E-Paper
Tamanna: బిగ్ బాస్లో తమన్నా ఫేవరెట్ కంటెస్టెంట్ అతడే.. నా ఇన్స్టాగ్రామ్, ఎక్స్లో మొత్తం అతని వీడియోలే అంటూ కామెంట్స్
Tamannaah Bhatia Bigg Boss Favourite Contestant: స్టార్ హీరోయిన్ తమన్నా తన ఫేవరెట్ బిగ్ బాస్ కంటెస్టెంట్ ఎవరో చెప్పేసింది. 'ది వాన్' సినిమా ప్రమోషన్స్లో భాగంగా తమన్నా భాటియా బిగ్ బాస్ షోలో పాల్గొంది. ఈ సందర్భంగా తన ఫేవరెట్ కంటెస్టెంట్ ఎవరో, అది ఎందుకో కూడా చెప్పుకొచ్చింది మిల్కీ బ్యూటీ తమన్నా.
Prefer HTon Google
Tamannaah Bhatia Bigg Boss Favourite Contestant: రియాలిటీ ఓటీటీ షో బిగ్ బాస్ సీజన్ 20 రోజురోజుకూ ఆసక్తికర మలుపులు తిరుగుతోంది. ఈ షో ప్రారంభమైన మొదటి రెండు వారాల్లోనే తన విచిత్రమైన ప్రవర్తన, నాటకాలతో కశ్మీరీ సింగర్ ఖాజీ తౌకీర్ ప్రధాన ఆకర్షణగా మారాడు.
భయపెట్టడం, ఫేక్ ఎమర్జెన్సీలు
హౌస్మేట్స్ను భయపెట్టడం, ఫేక్ ఎమర్జెన్సీలతో అటెన్షన్ డ్రా చేయడంలో ఖాజీ ఓ రేంజ్ పెర్ఫార్మెన్స్ ఇస్తున్నాడు. తాజాగా జరిగిన 'వీకెండ్ కా వారె' ఎపిసోడ్లో టాలీవుడ్, బాలీవుడ్ స్టార్ తమన్నా భాటియా సైతం ఖాజీ హంగామాపై ప్రత్యేకంగా స్పందించారు.
"నా టైమ్లైన్ అంతా ఖాజీయే": తమన్నా ప్రశంసలు
తమ రాబోయే చిత్రం 'ది వాన్: ఫోర్స్ ఆఫ్ ది ఫారెస్ట్' ప్రమోషన్లో భాగంగా నటుడు సిద్ధార్థ్ మల్హోత్రా, మిల్కీ బ్యూటీ తమన్నా భాటియా బిగ్ బాస్ వేదికపై సందడి చేశారు. ఈ సందర్భంగా హోస్ట్ సల్మాన్ ఖాన్తో మాట్లాడిన తమన్నా, ప్రస్తుతం సోషల్ మీడియాను బిగ్ బాస్ ఏలేస్తోందని వ్యాఖ్యానించారు.
"ఇప్పుడు సోషల్ మీడియాలో ఎక్కడ చూసినా బిగ్ బాస్ ముచ్చట్లే వినిపిస్తున్నాయి. నా ఇన్స్టాగ్రామ్, ఎక్స్ టైమ్లైన్ ఓపెన్ చేస్తే చాలు ఖాజీ తౌకీర్ వీడియోలే దర్శనమిస్తున్నాయి" అని తమన్నా నవ్వుతూ చెప్పారు.
అంతేకాకుండా ఖాజీ బాగా పాపులర్ చేసిన "ఒవ్వ్! ఐ యామ్ ఏ రాక్స్టార్ బేబీ!" అనే క్యాచ్ఫ్రేజ్ను తనకు నేర్పించమని వేదికపై నుంచే కోరారు. ఖాజీ తౌకీర్ వెంటనే లేచి ఆ డైలాగ్ చెప్పి డ్యాన్స్ చేయడంతో హౌస్ సభ్యులతో పాటు వేదికపై ఉన్నవారంతా నవ్వుల్లో మునిగిపోయారు.
గుండె పట్టుకుని సల్మాన్ డ్రామా.. కంగుతిన్న కంటెస్టెంట్లు
ఇదే సమయంలో ఖాజీ ఆడిన ఫేక్ మెడికల్ డ్రామాను హోస్ట్ సల్మాన్ ఖాన్ సరదాగా రీక్రియేట్ చేశారు. కంటెస్టెంట్లతో మాట్లాడే క్రమంలో సల్మాన్ ఒక్కసారిగా ఛాతీ పట్టుకుని తీవ్రమైన నొప్పితో బాధపడుతున్నట్లు నటించారు.
మంచి నీళ్లు కావాలని అడుగుతూ, జాకెట్ తీసి నేలపై పడిపోవడంతో హౌస్మేట్స్ తీవ్ర ఆందోళనకు గురయ్యారు. ఆ తర్వాత చిరునవ్వుతో పైకి లేచిన సల్మాన్, తనకు ఏమీ కాలేదని, ఖాజీ ఆడిన నాటకాన్ని మాత్రమే తాను చేసి చూపించానని స్పష్టం చేయడంతో అందరూ ఊపిరి పీల్చుకున్నారు.
తొలి వారంలో ఖాజీ అర్థరాత్రి వేళ తనకు దెయ్యాలు కనిపిస్తున్నాయంటూ హౌస్మేట్స్ను భయపెట్టాడు. ఆ మరుసటి రోజు అత్యవసర వైద్యం కావాలంటూ బిగ్ బాస్పై గట్టిగా కేకలు వేశాడు. అయితే మెడికల్ రూమ్కు వెళ్లాక, తనకు ఏమీ కాలేదని, కేవలం ప్రేక్షకులను ఎంటర్టైన్ చేయడానికే అలా నటించానని డాక్టర్లకు చెప్పడం గమనార్హం.
'ఫేమ్ గురుకుల్' విజేత నుంచి బిగ్ బాస్ సెలబ్రిటీ వరకు
2005లో వచ్చిన ఐకానిక్ సింగింగ్ రియాలిటీ షో 'ఫేమ్ గురుకుల్' విజేతగా నిలిచి దేశవ్యాప్తంగా గుర్తింపు తెచ్చుకున్నాడు ఖాజీ తౌకీర్. బాలీవుడ్ ప్రముఖ సింగర్ అర్జిత్ సింగ్ కూడా పాల్గొన్న ఆ సీజన్లో రూప్రేఖ బెనర్జీతో కలిసి ఖాజీ విజేతగా నిలిచాడు.
బిగ్ బాస్ 20లో తానో కమాండోనంటూ
ప్రస్తుతం బిగ్ బాస్ 20లో తానో కమాండోనంటూ చిత్రవిచిత్రమైన కథలు చెప్పడం, రాత్రిళ్లు మిగతా కంటెస్టెంట్లను నిద్రపోనివ్వకపోవడం వంటి విన్యాసాలతో వీక్షకులకు వినోదాన్ని అందిస్తున్నాడు ఖాజీ తౌకీర్. అందుకే ఈ బిగ్ బాస్ కంటెస్టెంట్ ఖాజీ అంటే తమన్నా ఫేవరెట్ అని చెప్పుకొచ్చింది.
