Netflix Mega Verse: తెలుగు చిత్రసీమలో దశాబ్దాలుగా ఎన్నో సరికొత్త రికార్డులు తిరగరాస్తూ, బాక్సాఫీస్ వద్ద ఆధిపత్యాన్ని చెలాయిస్తున్న మెగాస్టార్ చిరంజీవి (Megastar Chiranjeevi) ఓటీటీలో తన అదృష్టాన్ని పరీక్షించుకోవడానికి సిద్ధమయ్యారు. సిల్వర్ స్క్రీన్ పై తన నటనతో, కళ్లు చెదిరే డ్యాన్సులతో, పవర్‌ఫుల్ యాక్షన్‌తో కోట్లాది మంది అభిమానుల హృదయాలను కొల్లగొట్టిన చిరంజీవి.. ఇప్పుడు డిజిటల్ ఓటీటీ ప్రపంచంలో టాక్ షో ద్వారా రానున్నారు.
గత కొద్దిరోజులుగా ప్రచారంలో ఉన్న వార్తలకు తెరదించుతూ.. ప్రముఖ అంతర్జాతీయ ఓటీటీ ప్లాట్‌ఫామ్ నెట్‌ఫ్లిక్స్.. చిరంజీవితో నిర్మిస్తున్న భారీ సెలబ్రిటీ టాక్ షోను అధికారికంగా ప్రకటిస్తూ స్పెషల్ పోస్టర్ విడుదల చేసింది. ఇప్పటికే ప్రారంభమైన షూటింగ్‌లో హాస్యబ్రహ్మ బ్రహ్మానందం, సునీల్, సత్యలతో మొదటి ధమాకా ఎపిసోడ్‌ను పూర్తి చేసినట్లు తెలుస్తోంది.
'మెగావర్స్'గా నెట్‌ఫ్లిక్స్ గ్రాండ్ అనౌన్స్‌మెంట్
"మాస్ కి గ్రామర్.. స్టైల్ కి డెఫినిషన్! మెగాస్టార్ ఈజ్ హియర్!" అంటూ నెట్‌ఫ్లిక్స్ ఇండియా సౌత్ (Netflix India South) సోషల్ మీడియా వేదికగా ఈ బిగ్గెస్ట్ అప్‌డేట్‌ను పంచుకుంది. ఈ టాక్ షోకి 'మెగావర్స్' (Megaverse) అనే ఆసక్తికరమైన టైటిల్‌ను ఖరారు చేశారు.
వాస్తవానికి చాలా కాలంగా చిరంజీవిని తమ డిజిటల్ వేదికపైకి తీసుకురావడానికి నెట్‌ఫ్లిక్స్ ప్రతినిధులు తీవ్రంగా ప్రయత్నిస్తున్నారు. పలు విడతల చర్చల అనంతరం మెగాస్టార్ ఈ ప్రాజెక్ట్‌కు గ్రీన్ సిగ్నల్ ఇవ్వడంతో ఈ భారీ షో కార్యరూపం దాల్చింది.
టాక్ షో రంగానికి మెగా గ్లామర్
తెలుగు బుల్లితెరపై ఇటీవల కాలంలో సీనియర్ స్టార్ హీరోలు హోస్ట్ చేసే టాక్ షోలకు వీక్షకుల నుంచి అపారమైన ఆదరణ లభిస్తోంది. ఇప్పటికే నందమూరి బాలకృష్ణ 'అన్‌స్టాపబుల్' (Unstoppable)తో సంచలనం సృష్టించగా, జగపతి బాబు కూడా జయమ్ము నిశ్చయమ్మురా అంటూ జీ5 ఓటీటీలోకి దిగారు. ఇప్పుడు టాలీవుడ్ టాప్ హీరో చిరంజీవి స్వయంగా రంగంలోకి దిగుతుండటంతో ఈ షోపై ట్రేడ్ వర్గాల్లో, ఓటీటీ ఆడియెన్స్ లో అంచనాలు అంబరాన్ని తాకుతున్నాయి.
గతంలో చిరంజీవి బుల్లితెరపై 'మీలో ఎవరు కోటీశ్వరుడు' (4వ సీజన్)కు హోస్ట్‌గా వ్యవహరించి తనదైన శైలి సంభాషణలతో, ఆత్మీయమైన పలకరింపులతో ఆకట్టుకున్న సంగతి తెలిసిందే.
బ్రహ్మానందంతో తొలి ఎపిసోడ్: షూటింగ్ పిక్స్ వైరల్
{{/usCountry}}గతంలో చిరంజీవి బుల్లితెరపై 'మీలో ఎవరు కోటీశ్వరుడు' (4వ సీజన్)కు హోస్ట్‌గా వ్యవహరించి తనదైన శైలి సంభాషణలతో, ఆత్మీయమైన పలకరింపులతో ఆకట్టుకున్న సంగతి తెలిసిందే.
బ్రహ్మానందంతో తొలి ఎపిసోడ్: షూటింగ్ పిక్స్ వైరల్
{{/usCountry}}విశ్వసనీయ వర్గాల సమాచారం ప్రకారం.. ఈ షోకి సంబంధించిన షూటింగ్ ఇప్పటికే హైదరాబాద్ లోని ఒక ప్రత్యేక సెట్‌లో ప్రారంభమైంది. మొదటి ఎపిసోడ్ కోసం మెగాస్టార్ చిరంజీవి తన ఆప్తమిత్రుడు, హాస్యబ్రహ్మ బ్రహ్మానందం (Brahmanandam)తో పాటు నటులు సునీల్ (Sunil), కామెడీ సెన్సేషన్ సత్య (Satya) లతో కలిసి షూటింగ్‌లో పాల్గొన్నారు.
దశాబ్దాలుగా వెండితెరపై మైమరిపించిన చిరంజీవి - బ్రహ్మానందం కాంబినేషన్ ఈ టాక్ షో వేదికపై ఎలాంటి సరదా జ్ఞాపకాలను, వినోదాన్ని పంచబోతున్నారోనని అభిమానులు ఎంతో ఆసక్తిగా ఎదురుచూస్తున్నారు.
రాబోయే ఎపిసోడ్‌లలో భారతీయ చిత్రసీమకు చెందిన పలువురు ప్రముఖ రాజకీయ, సినీ దిగ్గజాలు, పాన్-ఇండియా స్టార్స్ ప్రత్యేక అతిథులుగా రాబోతున్నట్లు సమాచారం. ఈ మోస్ట్ అవేటెడ్ డిజిటల్ టాక్ షో 'మెగావర్స్' స్ట్రీమింగ్ డేట్ అలాగే ట్రైలర్‌ను త్వరలోనే నెట్‌ఫ్లిక్స్ అధికారికంగా రిలీజ్ చేయనుంది.