E-Paper
Ninnu Kori September 8 Episode: నిన్ను కోరి- కోమాలోకి విరాట్, ప్లాస్టిక్ సర్జరీ- జీవచ్ఛవంలా చంద్రకళ- క్రాంతి వార్నింగ్
Ninnu Kori Serial September 8th Episode: నిన్ను కోరి సీరియల్ సెప్టెంబర్ 8వ ఎపిసోడ్లో ఘోరమైన ట్విస్ట్ ఎదురైంది. విరాట్కు యాక్సిడెంట్ అయి రక్తపుమడుగులో ప్రాణాలతో కొట్టుమిట్టాడుతుంటాడు. చివరికి కోమాలోకి వెళ్లిన విరాట్ బతికే అవకాశాలు తక్కువ అని, ప్లాస్టిక్ సర్జరీ చేసిన పూర్తి ముఖం రాదని చెబుతారు.
Prefer HTon Google
Ninnu Kori Serial Today Episode: నిన్ను కోరి సీరియల్ ఈరోజు ఎపిసోడ్లో ఊహించని ట్విస్ట్ ఎదురవుతుంది. మాయ ప్రయాణిస్తున్న ఆటోను పట్టుకోవాలనే తాపత్రయంతో విరాట్ తన కారులో వేగంగా వెంబడిస్తాడు. అసలు ఇదంతా మాయ ఎందుకు చేస్తుందని ఆలోచిస్తూ డ్రైవ్ చేస్తుంటాడు విరాట్.
రక్తపు మడుగులో విరాట్
సరిగ్గా మాయను చేరుకునే సమయానికి, వెనుక నుంచి వేగంగా వచ్చిన ఒక భారీ లారీ విరాట్ కారును చాలా బలంగా ఢీకొడుతుంది. ఈ ఘోర ప్రమాదంలో విరాట్ కారు నుజ్జునుజ్జు అవుతుంది. డ్రైవింగ్ సీట్లో ఉన్న విరాట్కు తీవ్రంగా గాయాలు అవుతాయి. ఒంటినిండా గాయాలతో, రక్తపు మడుగులో విరాట్ ప్రాణాలతో కొట్టుమిట్టాడుతుంటాడు.
అదే సమయంలో విరాట్కు భార్య చంద్రకళ నుంచి ఫోన్ వస్తుంది. ఎక్కడున్నారు, ఏం చేస్తున్నారు అంటూ చంద్రకళ ప్రశ్నల వర్షం కురిపిస్తుంది. ప్రాణాలను అరచేతిలో పట్టుకున్న విరాట్ ఎలాగైనా చంద్రకళకు నిజం చెప్పాలని ప్రయత్నిస్తాడు.
నిజం చెప్పేలోపే స్పృహతప్పిన విరాట్
"ఆ కడుపులో ఉన్నది నీ బిడ్డే" అని చంద్రకళతో విరాట్ అంటుంటాడు. కానీ, ఆ మాటలు సరిగా చంద్రకళకు అర్థం కావు. ఏమంటున్నారండీ... నాకు సరిగా అర్థం కావట్లేదు అని చంద్రకళ అంటుంది. మళ్లీ చెప్పేందుకు విరాట్ ప్రయత్నిస్తాడు.
కానీ, ఆ మాట నోటి దాకా రాకముందే స్పృహతప్పి పడిపోతాడు విరాట్. ప్రమాదాన్ని గమనించిన స్థానికులు ఫోన్ తీసుకుని చంద్రకళకు అసలు విషయాన్ని తెలియజేస్తారు. ఇతనెవరమ్మా, ఇక్కడ పెద్ద యాక్సిటెండ్ అయింది, హాస్పిటల్కు తీసుకెళ్తున్నామని చంద్రకళకు చెబుతారు. దాంతో చంద్రకళ ఒక్కసారిగా షాక్ అయిపోతుంది.
గుండె పగిలేలా ఏడ్చిన చంద్ర
తన పక్కనే ఉన్న మదన్కు విషయం చెప్పి ఏడుస్తుంటుంది. మదన్తో కలిసి హాస్పిటల్కు పరుగులు తీస్తుంది చంద్రకళ. మరోవైపు ఆసుపత్రి ఐసీయూలో చావుబతుకుల మధ్య విరాట్ కొట్టుమిట్టాతుంటాడు. భర్త విరాట్ను అలా చూసి చంద్రకళ గుండె పగిలేలా ఏడుస్తుంది.
డాక్టర్తో ఎలాగైన విరాట్ను బతికించమని, ఎంత ఖర్చు అయిన పర్వాలేదని, స్పెషలిస్టులను తీసుకురమ్మని చంద్రకళ అంటుంది. రక్తం చాలా పోయింది, కొన్ని టెస్టులు చేస్తే తప్పా పరిస్థితి ఏంటనేది చెప్పలేమని డాక్టర్ అంటాడు. అనంతరం విరాట్కు వైద్య పరీక్షలు నిర్వహిస్తారు.
కోమాలోకి విరాట్.. బతికే అవకాశాలు తక్కువ
విరాట్ రిపోర్ట్స్ చూసిన డాక్టర్లు చంద్రకళ వాళ్లను కలుస్తారు. విరాట్ పరిస్థితి అత్యంత విషమంగా ఉందని, అతను కోమాలోకి వెళ్లాడని డాక్టర్లు వెల్లడిస్తారు. దాంతో చంద్రకళ నిర్ఘాంతపోతుంది. అంతేకాకుండా విరాట్ ముఖం పూర్తిగా దెబ్బతిని గుర్తుపట్టలేని స్థితిలో ఉందని, బతికే అవకాశాలు చాలా తక్కువగా ఉన్నాయని డాక్టర్ చెబుతాడు.
దాంతో చంద్రకళ గుండె మరింత ముక్కలవుతుంది. ఒకవేళ విరాట్ కోలుకున్నా, పాత ముఖం రాదని, ప్లాస్టిక్ సర్జరీ మాత్రమే శరణ్యమని డాక్టర్ చెబుతాడు. దాంతో చంద్ర తీవ్ర దిగ్భ్రాంతికి గురవుతుంది. హాస్పిటల్లోనే కుప్పకూలిపోయిన చంద్రకళ జీవచ్ఛంలా అవుతుంది.
శాలిని పక్కా స్కెచ్.. క్రాంతి వార్నింగ్
మరోవైపు ఇంట్లో విరాట్, మాయ ఇద్దరూ కనిపించకపోవడంతో కామాక్షి, శ్రుతి ఇద్దరూ కలిసి రకరకాల ప్రచారాలు మొదలుపెడతారు. విరాట్, మాయ ఇద్దరు కలసి పారిపోయారని తల్లికూతుళ్లు కామాక్షి, శ్రుతి అనుకుంటారు. ఆ మాటలు విన్న క్రాంతి కోపంతో ఊగిపోతాడు. తల్లికూతుళ్లు ఇద్దరిని వారిస్తాడు.
తన అన్నయ్య విరాట్ అలాంటివాడు కాదని వారిస్తాడు క్రాంతి. మరోవైపు విరాట్కు ఈ యాక్సిడెంట్ చేయించింది శాలిని అని రివీల్ అవుతుంది. విరాట్ యాక్సిడెంట్ వీడియోను శాలినికి రౌడీ పంపిస్తాడు. అది చూసిన శాలిని సైకోలా ఆనందిస్తుంటుంది.
అండర్గ్రౌండ్లోకి రౌడీలు
రౌడీలకు ఆన్లైన్ ద్వారా డబ్బులు పంపించిన శాలిని వారిని ఎవరికి చిక్కకుండా ఉండేందుకు అండర్గ్రౌండ్కు వెళ్లమంటుంది. దాంతో వాళ్లు అలాగే అంటారు. అక్కడితో నేటి నిన్ను కోరి సీరియల్ ఎపిసోడ్ ముగుస్తుంది.
