భారతీయ సినీ చరిత్రలో సరికొత్త రికార్డులు సృష్టిస్తూ 'ధురంధర్: ది రివెంజ్' బాక్సాఫీస్ వద్ద సునామీ సృష్టిస్తోంది. రణవీర్ సింగ్ ప్రధాన పాత్రలో ఆదిత్య ధర్ తెరకెక్కించిన ఈ స్పై థ్రిల్లర్, విడుదలైన కేవలం ఏడు రోజుల్లోనే ప్రపంచవ్యాప్తంగా రూ. 1000 కోట్ల మార్కును దాటి ట్రేడ్ వర్గాలను విస్మయానికి గురిచేసింది. మార్చి 19న ప్రేక్షకుల ముందుకు వచ్చిన ఈ మూవీ.. రెండో వారంలోనూ అదే జోరును కొనసాగిస్తూ వసూళ్ల వర్షం కురిపిస్తోంది. ఈ నేపథ్యంలో ధురంధర్ 2పై తాజాగా మరో తెలుగు దర్శకుడు నాగ్ అశ్విన్ తన రివ్యూ ఇచ్చాడు.
నాగ్ అశ్విన్ రివ్యూ: భావోద్వేగాలే ఈ సినిమా బలం
ఇండియన్ సిల్వర్ స్క్రీన్ పై విజువల్ వండర్ 'కల్కి 2898 AD'ని ఆవిష్కరించిన దర్శకుడు నాగ్ అశ్విన్.. తాజాగా 'ధురంధర్ 2'పై తన అభిప్రాయాన్ని పంచుకున్నాడు. సినిమాలోని యాక్షన్ సీన్ల కంటే అందులోని ఎమోషన్ తనను బాగా ఆకట్టుకుందని అతడు పేర్కొన్నాడు.
"దర్శకుడు ఆదిత్య ధర్ ప్రతిభ ధురంధర్ 2 ఆరంభంలోనూ, ముగింపులోనూ అద్భుతంగా మెరిసింది. భారీ యాక్షన్ సీక్వెన్స్లు, ఎక్స్ప్లోజన్ల కంటే కూడా.. ఆ తల్లి కౌగిలింత, ఆ ప్రేమ కోసం తపించే కొడుకు ఆవేదన నా మనసును బలంగా తాకాయి" అని నాగ్ అశ్విన్ తన ఇన్స్టాగ్రామ్ స్టోరీలో రాసుకొచ్చాడు.
నటుడిగా రణవీర్ సింగ్ ప్రతిభను కొనియాడుతూ.. "రణవీర్ ఎప్పుడూ తన పాత్రల్లో పరకాయ ప్రవేశం చేస్తాడు. ప్రతి సినిమాతోనూ తన స్థాయిని పెంచుకుంటూ పోతున్నాడు. భారతదేశంలోనే అత్యధిక వసూళ్లు సాధించిన సినిమాగా నిలిచినందుకు టీమ్ మొత్తానికి అభినందనలు" అని నాగ్ అశ్విన్ ప్రశంసించాడు.
రికార్డుల వేటలో 'ధురంధర్ 2'
వసూళ్ల పరంగా ఈ సినిమా సరికొత్త మైలురాళ్లను అందుకుంటోంది. 12 రోజులు ముగిసే సమయానికి దేశీయంగా రూ. 872 కోట్ల నెట్ (రూ. 1042 కోట్ల గ్రాస్) వసూలు చేసింది. ప్రస్తుతం భారతీయ బాక్సాఫీస్ చరిత్రలో 'పుష్ప 2', 'బాహుబలి 2' తర్వాత అత్యధిక దేశీయ వసూళ్లు సాధించిన మూడో సినిమాగా ధురంధర్ 2 నిలిచింది. ఓవర్సీస్ మార్కెట్లోనూ 'షోలే', 'బాబీ' వంటి క్లాసిక్ సినిమాల రికార్డులను రణవీర్ సింగ్ అధిగమించడం విశేషం.
స్పై నుంచి కింగ్పిన్ వరకు..
ధురంధర్ మొదటి భాగంలో పాకిస్థాన్లోని కరాచీలో ఉన్న లియారీ గ్యాంగుల్లోకి చొరబడే భారతీయ గూఢచారిగా రణవీర్ కనిపించారు. వాస్తవ సంఘటనల ఆధారంగా తెరకెక్కిన ఈ సినిమాలో అక్షయ్ ఖన్నా, సంజయ్ దత్ కీలక పాత్రలు పోషించారు. అయితే మేజర్ మోహిత్ శర్మ జీవితం ఆధారంగా ఈ సినిమా తీశారని ఆయన తల్లిదండ్రులు కోర్టుకు వెళ్లగా, సెన్సార్ బోర్డ్ (CBFC) విచారణలో అలాంటి పోలికలేమీ లేవని తేలింది.
{{/usCountry}}ధురంధర్ మొదటి భాగంలో పాకిస్థాన్లోని కరాచీలో ఉన్న లియారీ గ్యాంగుల్లోకి చొరబడే భారతీయ గూఢచారిగా రణవీర్ కనిపించారు. వాస్తవ సంఘటనల ఆధారంగా తెరకెక్కిన ఈ సినిమాలో అక్షయ్ ఖన్నా, సంజయ్ దత్ కీలక పాత్రలు పోషించారు. అయితే మేజర్ మోహిత్ శర్మ జీవితం ఆధారంగా ఈ సినిమా తీశారని ఆయన తల్లిదండ్రులు కోర్టుకు వెళ్లగా, సెన్సార్ బోర్డ్ (CBFC) విచారణలో అలాంటి పోలికలేమీ లేవని తేలింది.
{{/usCountry}}ఇక ఈ సీక్వెల్ విషయానికి వస్తే.. జస్కీరత్ సింగ్ రంగీ అనే వ్యక్తి 'హంజా అలీ మజారీ' అనే గూఢచారిగా ఎలా మారాడు? పాకిస్థాన్ రాజకీయాల్లో, అండర్ వరల్డ్లో ఒక కింగ్పిన్గా ఎలా ఎదిగాడు? ఉగ్రవాద నెట్వర్క్ను నిర్వీర్యం చేసే క్రమంలో అతను ఎదుర్కొన్న సవాళ్లేమిటి? అనే అంశాలను దర్శకుడు అత్యంత ఉత్కంఠభరితంగా చూపించారు. ఈ చిత్రంలో అర్జున్ రాంపాల్, ఆర్ మాధవన్, రాకేష్ బేడీ, సారా అర్జున్ ఇతర ప్రధాన పాత్రల్లో నటించగా, ఆదిత్య ధర్ భార్య, నటి యామీ గౌతమ్ అతిథి పాత్రలో మెరిశారు.
తరచుగా అడిగే ప్రశ్నలు (FAQ)
ప్రశ్న: 'ధురంధర్ 2' ఇప్పటివరకు ఎంత వసూలు చేసింది?
జవాబు: ఈ సినిమా 12 రోజుల్లో ప్రపంచవ్యాప్తంగా సుమారు రూ. 1390 కోట్లు వసూలు చేసింది. దేశీయంగా రూ. 1042 కోట్ల గ్రాస్ వసూళ్లను రాబట్టింది.
ప్రశ్న: ఈ సినిమా ఏ వాస్తవ సంఘటనల ఆధారంగా రూపొందింది?
జవాబు: 2000వ దశకం ఆరంభంలో పాకిస్థాన్లోని కరాచీలో లియారీ గ్యాంగుల కార్యకలాపాలు, భారతీయ గూఢచారుల మిషన్ల ఆధారంగా ఈ కథను రూపొందించారు.