OTT Malayalam Thriller: మలయాళ విలక్షణ నటి ఊర్వశి (Urvashi) లీడ్ రోల్‌లో నటించిన మైండ్ బెండింగ్ మలయాళం సైకలాజికల్ డార్క్ థ్రిల్లర్ 'ఆశ' (Aasha) ఓటీటీ డిజిటల్ స్ట్రీమింగ్‌కు అధికారికంగా డేట్ లాక్ చేసుకుంది. థియేటర్లలో తన డిఫరెంట్ కాన్సెప్ట్‌తో ప్రశంసలు అందుకున్న ఈ సినిమా.. అక్టోబర్ 16 నుంచి ప్రముఖ ఓటీటీ ప్లాట్‌ఫామ్ జీ5 (ZEE5) వేదికగా ప్రేక్షకులను అలరించేందుకు సిద్ధమైంది.
నాలుగు భాషల్లో 'జీ5'లో స్ట్రీమింగ్
థియేటర్లలో సెప్టెంబర్ 11న విడుదలైన ఈ ప్రయోగాత్మక చిత్రాన్ని కొత్త దర్శకుడు సఫర్ సనాల్ (Safar Sanal) అత్యంత ఉత్కంఠభరితంగా తెరకెక్కించారు. జీ5 ఓటీటీ సంస్థ ఈ సినిమా డిజిటల్ రైట్స్‌ను సొంతం చేసుకోగా.. అక్టోబర్ 16 నుంచి డిజిటల్ ప్రీమియర్ ప్రారంభం కానుంది.
సౌత్ డిజిటల్ ఆడియన్స్ కోసం కేవలం మలయాళంలోనే కాకుండా తెలుగు, తమిళం, కన్నడ భాషల డబ్బింగ్ వర్షన్లను ఒకేసారి అందుబాటులోకి తీసుకొస్తున్నారు.
రోడ్డు ప్రమాదం తెచ్చిన నరకం.. అసలు కథేంటి?
ఓ చిన్న నర్సరీ నడుపుకునే ఆశా (ఊర్వశి) గతంలో జరిగిన ఒక చేదు సంఘటన వల్ల మానసికంగా తీవ్రంగా కుంగిపోయిన మహిళ. ఆమె తన ఐటీ ఉద్యోగి అయిన కూతురు అనఘ (ఐశ్వర్య లక్ష్మి)తో కలిసి నివసిస్తుంటుంది. ఒక రాత్రి వేళ వీళ్ల కారు జీమన్ (జోజు జార్జ్) అనే వ్యక్తి వాహనాన్ని ఢీకొడుతుంది.
ఆ చిన్న యాక్సిడెంట్ పెరిగి పెద్దదై తీవ్రమైన గొడవగా మారుతుంది. విషయాన్ని అక్కడితో ముగించేద్దామని ఎంత మంది కోరినా, మొండి పట్టుదలతో ఉన్న ఆశా పోలీస్ కేసుకు వెళ్తుంది. ఆ ఒక్క నిర్ణయం వల్ల ఇరు కుటుంబాల మధ్య సైకలాజికల్ వార్, రివెంజ్, తీవ్రమైన మానసిక పరిణామాలు ఎలా ఎదురయ్యాయి అనేది ఈ సినిమా మెయిన్ పాయింట్.
'లేడీ సూపర్‌స్టార్' ఊర్వశి నటన వేరే లెవెల్
ఈ సినిమాకు ప్రధాన బలం ఊర్వశియే. ఆమె మరోసారి తన విశ్వరూపం చూపించారు. ఒక తల్లి అనుభవించే తీవ్రమైన మానసిక ఆందోళనను, భయాన్ని, మొండితనాన్ని ఆమె తన కళ్లలోనే పలికించారు. ఆమె నటన సినిమాకు అతిపెద్ద ప్లస్ పాయింట్గా నిలిచింది.
{{/usCountry}}ఈ సినిమాకు ప్రధాన బలం ఊర్వశియే. ఆమె మరోసారి తన విశ్వరూపం చూపించారు. ఒక తల్లి అనుభవించే తీవ్రమైన మానసిక ఆందోళనను, భయాన్ని, మొండితనాన్ని ఆమె తన కళ్లలోనే పలికించారు. ఆమె నటన సినిమాకు అతిపెద్ద ప్లస్ పాయింట్గా నిలిచింది.
{{/usCountry}}ఆమెతో పాటు జోజు జార్జ్ (Joju George) రఫ్ అండ్ టఫ్ క్యారెక్టర్‌లో అద్భుతంగా ఒదిగిపోయారు. 'పొన్నియిన్ సెల్వన్', '#లవ్' ఫేమ్ ఐశ్వర్య లక్ష్మి కూతురి పాత్రలో తనదైన నటనతో ఆకట్టుకున్నారు. విజయరాఘవన్ కీలక పాత్రలో మెప్పించారు.
గ్రిప్పింగ్ ఫస్ట్ హాఫ్.. టెక్నికల్ వేల్యూస్ ఎలా ఉన్నాయంటే?
దర్శకుడు సఫర్ సనాల్ మొదటి భాగంలో ఉత్కంఠను నెక్ట్స్ లెవల్‌కు తీసుకెళ్లారు. మధు నీలకందన్ సినిమాటోగ్రఫీ డార్క్ అట్మాస్ఫియర్‌ను పర్ఫెక్ట్‌గా ఎలివేట్ చేయగా, 'తైక్కుడం బ్రిడ్జ్' ఫేమ్ గోవింద్ వసంత అందించిన బ్యాక్‌గ్రౌండ్ స్కోర్ థ్రిల్ ఫాక్టర్‌ను బాగా పెంచింది.
అయితే సెకండ్ హాఫ్‌లో స్క్రీన్‌ప్లే కాస్త స్లో అవ్వడం, కొన్ని రెగ్యులర్ ట్విస్టులు ఉండటం మినహా, సైకలాజికల్ డ్రామా ప్రేమికులకు ఈ సినిమా మంచి అనుభూతిని ఇస్తుంది. మైండ్ బెండింగ్ థ్రిల్లర్స్, డార్క్ కాన్సెప్ట్‌లు ఇష్టపడే సినీ ప్రియులు అక్టోబర్ 16 నుంచి జీ5 ఓటీటీలో ఈ చిత్రాన్ని హ్యాపీగా స్ట్రీమింగ్ చేసుకోవచ్చు.