దర్శకుడు బుచ్చిబాబు సానా తెరకెక్కిస్తున్న తాజా మూవీ 'పెద్ది'. ఇందులో మెగా పవర్ స్టార్ రామ్ చరణ్, జాన్వీ కపూర్ జంటగా నటిస్తున్నారు. వచ్చే ఏడాది మార్చి 27న ఈ సినిమా విడుదల కానుంది. తాజాగా ఈ సినిమాలోని 'చికిరి చికిరి' అనే పాట ప్రోమోను మేకర్స్ విడుదల చేశారు. ఈ ప్రోమోలో రామ్ చరణ్ మాస్ హుక్ స్టెప్ అభిమానులను ఆకట్టుకుంది. ఈ స్టెప్ను చూసిన వెంటనే అభిమానులు, ఇది మెగాస్టార్ చిరంజీవి బ్లాక్బస్టర్ సినిమా ‘ముఠా మేస్త్రి’లోని ఐకానిక్ స్టెప్ను పోలి ఉందని కామెంట్స్ చేశారు.
చికిరి చికిరి పాట విశేషాలు
రామ్ చరణ్ లీడ్ రోల్లో నటిస్తున్న పెద్ది సినిమా నుంచి ఫస్ట్ సాంగ్ శుక్రవారం (నవంబర్ 7) రిలీజ్ కానుంది. అయితే అంతకుముందు బుధవారం ఈ సాంగ్ ప్రోమోను రిలీజ్ చేశారు. కేవలం 23 సెకన్లు ఉన్న ఈ 'చికిరి చికిరి' ప్రోమోలో రామ్ చరణ్ ఒక బీడీ తాగుతూ, ఎంతో ఎనర్జిటిక్గా స్టెప్ వేస్తూ కనిపించాడు.
చరణ్ లుక్, డ్యాన్స్ మూమెంట్స్ అభిమానులను మెప్పించాయి. ఈ పాటను సంగీత దిగ్గజం ఏ.ఆర్. రెహమాన్ స్వరపరిచాడు. మోహిత్ చౌహాన్ ఈ పాట పాడగా, బాలాజీ సాహిత్యం అందించాడు. దీనికి జానీ మాస్టర్ కొరియోగ్రఫీ చేశాడు.
రామ్ చరణ్ డ్యాన్స్కు ఫ్యాన్స్ సలాం
ఈ ప్రోమో విడుదలైన వెంటనే రామ్ చరణ్ ఫ్యాన్స్ వెంటనే దీనిని సోషల్ మీడియాలో వైరల్ చేసేశారు. వాళ్లు ఈ క్లిప్ను ఎక్స్, ఇన్స్టాగ్రామ్లలో పెద్ద ఎత్తున షేర్ చేస్తున్నారు. ఒక అభిమాని స్పందిస్తూ.. “పెద్ది సినిమాలో చికిరి బీట్కి ఆ డ్యాన్స్ ఏంటన్నా! కొండంచున బీడీ తాగి ఆ స్టెప్ ఏంట్రా చరణ్ అన్నా?!” అంటూ ఆనందం వ్యక్తం చేశారు.
మరో అభిమాని "ఒక్క స్టెప్తో చంపేశాడుగా!" అని కామెంట్ చేశారు. ఇంకొక అభిమాని స్పందిస్తూ.. "డ్యాన్స్ ఫ్లోర్లను ఏలడానికి స్టెప్ సిద్ధమవుతోంది!" అని రాశారు. "చిరుకి ముఠా మేస్త్రీ స్టెప్ ఎలానో.. చరణ్కి ఈ స్టెప్ అలా అవుతుంది" అని ఇంకో ఫ్యాన్ మెగాస్టార్ స్టెప్తో పోల్చారు.
{{/usCountry}}మరో అభిమాని "ఒక్క స్టెప్తో చంపేశాడుగా!" అని కామెంట్ చేశారు. ఇంకొక అభిమాని స్పందిస్తూ.. "డ్యాన్స్ ఫ్లోర్లను ఏలడానికి స్టెప్ సిద్ధమవుతోంది!" అని రాశారు. "చిరుకి ముఠా మేస్త్రీ స్టెప్ ఎలానో.. చరణ్కి ఈ స్టెప్ అలా అవుతుంది" అని ఇంకో ఫ్యాన్ మెగాస్టార్ స్టెప్తో పోల్చారు.
{{/usCountry}}"ఈ ట్రాక్తో ఇప్పటికే బ్లాక్బస్టర్ వైబ్స్ మొదలయ్యాయి. ఆ స్టెప్ అంటారా? అగ్గి రాజేసింది!" అని మరొక అభిమాని వ్యాఖ్యానించారు. కొందరు ఫ్యాన్స్ రామ్ చరణ్ను "గ్రేస్ గాడ్" అని కూడా కీర్తించారు.
'పెద్ది' సినిమా గురించి..
'ఉప్పెన' వంటి హిట్తో టాలీవుడ్కు పరిచయమైన బుచ్చిబాబు సానా ఈ 'పెద్ది' చిత్రానికి దర్శకత్వం వహిస్తున్నాడు. రామ్ చరణ్, జాన్వీ కపూర్ ప్రధాన పాత్రలు పోషిస్తున్నారు. వీరితో పాటు శివ రాజ్కుమార్, జగపతి బాబు, దివ్యేందు శర్మ కీలక పాత్రల్లో నటిస్తున్నారు.
ఫిల్మ్ ఫస్ట్ గ్లింప్స్ చూస్తే ఈ కథ పల్లెటూరి క్రికెట్ నేపథ్యంతో ముడిపడి ఉన్నట్లు తెలుస్తోంది. 'చికిరి చికిరి' పూర్తి లిరికల్ వీడియో నవంబర్ 7న విడుదల కానుంది. ఈ సినిమా ప్రపంచవ్యాప్తంగా మార్చి 27, 2026న థియేటర్లలోకి రానుంది.