OTT Release: అక్కినేని హీరో సుమంత్ లేటెస్ట్ మిస్టరీ డివోషనల్ థ్రిల్లర్ చిత్రం 'మహేంద్రగిరి వారాహి' (Mahendragiri Varahi) ఓటీటీలోకి వచ్చేస్తోంది. కేవలం 21 రోజుల్లోనే ఈ సినిమా డిజిటల్ స్ట్రీమింగ్ కు రెడీ అయింది. మరికొన్ని గంటల్లోనే స్ట్రీమింగ్ కానుంది.
మహేంద్రగిరి వారాహి ఓటీటీ
సెప్టెంబర్ 11న థియేటర్లలో రిలీజైన ‘మహేంద్రగిరి వారాహి’ మూవీకి మిక్స్ డ్ టాక్ వచ్చింది. ఈ చిత్రం ఇప్పుడు కేవలం మూడు వారాల వ్యవధిలోనే ప్రముఖ డిజిటల్ ప్లాట్‌‌ఫామ్ అమెజాన్ ప్రైమ్ వీడియో (Amazon Prime Video) లోకి అడుగుపెడుతోంది. రేపటి నుంచి (అక్టోబర్ 2, 2026) తెలుగుతో పాటు హిందీ, తమిళ, మలయాళ, కన్నడ భాషల్లో ఈ సినిమా ఓటీటీలో రిలీజ్ కానుంది.
3 వారాల్లోనే ఓటీటీలోకి
కార్తికేయ 2, సుబ్రహ్మణ్యపురం తరహాలో డివైన్ మిస్టరీ కాన్సెప్ట్‌తో రూపొందిన 'మహేంద్రగిరి వారాహి' చిత్రం సెప్టెంబర్ 11న థియేటర్లలో విడుదలైంది. విభిన్నమైన కథాంశంతో వచ్చినప్పటికీ, బాక్సాఫీస్ వద్ద ఆశించిన స్థాయిలో ప్రభావం చూపలేకపోయింది. దీంతో మేకర్స్ ఈ చిత్రాన్ని వేగంగా డిజిటల్ స్ట్రీమింగ్‌కు తీసుకొచ్చేందుకు మొగ్గు చూపారు.
థియేట్రికల్ రన్ పూర్తయిన కేవలం 21 రోజుల్లోనే ఈ సినిమా ప్రైమ్ వీడియో వేదికగా ఐదు ప్రధాన భారతీయ భాషల్లో అందుబాటులోకి రానుండటం విశేషం. థియేటర్లలో మిస్ అయిన సస్పెన్స్, థ్రిల్లర్ జోనర్ ప్రియులకు ఈ చిత్రం ఓటీటీలో మంచి ఆప్షన్‌గా మారనుంది.
సుమంత్ తో పాటు
రాజశ్యామల ఎంటర్టైన్మెంట్స్, బ్రిడ్జ్ ఫిల్మ్స్ బ్యానర్ల కింద నిర్మించిన మహేంద్రగిరి వారాహి మూవీలో సుమంత్ తో పాటు ఐశ్వర్య రాజేష్, సిద్ధు జొన్నలగడ్డ, మాళవిక నాయర్, మంజు భార్గవి, బ్రహ్మానందం తదితరులు నటించారు.
{{/usCountry}}రాజశ్యామల ఎంటర్టైన్మెంట్స్, బ్రిడ్జ్ ఫిల్మ్స్ బ్యానర్ల కింద నిర్మించిన మహేంద్రగిరి వారాహి మూవీలో సుమంత్ తో పాటు ఐశ్వర్య రాజేష్, సిద్ధు జొన్నలగడ్డ, మాళవిక నాయర్, మంజు భార్గవి, బ్రహ్మానందం తదితరులు నటించారు.
{{/usCountry}}గతంలో సుమంత్‌తో 'సుబ్రహ్మణ్యపురం' లాంటి డివోషనల్ థ్రిల్లర్ తెరకెక్కించిన సంతోష్ జాగర్లమూడి.. ఈసారి వారాహి అమ్మవారి నేపథ్యంతో ఈ కథను నడిపించారు. అనూప్ రూబెన్స్ బ్యాక్‌గ్రౌండ్ స్కోర్, సిద్ధు జొన్నలగడ్డ, బ్రహ్మానందం పాత్రలు ఈ సినిమాకు అదనపు బలంగా నిలిచాయి.
స్టోరీ ఏంటంటే?
యూట్యూబర్ అయిన సిద్ధార్థ్ (సుమంత్) మూఢ నమ్మకాల పేరుతో జనాలను మోసం చేస్తున్న దొంగ బాబాల వీడియోలు తీస్తుంటాడు. దేవుడు, దెయ్యాలను అతను నమ్మడు. అయితే సిద్ధార్థ్ బ్రదర్ రాజీవ్ కు ఓ దోషం ఉంటుంది.
సిద్ధార్థ్ ఫ్యామిలీ అంతా కలిసి మహేంద్రగిరిలోని వారాహి అమ్మవారి ఆలయానికి వెళ్తారు. అక్కడ రాజీవ్ చనిపోతాడు. అసలు అక్కడ ఏం జరుగుతుంది? అమ్మవారి శాపం ఏంటీ? హీరో నిజాలను ఎలా బయటకు తీశాడన్నదే మూవీ స్టోరీ. క్లైమాక్స్ లో వచ్చే ట్విస్ట్ మాత్రం వేరే లెవల్ ఉంటుంది. సస్పెన్స్, మిస్టరీ థ్రిల్లర్లను ఇష్టపడే ఆడియన్స్ కు మహేంద్రగిరి వారాహి మూవీ మంచి ఆప్షన్.