E-Paper
Manchu Manoj Bhuma Mounika: భార్య భూమా మౌనిక బర్త్ డే- ఏందయ్య సామీ పాటతో మంచు మనోజ్ స్పెషల్ వీడియో
Manchu Manoj Birthday Wishes To Wife Mounika: తన భార్య మౌనిక భూమా మంచు పుట్టినరోజు సందర్భంగా టాలీవుడ్ హీరో మంచు మనోజ్ సోషల్ మీడియాలో భావోద్వేగ పోస్ట్ షేర్ చేశారు. జీవితంలో కష్టసమయాల్లో తనను నడిపించిన దైవం మౌనిక అని కొనియాడుతూ, ఆమె సేవారంగానికి అండగా ఉంటానని ప్రకటించారు.
Prefer HTon Google
Manchu Manoj Birthday Wishes To Wife Mounika: టాలీవుడ్ రాకింగ్ స్టార్ మంచు మనోజ్ తన సగభాగం మౌనిక భూమా మంచు పుట్టినరోజు సందర్భంగా పంచుకున్న భావోద్వేగ సందేశం ప్రస్తుతం సోషల్ మీడియాలో వైరల్‌‌గా మారింది. వ్యక్తిగత జీవితంలో ఎన్ని ఒడిదొడుకులు ఎదురైనా, తనను నమ్మి ముందుకు నడిపించిన వ్యక్తి మౌనిక అని ఆయన మురిసిపోయారు.
ఏందయ్య సామీ పాటతో వీడియో
ఇద్దరూ కలిసి పంచుకుంటున్న ఈ అందమైన ప్రయాణంలో మౌనిక పాత్రను స్మరించుకుంటూ ఒక ప్రత్యేక వీడియో రీల్‌‌ను ఇన్‌స్టాగ్రామ్ వేదికగా అభిమానులతో పంచుకున్నారు హీరో మంచు మనోజ్. ఈ వీడియోకు రణబాలిలోని ఏందయ్య సామీ పాటను యాడ్ చేసి మరింత ఎమోషనల్ అండ్ క్యూట్‌గా చూపించారు.
మనోజ్, మౌనికల వివాహం
మనోజ్, మౌనికల వివాహం టాలీవుడ్ వర్గాల్లోనూ, రాజకీయ వర్గాల్లోనూ ఎంతో ఆసక్తి రేపిన సంగతి తెలిసిందే. రాయలసీమ రాజకీయాల్లో బలమైన ముద్ర వేసిన భూమా కుటుంబానికి చెందిన మౌనికను వివాహం చేసుకున్న తర్వాత, మనోజ్ జీవితం మళ్లీ కొత్త రూపు సంతరించుకుంది.
మౌనిక ఇచ్చిన మానసిక స్థైర్యమే
సినిమాలకు కొంతకాలం దూరమైన సమయంలో మౌనిక ఇచ్చిన మానసిక స్థైర్యమే తానిప్పుడు మళ్లీ రీఎంట్రీ ఇవ్వడానికి, సంతోషంగా జీవించడానికి కారణమని మంచు మనోజ్ పలు వేదికలపై చెబుతుంటారు.
కష్టసమయాల్లో కొండంత అండగా నిలిచింది!
తన ఇన్‌స్టాగ్రామ్ అకౌంట్‌లో షేర్ చేసిన వీడియోలో మౌనికకు పుట్టినరోజు శుభాకాంక్షలు తెలుపుతూ మనోజ్ అత్యంత ప్రేమపూర్వకమైన వ్యాఖ్యలు చేశారు. "నా జీవితంలో అత్యంత చీకటి రోజుల్లోనూ, తిరిగి నాకాళ్లపై నేను నిలబడే ప్రయాణంలోనూ మౌనిక అందించిన అండ, చూపించిన నమ్మకం నాకు ఎనలేని బలాన్ని ఇచ్చాయి" అని మంచు మనోజ్ స్పష్టం చేశారు.
ఒకరికొకరు తోడుగా
కుటుంబ బంధాలు, పిల్లల పెంపకం, ఒకరికొకరు తోడుగా ఉండే విషయంలో మౌనిక చూపే చొరవను ఆయన ఎంతగానో ప్రశంసించారు. కలిసి నిర్మించుకున్న ఈ అందమైన కుటుంబం తనకెంతో విలువైనదని పేర్కొన్నారు.
'ఐక్యా' ధైర్య సేన సమితి వెనుక ఉన్న నిజమైన హృదయం!
కేవలం కుటుంబానికే పరిమితం కాకుండా, సమాజసేవలోనూ మౌనిక తనదైన ముద్ర వేస్తున్నారని మనోజ్ వెల్లడించారు. 'నమస్తే వరల్డ్', 'ఐక్యా' (AIKYA) ధైర్య సేన సమితి ద్వారా సామాజిక కార్యక్రమాలు చేపడుతూ పేదలకు, అనాథలకు సాయం అందిస్తున్న ఆమె ఉదారతను అభినందించారు.
సమాజానికి మంచి చేయాలనే తపన
"నా పుట్టినరోజు వేడుకల సందర్భంగా ప్రారంభించిన 'ఐక్యా' ఆలోచన వెనుక ఉన్న అసలైన హృదయం, ప్రేరణ మౌనికే. సమాజానికి ఏదైనా మంచి చేయాలనే ఆమె తపన నాకు ఎంతో స్ఫూర్తినిస్తుంది" అని మంచు మనోజ్ వ్యాఖ్యానించారు.
కుటుంబమంతా కొండంత అండగా
మౌనిక కనే ప్రతి కలకు, ఆమె చేపట్టే ప్రతి సామాజిక కార్యక్రమానికి తమ కుటుంబమంతా కొండంత అండగా ఉంటుందని మనోజ్ హామీ ఇచ్చారు. ప్రస్తుతం ఈ భావోద్వేగ పోస్ట్ నెట్టింట వైరల్ అవుతుండగా, మంచు అభిమానులతో పాటు సినీ, రాజకీయ ప్రముఖులు మౌనిక భూమా మంచుకు సామాజిక మాధ్యమాల ద్వారా పుట్టినరోజు శుభాకాంక్షలు తెలుపుతున్నారు.
