Peddi Trailer: రామ్ చరణ్ పెద్ది మూవీ ట్రైలర్ వచ్చేసింది. 3 నిమిషాలకుపైగా ఉన్న ఈ ట్రైలర్ గూస్బంప్స్ తెప్పిస్తోంది. ఓ క్రికెటర్ గా, రెజ్లర్ గా, రన్నర్ గా చరణ్ ఈ సినిమాలో కనిపించబోతున్నాడు. ఆటే నా పొగరు అంటూ ఎంట్రీ ఇచ్చిన అతడు.. ట్రైలర్ మొత్తం అదరగొట్టాడు.
పెద్ది ట్రైలర్ ఎలా ఉందంటే?
పెద్ది ట్రైలర్ సోమవారం (మే 18) సాయంత్రం 4.05 గంటలకు రిలీజ్ అయింది. ముంబైలో జరిగిన ఓ స్పెషల్ ఈవెంట్ లో ఈ ట్రైలర్ రిలీజ్ చేశారు. అభిమానుల అంచనాలకు తగినట్లుగానే ఈ ట్రైలర్ సాగింది. ఇప్పటి వరకూ ఈ మూవీలో చరణ్ కు సంబంధించి క్రికెటర్, రెజ్లర్ లుక్స్ రిలీజ్ కాగా.. తాజా ట్రైలర్ లో అతన్ని ఓ రన్నర్ గానూ చూపించారు.
ఇక చరణ్ తోపాటు ఈ ట్రైలర్ లో జాన్వీ కపూర్, జగపతి బాబు, శివరాజ్కుమార్, విలన్ గా వస్తున్న దివ్యేందు శర్మ పాత్రలను కూడా చూపించారు. కమర్షియల్ ఎలిమెంట్స్ తోపాటు ఎమోషనల్ గానూ ఈ ట్రైలర్ సాగింది.
ఇక్కడ ఏ కుర్రాడిని అడిగినా ఫేవరెట్ ప్లే మారుతుంది కానీ.. ఫేవరెట్ ప్లేయర్ మారడం లేదు అని చెప్పే బొమన్ ఇరానీ డైలాగుతో ట్రైలర్లో చరణ్ ఎంట్రీ ఇచ్చాడు. ఈ కుర్రాళ్లకు పెద్ది గుళ్లో దేవుడు కాదు.. గ్రౌండ్ లో దేవుడు అనే మరో పవర్ఫుల్ డైలాగ్ కూడా ఇందులో ఉంది.
ఆటే నా పొగరు
ఇక చరణ్ నోట ఈ ట్రైలర్లో వినిపించిన తొలి డైలాగ్ ఆటే నా పొగరు. క్రికెట్, రెజ్లింగ్, ట్రాక్ అండ్ ఫీల్డ్ పై చరణ్ చేసే విన్యాసాలు ఈ ట్రైలర్ కు స్పెషల్ అట్రాక్షన్ అని చెప్పొచ్చు. మాటలతో కాదు.. ఆటతో బరిలో గెలిచే మగతనం ఎవరికుందో రమ్మను అనే మరో డైలాగ్ కూడా చరణ్ నోట వినిపించింది.
{{/usCountry}}ఇక చరణ్ నోట ఈ ట్రైలర్లో వినిపించిన తొలి డైలాగ్ ఆటే నా పొగరు. క్రికెట్, రెజ్లింగ్, ట్రాక్ అండ్ ఫీల్డ్ పై చరణ్ చేసే విన్యాసాలు ఈ ట్రైలర్ కు స్పెషల్ అట్రాక్షన్ అని చెప్పొచ్చు. మాటలతో కాదు.. ఆటతో బరిలో గెలిచే మగతనం ఎవరికుందో రమ్మను అనే మరో డైలాగ్ కూడా చరణ్ నోట వినిపించింది.
{{/usCountry}}నేను ఆడాననుకుంటున్నాను.. పోరాడాను సారూ అనే మరో డైలాగ్ కూడా ఆకట్టుకుంది. ఈ ట్రైలర్ ద్వారా మూవీ స్టోరీని పెద్దగా రివీల్ చేయలేదు. అయితే ఇందులో ఢిల్లీ వీధుల్లోనూ పెద్ది కూలీనాలీ చేసుకుంటూ కనిపించడం ఆసక్తి రేపుతోంది.
చిరంజీవి లీక్
నిజానికి అంతకుముందే ఈ పెద్ది మూవీ ట్రైలర్ చూసి ఓ డైలాగ్ కూడా లీక్ చేశారు మెగాస్టార్ చిరంజీవి. 3 నిమిషాల ఫైర్ పవర్ అంటూ ఆకాశానికెత్తారు. "పెద్ది ట్రైలర్ చూశాను. జస్ట్ వావ్! 3 నిమిషాల ప్యూర్ ఫైర్పవర్ ప్యాక్డ్ ట్రైలర్ ఇది. చరణ్, బుచ్చిబాబు, రెహమాన్.. ఒక్కొక్కరు తమ బెస్ట్ ఇచ్చారు. అందరూ కలిసి రఫ్ఫాడించేశారు. మీరు ఎంత ఊహించుకున్నా, ఈ ట్రైలర్ ఆ అంచనాలను మించి ఉంటుంది. ఎమోషన్, ఎలివేషన్, మ్యాడ్నెస్.. అన్నీ నెక్స్ట్ లెవెల్లో ఉన్నాయి," అంటూ చిరంజీవి ప్రశంసల జల్లు కురిపించారు.
పెద్ది రిలీజ్ డేట్
రామ్ చరణ్, జాన్వీ కపూర్ జంటగా నటించిన రూరల్ స్పోర్ట్స్ డ్రామా పెద్ది మూవీ జూన్ 4న ప్రపంచవ్యాప్తంగా విడుదల కానుంది. పల్లెటూరి నేపథ్యంలో సాగే పవర్ఫుల్ స్పోర్ట్స్ డ్రామాగా ఈ చిత్రం ప్రేక్షకుల ముందుకు రానుంది. వృద్ధి సినిమాస్ పతాకంపై ఈ సినిమా రూపుదిద్దుకుంటోంది. ఆస్కార్ అవార్డు విజేత ఏఆర్ రెహమాన్ ఈ చిత్రానికి అద్భుతమైన మ్యూజిక్ అందించారు. పలు భారతీయ భాషల్లో ప్రతిష్టాత్మకంగా తెరకెక్కిన 'పెద్ది' సినిమా జూన్ 4, 2026 నుంచి థియేటర్లలో ఆడియన్స్ తో కేకలు పెట్టించనుంది.