.

ఆ భయాలు ఉంటే హద్దులు దాటి నటించలేం: విజయ్ వర్మ

గతంలో 'లస్ట్ స్టోరీస్ 2' లో తమన్నా భాటియాతో కలిసి నటించిన ఇంటిమేట్ సీన్స్ నెట్‌లో బాగా వైరల్ అయ్యాయి. దీనిపై విజయ్ వర్మ స్పందిస్తూ.. షూటింగ్ చేసే సమయంలో ఆడియన్స్ మైండ్‌సెట్‌ను పక్కన పెట్టడం చాలా ముఖ్యమని తెలిపాడు.

"ఇలాంటి క్లిప్పులు సోషల్ మీడియా, వెబ్‌సైట్లలో బాగా సర్క్యులేట్ అవుతాయని మాకు తెలుసు. అది ఈ ఇండస్ట్రీలో ఒక భాగమైపోయింది. ప్రతీ చిన్న విషయాన్ని మనసులోకి తీసుకుంటే ఒక నటుడిగా సరిగ్గా నటించలేను, సరికొత్త హద్దులను చెరిపేయలేను" అని విజయ్ వర్మ తన అభిప్రాయాన్ని వ్యక్తపరిచాడు.

భయంతో ఇంట్లోంచి బయటకు రాలేదు: రాధికా ఆప్టే

గతంలో 2016 లో వచ్చిన 'పార్చ్‌డ్' సినిమాలోని న్యూడ్ సీన్స్ లీక్ అయినప్పుడు తాను ఎంతగా భయపడిందో నటి రాధికా ఆప్టే ఇటీవల గుర్తు చేసుకుంది. ఆ క్లిప్ లీక్ అయిన తర్వాత తన సెక్యూరిటీ గురించి చాలా భయపడ్డానని చెప్పింది.

"ఆ సీన్ లీక్ అయ్యాక వరుసగా నాలుగు రోజులు ఇంట్లోంచి బయటకు కూడా రాలేకపోయాను. నా వాచ్‌మన్, డ్రైవర్ కూడా ఆ వీడియో చూశారని తెలిసి షాక్ అయ్యాను. ఒంటరిగా ఉండేదాన్ని కావడంతో ఎవరైనా వచ్చి దాడి చేస్తారేమోనని చాలా భయపడ్డాను" అని రాధికా ఆప్టే ఆనాటి చేదు అనుభవాలను పంచుకుంది.

క్రేజీ డైరెక్టర్ల కాంబోలో 'లస్ట్ స్టోరీస్ 3'

నెట్‌ఫ్లిక్స్‌లో విపరీతమైన పాపులారిటీ సాధించిన 'లస్ట్ స్టోరీస్' సిరీస్ నుంచి ఇప్పుడు మూడో పార్ట్ వచ్చింది. ఈ సారి ఏకంగా విక్రమాదిత్య మోత్వానే, కిరణ్ రావు, శకున్ బాత్రా, విశాల్ భరద్వాజ్ వంటి దిగ్గజ దర్శకులు నాలుగు వేర్వేరు కథలతో ముందుకు వచ్చారు.

మానవ సంబంధాలు, ఆకర్షణ, కోరికల చుట్టూ సాగే ఈ ఆంథాలజీలో విజయ్ వర్మ, రాధిక మదన్, అలీ ఫజల్ వంటి ఎంతో మంది ప్రతిభావంతులైన నటీనటులు నటించారు. ప్రస్తుతం ఈ సిరీస్ ఓటీటీ లవర్స్ దృష్టిని బాగా ఆకర్షిస్తోంది.