Peddi 8 Days Worldwide Box Office Collection: 'ఉప్పెన' సినిమాతో టాలీవుడ్లో మంచి ఎంట్రీ హిట్ అందుకున్న దర్శకుడు బుచ్చిబాబు సాన, గ్లోబల్ స్టార్ రామ్ చరణ్ కాంబినేషన్లో వచ్చిన మోస్ట్ అవేటెడ్ స్పోర్ట్స్ యాక్షన్ డ్రామా 'పెద్ది' థియేటర్లలో కలెక్షన్ల సంచలనం సృష్టిస్తోంది.
తగ్గుముఖం పట్టిన కలెక్షన్స్
భారీ అంచనాల మధ్య జూన్ 4న విడుదలైన పెద్ది చిత్రం మొదటి వారం రోజులు బాక్సాఫీస్ వద్ద అద్భుతమైన వసూళ్లను రాబట్టింది. అయితే, వీకెండ్లో కనిపించిన అసాధారణమైన జోరుతో పోలిస్తే వర్కింగ్ డేస్లో కలెక్షన్లు కొద్దిగా తగ్గుముఖం పట్టాయి. అయినప్పటికీ, ఈ ఏడాది అత్యధిక వసూళ్లు సాధించిన సౌత్ ఇండియన్ చిత్రంగా నిలిచి 'పెద్ది' సరికొత్త రికార్డు సృష్టించింది.
రూ. 200 కోట్ల క్లబ్కు అడుగు దూరంలో..
ప్రముఖ ట్రేడ్ వెబ్సైట్ సాక్నిల్క్ (Sacnilk) సమాచారం ప్రకారం.. 'పెద్ది' చిత్రానికి జూన్ 11 గురువారం (ఎనిమిదో రోజు) దేశీయంగా రూ. 6.30 కోట్ల నెట్ కలెక్షన్స్ వచ్చాయి. దీంతో ఈ సినిమా ఎనిమిది రోజుల మొత్తం భారతీయ నెట్ కలెక్షన్లు రూ. 193.55 కోట్లకు చేరుకున్నాయి.
పెద్ది సినిమాకు ఇండస్ట్రీలో ఉన్న భారీ క్రేజ్ దృష్ట్యా మొదటి వారంలోనే రూ. 200 కోట్ల మార్కును అందుకుంటుందని భావించినా, కలెక్షన్లు కొద్దిగా మందగించడంతో తృటిలో ఆ మైలురాయి మిస్ అయింది. రానున్న సెకండ్ వీకెండ్ అడ్వాంటేజ్తో ఈ చిత్రం ఈజీగా రూ. 200 కోట్ల క్లబ్లో అడుగుపెట్టనుంది.
రామ్ చరణ్ గత చిత్రం 'గేమ్ చేంజర్' మొదటి ఎనిమిది రోజుల్లో సాధించిన రూ. 120.40 కోట్ల కలెక్షన్లతో పోలిస్తే 'పెద్ది' చాలా మెరుగైన ప్రదర్శన కనబరిచింది. అయితే, ఎస్.ఎస్. రాజమౌళి దర్శకత్వంలో ఎన్టీఆర్తో కలిసి చేసిన 'RRR' చిత్రం ఎనిమిది రోజుల్లోనే రూ. 500 కోట్ల మార్కును దాటి సృష్టించిన ఆల్-టైమ్ రికార్డు దరిదాపుల్లోకి మాత్రం ఈ సినిమా వెళ్లలేకపోయింది.
'పెద్ది' రోజువారీ వసూళ్ల గ్రాఫ్
{{/usCountry}}రామ్ చరణ్ గత చిత్రం 'గేమ్ చేంజర్' మొదటి ఎనిమిది రోజుల్లో సాధించిన రూ. 120.40 కోట్ల కలెక్షన్లతో పోలిస్తే 'పెద్ది' చాలా మెరుగైన ప్రదర్శన కనబరిచింది. అయితే, ఎస్.ఎస్. రాజమౌళి దర్శకత్వంలో ఎన్టీఆర్తో కలిసి చేసిన 'RRR' చిత్రం ఎనిమిది రోజుల్లోనే రూ. 500 కోట్ల మార్కును దాటి సృష్టించిన ఆల్-టైమ్ రికార్డు దరిదాపుల్లోకి మాత్రం ఈ సినిమా వెళ్లలేకపోయింది.
'పెద్ది' రోజువారీ వసూళ్ల గ్రాఫ్
{{/usCountry}}ప్రస్తుతానికి కోలీవుడ్ హిట్ చిత్రం 'కరుప్పు' రికార్డులను బ్రేక్ చేసి ఈ ఏడాది బిగ్గెస్ట్ సౌత్ ఇండియన్ గ్రాసర్గా నిలిచింది పెద్ది. కాగా, వరల్డ్ వైడ్గా 8 రోజుల్లో రూ. 345 కోట్ల గ్రాస్ కలెక్షన్స్ మాత్రం రాబట్టింది పెద్ది. ఈ సినిమా ప్రీమియర్ షోల ద్వారానే రూ. 18.50 కోట్ల భారీ ఓపెనింగ్స్ రాబట్టింది. ఆ తర్వాత మొదటి రోజు రూ. 51 కోట్ల గ్రాండ్ ఓపెనింగ్తో బాక్సాఫీస్ ప్రయాణాన్ని ప్రారంభించింది.
శుక్రవారం రూ. 26.90 కోట్లు, శనివారం రూ. 29.10 కోట్లు, ఆదివారం రూ. 32.15 కోట్లతో వారాంతంలో థియేటర్లను హౌస్ఫుల్ బోర్డులతో నింపేసింది. సోమవారం వర్కింగ్ డే కావడంతో వసూళ్లలో సాధారణ తగ్గుదల కనిపించింది. సోమవారం రూ. 12.35 కోట్లు రాగా, మంగళవారం రూ. 9.70 కోట్లు, బుధవారం రూ. 7.55 కోట్లు వసూలయ్యాయి.
వివాదాలు.. విమర్శలపై జగపతి బాబు స్ట్రాంగ్ కౌంటర్
ఈ సినిమాలో హీరోయిన్ జాన్వీ కపూర్ పాత్రను మితిమీరిన గ్లామరస్గా (హైపర్ సెక్సువలైజేషన్) చూపించారంటూ సామాజిక మాధ్యమాల్లో కొంతకాలంగా తీవ్ర విమర్శలు వస్తున్నాయి. ఈ వివాదం కలెక్షన్లపై పెద్దగా ప్రభావం చూపకపోయినా, నెగెటివ్ రివ్యూలు మాత్రం గట్టిగానే వచ్చాయి. దీనిపై చిత్రంలో కీలక పాత్ర పోషించిన సీనియర్ నటుడు జగపతి బాబు ఒక ప్రెస్ కాన్ఫరెన్స్లో ఆసక్తికరంగా స్పందించారు.
"సినిమాను ఆదరించిన ప్రతి ఒక్కరికీ పేరుపేరునా కృతజ్ఞతలు. మా సినిమాకు బ్యాడ్ రివ్యూలు రాసిన వారికి మరింత ప్రత్యేకంగా థ్యాంక్స్ చెబుతున్నాను. ఎందుకంటే, మీ నెగెటివిటీ మాకు తెలియకుండానే సినిమా ప్రమోషన్కు ఎంతో సహాయపడింది" అని జగపతి బాబు పేర్కొన్నారు.
అస్తిత్వం కోసం పోరాడే ఆట కూలీ
వృద్ధి సినిమాస్ పతాకంపై వెంకట్ సతీష్ కిలారు నిర్మించిన ఈ చిత్రానికి మైత్రీ మూవీ మేకర్స్, సుకూమార్ రైటింగ్స్ సమర్పకులుగా వ్యవహరించారు. కనీస సౌకర్యాలు, కనీసం ఊరి పేరు కూడా లేని ఒక పల్లెటూరి అస్తిత్వం కోసం పోరాడే 'ఆట కూలీ' కథే ఈ 'పెద్ది'.
ఒక సామాన్య యువకుడు క్రికెట్, కుస్తీ, రన్నింగ్ వంటి క్రీడల ద్వారా తన గ్రామం వాయిస్ను ప్రపంచానికి ఎలా వినిపించాడనే పాయింట్తో బుచ్చిబాబు ఈ సినిమాను తెరకెక్కించారు. జాన్వీ కపూర్ పాత్రపై విమర్శలు ఉన్నప్పటికీ, రామ్ చరణ్ ఊరమాస్ యాక్టింగ్, కంటెంట్ పవర్ వల్లే సినిమా బాక్సాఫీస్ వద్ద నిలబడగలిగింది.