E-Paper
OTT Malayalam: ఓటీటీలోకి మరో క్రేజీ మలయాళం కామెడీ వెబ్ సిరీస్.. ఫన్నీగా టీజర్.. బిగ్బాస్ ఫేమ్ హీరోగా..
OTT Malayalam: మలయాళం మూవీస్, వెబ్ సిరీస్ లవర్స్ కు గుడ్ న్యూస్. త్వరలోనే జియోహాట్స్టార్ ఓటీటీలో మరో క్రేజీ కామెడీ వెబ్ సిరీస్ స్ట్రీమింగ్ కు రానుంది. దీనికి సంబంధించిన టీజర్ ను తాజాగా ఆ ఓటీటీ రిలీజ్ చేసింది.
Prefer HTon Google
OTT Malayalam: ఓటీటీ దిగ్గజం జియోహాట్స్టార్ మలయాళ ఆడియెన్స్ కోసం మరో క్రేజీ అప్డేట్తో ముందుకొచ్చింది. 'కాపీ స్క్వాడ్' (Kappi Squad) పేరుతో సరికొత్త యూత్ఫుల్ మలయాళ వెబ్ సిరీస్ను అధికారికంగా అనౌన్స్ చేసింది. బిగ్బాస్ ఫేమ్, పాపులర్ మ్యూజిషియన్ రినోష్ జార్జ్ ప్రధాన పాత్రలో నటిస్తున్న ఈ సిరీస్ టీజర్ ప్రస్తుతం సోషల్ మీడియాలో విపరీతంగా ట్రెండ్ అవుతోంది.
కొత్త టీమ్.. సరికొత్త హంగామా
మలయాళ చిత్ర పరిశ్రమ నుంచి వచ్చే కంటెంట్కి సౌత్ ఇండియా వ్యాప్తంగా ఎలాంటి క్రేజ్ ఉందో ప్రత్యేకంగా చెప్పాల్సిన పనిలేదు. డిఫరెంట్ కాన్సెప్ట్లతో గ్లోబల్ వైడ్గా ఆడియెన్స్ని ఆకట్టుకునే మలయాళ మేకర్స్, ఇప్పుడు ఓటీటీ స్పేస్లోనూ తమ ఆధిపత్యాన్ని చూపిస్తున్నారు. హాట్స్టార్ స్పెషల్స్ కాన్సెప్ట్లో భాగంగా ఈ 'కాపీ స్క్వాడ్' ప్రాజెక్ట్ తెరకెక్కుతోంది.
ఈ వెబ్ సిరీస్లో రినోష్ జార్జ్తో పాటు అనఘ అజిత్, దియా దీపన్, జోయల్ జోసెఫ్, అభిరామి దయానందన్ కీలక పాత్రలు పోషిస్తున్నారు. యంగ్ అండ్ ఎనర్జెటిక్ యాక్టర్లతో రూపుదిద్దుకుంటున్న ఈ షో, ఆడియన్స్కి లాంగ్ రన్నింగ్ సిరీస్గా మైండ్ బ్లోయింగ్ ఎంటర్టైన్మెంట్ అందిస్తుందని మేకర్స్ ప్రామిస్ చేస్తున్నారు.
మలయాళంలో హాట్స్టార్ ఇప్పటివరకు తీసుకొచ్చిన 'కేరళ క్రైమ్ ఫైల్స్', 'మాస్టర్పీస్', 'పెరిల్లూర్ ప్రీమియర్ లీగ్', 'ఫార్మా' లాంటి ఒరిజినల్స్ సూపర్ హిట్ అయ్యాయి. అదే బాటలో ఈ కొత్త సిరీస్ కూడా కంప్లీట్ ఫన్ అండ్ ఎమోషనల్ రైడ్గా సాగుతుందని సమాచారం.
ఫన్నీగా టీజర్
తాజాగా మేకర్స్ ఈ కాపీ స్క్వాడ్ టీజర్ రిలీజ్ చేశారు. ఇందులో నలుగురు యువత తమ కలల ప్రాజెక్ట్ అయిన ఓ కేఫ్ పెట్టాలని భావిస్తారు. ఎంత వయసొచ్చినా తండ్రిపైన ఆధారపడే ఓ యువకుడు.. తన ఫ్రెండ్స్ తో కలిసి కేఫ్ స్టార్ట్ చేయాలని భావిస్తాడు. దానికి కాపీ స్క్వాడ్ అనే పేరు పెడతాడు. ఈ కేఫ్ ఎలా ఉండాలో ఒక్కొక్కరు ఒక్కో ఐడియాతో రావడం ఈ టీజర్ లో చూడొచ్చు.
'కాపీ స్క్వాడ్' వెబ్ సిరీస్ని శ్రీకాంత్ మోహన్ క్రియేట్ చేయగా, బెల్రాజ్ కలరిక్కల్ దర్శకత్వం వహిస్తున్నారు. శ్రీకాంత్ మోహన్ మార్క్ యూత్ఫుల్ మేకింగ్, బెల్రాజ్ టేకింగ్ ఈ సిరీస్కి ప్రధాన ఆకర్షణగా నిలవనున్నాయి. ఒక కంప్లీట్ గ్యాంగ్ వినోదాన్ని అందించే కాన్సెప్ట్ కావడంతో ఫస్ట్ లుక్ అనౌన్స్మెంట్ నుంచే అంచనాలు పెరిగిపోయాయి.
రినోష్ జార్జ్ క్రేజ్.. కంబ్యాక్ అదరబోతోందా?
ఇండిపెండెంట్ మ్యూజిక్ ట్రాక్స్తో, ఆల్బమ్ సాంగ్స్తో యూత్లో విపరీతమైన ఫాలోయింగ్ సంపాదించుకున్న రినోష్ జార్జ్.. బిగ్బాస్ మలయాళం సీజన్ 5 ద్వారా విపరీతమైన పాపులారిటీ సొంతం చేసుకున్నాడు. ఆ తర్వాత కొన్ని ప్రాజెక్ట్లతో అలరించిన రినోష్.. ఇప్పుడు లీడ్ రోల్లో డిజిటల్ స్పేస్ను షేక్ చేయడానికి వస్తున్నాడు.
ఈ సిరీస్ షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనుల్లో ఉంది. త్వరలోనే అధికారిక స్ట్రీమింగ్ డేట్ను రివీల్ చేయనున్నారు. మలయాళంతో పాటు తెలుగు, తమిళ, హిందీ భాషల్లో కూడా ఈ సిరీస్ డబ్బింగ్ వెర్షన్స్ అందుబాటులోకి వచ్చే అవకాశాలు ఉన్నాయి.
