Mohanlal Daughter: తండ్రికి తగ్గ కూతురు.. తొలి సినిమా తొలి రోజే బాక్సాఫీస్ రికార్డులు తిరగరాసిన విస్మయ మోహన్‌లాల్

Mohanlal Daughter: మలయాళం స్టార్ హీరో మోహన్ లాల్ కూతరు విస్మయ మోహన్ లాల్ తన తొలి సినిమా తొలి రోజు వసూళ్లతోనే రికార్డులు బ్రేక్ చేసింది. ఆమె నటించిన తుడక్కమ్ మూవీ.. గతంలో కళ్యాణి ప్రియదర్శన్ నటించిన లోకా మూవీ రికార్డును తిరగరాసింది.

Mohanlal Daughter: మలయాళ చిత్ర పరిశ్రమలో మోహన్‌లాల్ కూతురు విస్మయ మోహన్‌లాల్ డెబ్యూ మూవీ 'తుడక్కమ్' (Thudakkam) బాక్సాఫీస్ దగ్గర సంచలన రికార్డులతో బోణీ కొట్టింది. తొలిరోజే ఏకంగా రూ. 6.86 కోట్ల వరల్డ్ వైడ్ గ్రాస్ వసూలు చేసి, లేడీ ఓరియంటెడ్ మలయాళ సినిమాల్లో బిగ్గెస్ట్ ఓపెనింగ్ సాధించిన చిత్రంగా చరిత్ర సృష్టించింది. ఇప్పటివరకు ప్రియదర్శన్ కూతురు కళ్యాణి ప్రియదర్శన్ పేరు మీద ఉన్న 'లోకా: ఛాప్టర్ 1' (Lokah) ఓపెనింగ్ రికార్డును విస్మయ దాటేసింది.

ఫస్ట్ డే రికార్డ్.. కలెక్షన్ల సునామీ

Mohanlal Daughter: తండ్రికి తగ్గ కూతురు.. తొలి సినిమా తొలి రోజే బాక్సాఫీస్ రికార్డులు తిరగరాసిన విస్మయ మోహన్‌లాల్

Sacnilk ట్రేడ్ రిపోర్ట్స్ ప్రకారం.. విస్మయ మోహన్ లాల్ యాక్షన్ థ్రిల్లర్ 'తుడక్కమ్' మొదటి రోజు ఇండియాలో రూ. 2.55 కోట్ల నెట్, ప్రపంచవ్యాప్తంగా రూ. 6.86 కోట్ల గ్రాస్ కలెక్ట్ చేసింది. అంతకుముందు కళ్యాణి ప్రియదర్శన్ నటించిన 'లోకా' సినిమా తొలిరోజు రూ. 6.63 కోట్ల వరల్డ్ వైడ్ గ్రాస్ వసూలు చేయగా, ఆ బెంచ్ మార్క్‌ను విస్మయ స్వల్ప తేడాతో అధిగమించింది.

అయితే వీకెండ్ కలెక్షన్ల విషయంలో మాత్రం 'లోకా' పైచేయి సాధించింది. తుడక్కమ్ చిత్రానికి మిక్స్‌డ్ రివ్యూలు రావడం వల్ల ఫస్ట్ వీకెండ్ పూర్తయ్యేసరికి ఇండియాలో రూ. 10.43 కోట్ల నెట్, వరల్డ్ వైడ్ గా రూ. 23.46 కోట్ల గ్రాస్ మాత్రమే రాబట్టగలిగింది. మరోవైపు లోకా సినిమా పాజిటివ్ టాక్ తెచ్చుకుని తొలి వీకెండ్‌లోనే రూ. 40.87 కోట్ల వరల్డ్ వైడ్ గ్రాస్‌తో రికార్డు క్రియేట్ చేసింది.

కూతురి గ్రాండ్ ఎంట్రీపై మోహన్ లాల్ ఎమోషనల్ పోస్ట్

తన ముద్దుల కూతురు విస్మయ వెండితెరపైకి అడుగుపెట్టిన సందర్భంగా మలయాళ సూపర్ స్టార్ మోహన్‌లాల్ సోషల్ మీడియా వేదికగా తీవ్ర భావోద్వేగానికి గురయ్యారు. "ఒక తండ్రిగా నా హృదయం ఇంతకంటే ఏమీ కోరుకోలేదు. విస్మయ తన మొదటి సినిమా 'తుడక్కమ్' ద్వారా ప్రయాణం ప్రారంభించడం, ఆమెకు ప్రేక్షకులు అందిస్తున్న ప్రేమ చూస్తుంటే నా జన్మ ధన్యమైంది" అని రాసుకొచ్చారు.

మలయాళ ఇండస్ట్రీలో మోహన్‌లాల్, దర్శకుడు ప్రియదర్శన్ మధ్య దశాబ్దాల కాలంగా కొనసాగుతున్న స్నేహం అందరికీ తెలిసిందే. వీరిద్దరి కాంబినేషన్‌లో వచ్చిన క్లాసిక్ సినిమాలు బాక్సాఫీస్‌ను షేక్ చేశాయి. ఇప్పుడు వారి వారసులుగా విస్మయ మోహన్‌లాల్, కళ్యాణి ప్రియదర్శన్ లేడీ ఓరియంటెడ్ ప్రాజెక్ట్‌లతో ఇండస్ట్రీని రూల్ చేయడం విశేషం.

ఇటీవల '2018' సినిమాతో ఆస్కార్ రేసు వరకు వెళ్లి ఇండస్ట్రీ హిట్ కొట్టిన జూడ్ ఆంథోనీ జోసెఫ్ 'తుడక్కమ్' చిత్రాన్ని అత్యున్నత సాంకేతిక ప్రమాణాలతో తెరకెక్కించారు. ఆశీర్వాద్ సినిమాస్ బ్యానర్‌పై ఆంటోనీ పెరుంబవూర్ ఈ విజువల్ యాక్షన్ థ్రిల్లర్‌ను నిర్మించారు. విస్మయ తన మొదటి సినిమాలోనే అద్భుతమైన ఫైట్స్, పవర్ ఫుల్ యాక్టింగ్‌తో విమర్శకుల ప్రశంసలు అందుకోవడం విశేషం.