OTT Malayalam: ఓటీటీ.. అందులోనూ మలయాళం సినిమా అంటే థ్రిల్లర్లే అనుకుంటారు. కానీ ఆ ఇండస్ట్రీ నుంచి వచ్చిన మంచి రొమాంటిక్ డ్రామా బెత్లెహేమ్ కుటుంబ యూనిట్ అనే మూవీ కూడా జియోహాట్‌స్టార్ ఓటీటీని దున్నేస్తోంది. ఈ ఓటీటీలో తెలుగులోనూ మూవీ స్ట్రీమింగ్ అవుతోంది. బలమైన కథాంశం, ఆకట్టుకునే హాస్యం, సహజ సిద్ధమైన నటన ఉంటే చాలు ప్రేక్షకులు బ్రహ్మరథం పడతారని ఈ మూవీ నిరూపిస్తోంది.
చిన్న బడ్జెట్‌తో తెరకెక్కిన ఈ చిత్రం థియేట్రికల్ రన్‌ను విజయవంతంగా పూర్తి చేసుకుని.. మలయాళం ఇండస్ట్రీలోనే అత్యధిక వసూళ్ల మూవీగా నిలిచింది. ప్రస్తుతం డిజిటల్ ఆడియెన్స్ ను ఊపేయడానికి జియోహాట్‌స్టార్ లో మలయాళం సహా ఐదు భాషల్లో అందుబాటులో ఉంది.
బెత్లెహేమ్ కుటుంబ యూనిట్ అసలు కథేంటి? కనెక్ట్ అయ్యే ఎమోషన్స్
'ప్రేమలు' (Premalu) వంటి యూత్‌ఫుల్ సన్సేషన్‌ను అందించిన ప్రతిభావంతుడైన దర్శకుడు గిరీష్ ఏ. డి. (Girish A.D.) ఈ చిత్రానికి దర్శకత్వం వహించారు. ప్రసిద్ధ నిర్మాణ సంస్థ భావనా స్టూడియోస్ అత్యున్నత నిర్మాణ విలువలతో దీనిని నిర్మించింది.
ఈ సినిమా కథాంశం కుటుంబ బంధాలు, వ్యక్తిగత స్వేచ్ఛ, నేటితరం ప్రేమ సంబంధాల చుట్టూ తిరుగుతుంది. ఓ మధ్య వయస్కుడైన అబ్బాయిని ఇష్టపడే ఓ జెన్ జీ అమ్మాయి చుట్టూ తిరిగే కథే ఈ మూవీ. ఇద్దరి మధ్యా వయసు తేడా చాలా ఉండటంతో చాన్నాళ్ల పాటు సీక్రెట్ గా తమ ప్రేమాయణం నడిపే ఈ జంట.. తర్వాత తమ కుటుంబాలు, సమాజం నుంచి ఎలాంటి వ్యతిరేకత మూటగట్టుకుందో ఈ మూవీ కళ్లకు కట్టింది.
నివిన్ పౌలీ, మమితా బైజుల కెమిస్ట్రీ
ఈ చిత్రంలో వర్సటైల్ యాక్టర్ నివిన్ పౌలీ (Nivin Pauly), 'ప్రేమలు' ఫేమ్ మమితా బైజు (Mamitha Baiju) ప్రధాన పాత్రల్లో జీవించారు. ఈ ఇద్దరి మధ్యా నిజ జీవితంలోనూ సుమారు 16 ఏళ్ల వయసు తేడా ఉంది. అది స్క్రీన్ పై కథకు తగినట్లుగా నటనను కనబరచడానికి చాలా బాగా ఉపయోగపడిందనే చెప్పాలి.
{{/usCountry}}ఈ చిత్రంలో వర్సటైల్ యాక్టర్ నివిన్ పౌలీ (Nivin Pauly), 'ప్రేమలు' ఫేమ్ మమితా బైజు (Mamitha Baiju) ప్రధాన పాత్రల్లో జీవించారు. ఈ ఇద్దరి మధ్యా నిజ జీవితంలోనూ సుమారు 16 ఏళ్ల వయసు తేడా ఉంది. అది స్క్రీన్ పై కథకు తగినట్లుగా నటనను కనబరచడానికి చాలా బాగా ఉపయోగపడిందనే చెప్పాలి.
{{/usCountry}}నివిన్ పౌలీ తనదైన మార్కు టైమింగ్ హాస్యంతో అలరించగా, మమితా బైజు తన సహజ నటనతో ప్రేక్షకులను కట్టిపడేసింది. వీరిద్దరి మధ్య సాగే స్క్రీన్ కెమిస్ట్రీ సినిమా విజయంలో కీలక పాత్ర పోషించింది.
వీరితో పాటు సంగీత్ ప్రతాప్, వినయ్ ఫోర్ట్, సురేష్ కృష్ణ ఇతర ముఖ్య పాత్రలలో నటించి మెప్పించారు. విష్ణు విజయ్ అందించిన వీనులవిందైన సంగీతం, బ్యాక్‌గ్రౌండ్ స్కోర్ ఈ ఫీల్-గుడ్ డ్రామాకు అదనపు బలాన్ని చేకూర్చాయి.
ఐఎండీబీలో 8 రేటింగ్..
ఈ సినిమాకు వచ్చిన పాజిటివ్ టాక్, వర్డ్ ఆఫ్ మౌత్ కారణంగా ప్రపంచవ్యాప్తంగా బాక్సాఫీస్ వద్ద రూ. 330.93 కోట్లు వసూలు చేసింది. అంతేకాదు ప్రముఖ సినీ రేటింగ్ సంస్థ IMDbలో ఏకంగా 8/10 రేటింగ్‌ను సాధించింది. మంచి కథలకు బడ్జెట్‌తో సంబంధం లేదని ఈ సినిమా మరోసారి నిరూపించింది.
ఒకవేళ మీరు ఈ బ్లాక్‌బస్టర్ రోమ్-కామ్‌ను థియేటర్లలో మిస్ అయి ఉంటే, ఇప్పుడు హ్యాపీగా ఇంట్లోనే డిజిటల్ స్ట్రీమింగ్ ద్వారా చూడొచ్చు. 'బెత్లెహేమ్ కుటుంబ యూనిట్' ప్రస్తుతం జియోహాట్‌స్టార్ (JioHotstar) ఓటీటీ ప్లాట్‌ఫామ్‌లో తెలుగు, హిందీ, తమిళం, కన్నడ, మలయాళ భాషలలో స్ట్రీమింగ్ అవుతోంది. వీకెండ్ లో మంచి ఎంటర్‌టైనింగ్ ఫ్యామిలీ సినిమా చూడాలనుకునే వారికి ఇది ఒక బెస్ట్ ఆప్షన్.