E-Paper
Ntr Neel: బిగ్ అప్డేట్.. ఎన్టీఆర్-నీల్ మూవీ రిలీజ్ డేట్ ఇదే.. గ్లింప్స్ ఎప్పుడో చెప్పిన తారక్
Ntr Neel: సినీ లవర్స్ అత్యంత ఆసక్తిగా ఎదురు చూస్తున్న అప్ డేట్ వచ్చేసింది. ఎన్టీఆర్-నీల్ సినిమా రిలీజ్ డేట్ ను మేకర్స్ అనౌన్స్ చేశారు. ఈ మూవీ 2027 సమ్మర్ లో విడుదల కానుంది.
Ntr Neel: ఎన్టీఆర్ ఫ్యాన్స్ కు, సినీ లవర్స్ కు కిక్కిచ్చే న్యూస్ ఇది. ఇండియాలో మోస్ట్ అవైటెడ్ మూవీస్ లో ఒకటైన ఎన్టీఆర్-నీల్ సినిమా రిలీజ్ డేట్ వచ్చేసింది. డ్రాగన్ అనే టైటిల్ తో ప్రచారంలో ఉన్న ఈ మూవీ వచ్చే ఏడాది రిలీజ్ కానుంది. ఈ చిత్రం విడుదల తేదీని ఇవాళ (ఏప్రిల్ 21) మేకర్స్ రిలీజ్ చేశారు.
ఎన్టీఆర్-నీల్ మూవీ
ప్రశాంత్ నీల్ దర్శకత్వంలో జూనియర్ ఎన్టీఆర్ హీరోగా తెరకెక్కుతున్న మూవీ నుంచి బిగ్ అప్ డేట్ వచ్చింది. భారీ అంచనాలున్న ఈ మూవీ రిలీజ్ డేట్ ను మంగళవారం ప్రకటించారు. ఈ సినిమా జూన్ 11, 2027న థియేటర్లలోకి రానుంది. అలాగే ఫస్ట్ గ్లింప్స్ ఎప్పుడొస్తుందో కూడా తారక్ చెప్పాడు. మే 20, 2026న ఫస్ట్ గ్లింప్స్ రిలీజ్ చేయనున్నట్లు ఎన్టీఆర్ తన ఎక్స్ అకౌంట్లో పోస్టు చేశాడు.
సమ్మర్ రేస్ లో
ఎన్టీఆర్-నీల్ మూవీ 2027 సమ్మర్ రేస్ కు సై అంటోంది. వచ్చే ఏడాది వేసవి వినోదాల కానుకగా ఈ చిత్రం రిలీజ్ కాబోతుంది. ఈ ఏడాది చివర్లోనే ఈ మూవీ రిలీజ్ అవుతుందనే ప్రచారం సాగింది. కానీ ఈ చిత్రాన్ని 2027లోనే ప్రేక్షకుల ముందుకు తీసుకురాబోతున్నట్లు రిలీజ్ డేట్ తో మేకర్స్ క్లారిటీ ఇచ్చేశారు. దీంతో వచ్చే ఏడాది వేసవిలో రిలీజ్ కాబోతున్న రెండో పెద్ద తెలుగు సినిమాగా ఎన్టీఆర్-నీల్ మూవీ నిలిచింది.
వారణాసి కూడా
రాజమౌళి డైరెక్షన్ లో మహేష్ బాబు హీరోగా చేస్తున్న ప్రతిష్ఠాత్మక చిత్రం వారణాసి కూడా వచ్చే ఏడాది సమ్మర్ లోనే రిలీజ్ కానుంది. ఈ మూవీ ఏప్రిల్ 7, 2027న థియేటర్లు రాబోతుందని మేకర్స్ ఎప్పుడో ప్రకటించారు. ఈ వారణాసి చిత్రంలో ప్రియాంక చోప్రా హీరోయిన్. ఇదో టైమ్ ట్రాటర్, గ్లోబ్ ట్రాటర్ గా తెరకెక్కుతోంది.
భారీ హైప్
కేజీఎఫ్, సలార్ లాంటి సినిమాలతో పాన్ ఇండియా బాక్సాఫీస్ ను షేక్ చేసిన ప్రశాంత్ నీల్ డైరెక్షన్ లో యంగ్ టైగర్ ఎన్టీఆర్ మూవీ అనగానే అంచనాలు ఏర్పడ్డాయి. ఆ తర్వాత ఎన్టీఆర్ లుక్ తో ఆ హైప్ మరింత పెరిగింది. ఈ చిత్రం యాక్షన్ థ్రిల్లర్ గా తెరకెక్కుతోందని తెలిసింది. ఇప్పటికే మూవీ షూటింగ్ శరవేగంగా సాగుతోంది.
ప్రశాంత్ నీల్ యాక్షన్ మేకింగ్, ఎన్టీఆర్ స్టైల్ యాక్టింగ్ తో ఈ చిత్రం రూపుదిద్దుకుంటోంది. వార్ 2 ఫెయిల్యూర్ తో నిరాశ పడ్డ తారక్ ఫ్యాన్స్ కు ఈ ప్రశాంత్ నీల్ ఫిల్మ్ మంచి ట్రీట్ లా ఉంటుందనే అభిప్రాయాలు వ్యక్తమవుతున్నాయి.
