గర్ల్‌ఫ్రెండ్ కోసం కొట్టుకునే బెస్ట్ ఫ్రెండ్స్.. తెలుగులో మరో ట్రయాంగిల్ లవ్ స్టోరీ మూవీ.. పతంగ్ ట్రైలర్ రిలీజ్

తెలుగులో మరో ట్రయాంగిల్ లవ్ స్టోరీ వస్తోంది. వెరైటీగా పతంగుల కాంపిటీషన్ నేపథ్యంలో సాగే ఈ మూవీ ట్రైలర్ సోమవారం (డిసెంబర్ 15) రిలీజైంది. ఈ సినిమా క్రిస్మస్ రోజే అంటే డిసెంబర్ 25న థియేటర్లలో రిలీజ్ కానుంది.

Published on: Dec 15, 2025, 14:07:38 IST

By Hari Prasad S, Hyderabad

Prefer HTon Google

Share via

Copy link

తెలుగులో మరో వెరైటీ లవ్ స్టోరీ రాబోతోంది. ఈ సినిమా పేరు పతంగ్ (Patang). అందరూ కొత్త నటీనటులతో వస్తున్న ఈ మూవీ ట్రైలర్ సోమవారం (డిసెంబర్ 15) రిలీజ్ కాగా.. ట్రయాంగిల్ లవ్ స్టోరీతో ఆసక్తి రేపేలా సాగింది. ఈ రొమాంటిక్ స్పోర్ట్స్ కామెడీ డిసెంబర్ 25న థియేటర్లలో రిలీజ్ కానుంది.

పతంగ్ ట్రైలర్ రిలీజ్

ఇద్దరు బెస్ట్ ఫ్రెండ్స్.. మధ్యలో ఓ అమ్మాయి.. ఆమె కోసం ఆ ఇద్దరూ శత్రువులుగా మారి కొట్టుకోవడం. ఈ స్టోరీ కొత్తదేమీ కాదు. కానీ దీనికి పతంగుల కాంపిటిషన్ ను జోడించి వెరైటీగా ఓ ట్రయాంగిల్ లవ్ స్టోరీని తీసుకొస్తున్నాడు డైరెక్టర్ ప్రణీత్ ప్రత్తిపాటి. ఒకే అమ్మాయి కోసం పోటీ పడే ఇద్దరు బెస్ట్ ఫ్రెండ్స్, వాళ్ల మధ్య ఆ అమ్మాయి కోసం సాగే పతంగుల పోటీ ఈ సినిమాను ప్రత్యేకంగా నిలపనున్నట్లు ట్రైలర్ చూస్తే తెలుస్తోంది.

తెలుగు సినిమా ఇండస్ట్రీలో ఓ వెరైటీ కాన్సెప్ట్ తో ఈ మూవీ వస్తోంది. ట్రయాంగిల్ లవ్ స్టోరీకి కైట్ కాంపిటీషన్ ను జోడించి తీసుకొస్తున్నారు. ట్రైలర్ మొత్తం నవ్వులు పూయించేలా సాగింది. కొత్త నటీనటులైనా చాలా సహజంగా వాళ్ల నటన, డైలాగులు ఉన్నాయి. ఇదే సినిమాపై ఆసక్తి రేపుతోంది. ట్రైలర్ వెంటనే యూత్ ఆడియెన్స్ ను ఆకర్షించడానికి ఇదే కారణం.

పతంగ్ మూవీ గురించి..

పతంగ్ సినిమాలో ప్రీతి పగడాల, ప్రణవ్ కౌశిక్, వంశీ పూజిత్ లీడ్ రోల్స్ లో నటించారు. ప్రణీత్ ప్రత్తిపాటి డైరెక్ట్ చేశాడు. చిన్నప్పటి నుంచీ ముస్తాఫా ముస్తాఫా అంటూ బెస్ట్ ఫ్రెండ్స్ గా ఎదిగిన ఇద్దరు వ్యక్తులు.. ఓ అమ్మాయి తమ జీవితంలోకి వచ్చిన తర్వాత బద్ధ శత్రువులుగా ఎలా మారారన్న కథకు ఫన్, కైట్ కాంపిటీషిన్ జోడించి తీసుకొస్తున్న సినిమాయే ఈ పతంగ్.

ఈ సినిమాలో లీడ్ రోల్స్ తోపాటు అను హసన్, ఎస్పీ చరణ్, వడ్లమాని శ్రీనివాస్, విష్ణు ఓయ్, శివనారాయణ ముఖ్యమైన పాత్రలు పోషించారు. ఇక గౌతమ్ వాసుదేవ్ మేనన్, ఎస్ఎస్ కంచి అథితి పాత్రల్లో కనిపించనుండటం విశేషం. ఈ సినిమాను ప్రముఖ నిర్మాత సురేష్ బాబు సమర్పిస్తున్నాడు. క్రిస్మస్ వీకెండ్ కు వస్తుండటం, ట్రైలర్ ఆసక్తి రేపేలా ఉండటంతో ఈ పతంగ్ సినిమా బాక్సాఫీస్ దగ్గర తన మార్క్ చూపిస్తుందని భావిస్తున్నారు.

ABOUT THE AUTHOR
Hari Prasad S
హరి ప్రసాద్ శీలమంతుల ప్రస్తుతం హిందుస్థాన్ టైమ్స్ తెలుగులో అసిస్టెంట్ న్యూస్ ఎడిటర్‌గా బాధ్యతలు నిర్వహిస్తున్నారు. మీడియా రంగంలో 20 ఏళ్లకు పైగా సుదీర్ఘ అనుభవం కలిగిన ఆయన, డిజిటల్ మీడియాలో గత 10 ఏళ్లుగా విశేష సేవలందిస్తున్నారు. ముఖ్యంగా క్రికెట్ విశ్లేషణలు, సినిమా వార్తలను అందించడంలో ఆయనకు ప్రత్యేక గుర్తింపు ఉంది. ఆయన తన అద్భుతమైన పనితీరుకు గాను ప్రస్తుత సంస్థలో ప్రతిష్టాత్మకమైన 'డిజీ జర్నో ఆఫ్ ది క్వార్టర్' (Digi Journo of the Quarter) అవార్డును అందుకున్నారు. ఇది డిజిటల్ జర్నలిజంలో ఆయన చూపిస్తున్న నిబద్ధతకు, వార్తా సేకరణలో ఆయన పాటించే ఖచ్చితత్వానికి నిదర్శనం. హరి ప్రసాద్ తన కెరీర్‌లో ప్రింట్, ఎలక్ట్రానిక్, డిజిటల్ మీడియా వంటి మూడు ప్రధాన విభాగాల్లోనూ పనిచేశారు. హిందుస్థాన్ టైమ్స్‌లో చేరకముందు, ఆయన తెలుగు రాష్ట్రాల్లోని ప్రముఖ దినపత్రికలు, టీవీ ఛానెళ్లయిన ఈనాడు, ఆంధ్రజ్యోతి, సాక్షి వంటి సంస్థలలో కీలక బాధ్యతలు నిర్వహించారు. నవంబర్ 1, 2021న హిందుస్థాన్ టైమ్స్ తెలుగు టీమ్‌లో చేరిన ఆయన.. ప్రస్తుతం స్పోర్ట్స్ (ముఖ్యంగా క్రికెట్ అనాలసిస్), ఎంటర్‌టైన్మెంట్ సెక్షన్ల బాధ్యతలను చూసుకుంటున్నారు. ఈయన ఉస్మానియా యూనివర్సిటీ నుంచి బీఎస్సీ (కంప్యూటర్ సైన్స్) పట్టా పొందారు. సాంకేతిక పరిజ్ఞానంతో పాటు జర్నలిజంపై ఉన్న మక్కువతో జర్నలిజంలో డిప్లొమా పూర్తి చేసి, వృత్తిపరమైన నైపుణ్యాలను మెరుగుపరుచుకున్నారు. క్రీడా రంగంలో వస్తున్న మార్పులను, సినిమా ఇండస్ట్రీ అప్‌డేట్స్‌ను లోతుగా విశ్లేషించి పాఠకులకు అర్థమయ్యే రీతిలో అందించడం హరి ప్రసాద్ శైలి.Read More

Home/Entertainment/గర్ల్‌ఫ్రెండ్ కోసం కొట్టుకునే బెస్ట్ ఫ్రెండ్స్.. తెలుగులో మరో ట్రయాంగిల్ లవ్ స్టోరీ మూవీ.. పతంగ్ ట్రైలర్ రిలీజ్