RGV Rao Bahadur Review: 99 శాతం సినిమాలు అలాంటివే కానీ ఈ రావు బహదూర్ వేరు.. వాళ్లిద్దరినీ ద్వేషించడం లేదు కానీ..:ఆర్జీవీ

RGV Rao Bahadur Review: రావు బహదూర్ మూవీని ఆకాశానికెత్తుతూ డైరెక్టర్ రామ్ గోపాల్ వర్మ చేసిన ట్వీట్స్ ఇప్పుడు వైరల్ అవుతున్నాయి. 99 శాతం సినిమాలు మరో సినిమా జ్ఞాపకాల ద్వారా వస్తాయని, కానీ ఈ సినిమా మాత్రం అలాంటిదేమీ లేకుండా చాలా ఫ్రెష్ గా ఉందని అన్నారు.

RGV Rao Bahadur Review: వివాదాలకు కేరాఫ్ అడ్రస్ అయిన సెన్సేషనల్ డైరెక్టర్ రామ్ గోపాల్ వర్మ (RGV) ఎవరినైనా పొగిడాడంటే అందులో కచ్చితంగా ఏదో స్పెషాలిటీ ఉండే ఉంటుంది. తాజాగా టాలెంటెడ్ యాక్టర్ సత్యదేవ్, డైరెక్టర్ వెంకటేష్ మహా కాంబినేషన్ లో వచ్చిన 'రావు బహదూర్' మూవీపై ఆర్జీవీ చేసిన ట్వీట్ ఇప్పుడు టాలీవుడ్ సర్కిల్స్ లో హాట్ టాపిక్ గా మారింది. సత్యదేవ్ యాక్టింగ్ తో పాటు మేకింగ్ స్టాండర్డ్స్ పై వర్మ వేసిన పోస్ట్ నెట్టింట వైరల్ అవుతోంది.

RGV Rao Bahadur Review: 99 శాతం సినిమాలు అలాంటివే కానీ ఈ రావు బహదూర్ వేరు.. వాళ్లిద్దరినీ ద్వేషించడం లేదు కానీ..:ఆర్జీవీ

సత్యదేవ్ పాత్రలోకి మాయమైపోయాడు

ఎప్పుడూ తనదైన స్టైల్ లో విమర్శలు చేసే రామ్ గోపాల్ వర్మ.. ఈసారి మాత్రం డైరెక్టర్ వెంకటేష్ మహాను ఆకాశానికెత్తేశాడు. "రావు బహదూర్ సినిమా తీసినందుకు నేను మహాను, సత్యదేవ్ ను ఏమాత్రం ద్వేషించట్లేదు.. ముఖ్యంగా సత్యదేవ్ తో యాక్టింగ్ చేయించకుండా, ఆ క్యారెక్టర్ లో పూర్తిగా పాత్రలో మాయమైపోయేలా చేసినందుకు నిజంగా హ్యాట్సాఫ్" అంటూ ఎక్స్ వేదికగా ప్రశంసల వర్షం కురిపించాడు. ఒక ఆర్టిస్ట్ క్యారెక్టర్ లోకి పరకాయ ప్రవేశం చేయడం అంటే ఇదేనని వర్మ తేల్చి చెప్పాడు.

లోకల్లీ ఇంటర్నేషనల్.. ప్రొడక్షన్ వాల్యూస్ పై ప్రశంసలు

సినిమాలోని మేకప్, కాస్ట్యూమ్స్, ప్రొడక్షన్ డిజైన్ గురించి కూడా వర్మ ఇంట్రెస్టింగ్ కామెంట్స్ చేశాడు. ప్రతి ఫ్రేమ్ చూస్తుంటే 'లోకల్లీ ఇంటర్నేషనల్' అనే ఫీలింగ్ కలుగుతోందని వర్మ చెప్పాడు. క్వాలిటీ విషయంలో డైరెక్టర్ ఎక్కడా కాంప్రమైజ్ కాలేదని ఆయన ట్వీట్ చూస్తేనే అర్థమవుతోంది. సత్యదేవ్ లుక్, మూవీ కోసం వేసిన సెట్స్ అన్నీ ఒక వింటేజ్ వరల్డ్ ను అద్భుతంగా క్రియేట్ చేసినట్లు తెలుస్తోంది.

టాలీవుడ్ లోని రెగ్యులర్ సినిమాలపై కూడా వర్మ తన స్టైల్ లో సెటైర్ వేశాడు. "ఇప్పుడు వస్తున్న 99 శాతం సినిమాలు పాత సినిమాల జ్ఞాపకాలతో కాపీ కొడుతున్నవే.. కానీ రావు బహదూర్ మాత్రం జీరో మెమొరీ ఇమాజినేషన్ తో తెరకెక్కింది" అని లాజిక్ లాగాడు. అత్యంత స్పష్టతతో డైరెక్టర్ ఈ మూవీని తెరకెక్కించినట్లు అభిప్రాయపడ్డాడు.

సత్యదేవ్ కెరీర్ లో టర్నింగ్ పాయింట్

'కేరాఫ్ కంచరపాలెం', 'ఉమామహేశ్వర ఉగ్రరూపస్య' లాంటి కల్ట్ క్లాసిక్స్ తో ఆడియన్స్ ను మెప్పించిన వెంకటేష్ మహా.. ఇప్పుడు సత్యదేవ్ తో కలిసి ఒక పవర్ ఫుల్ సైకలాజికల్ డ్రామాను ప్రేక్షకుల ముందుకు తీసుకొచ్చాడు. తెలుగు సినిమా ఇంతకు ముందు ఎప్పుడూ చూడనిది అని సాక్షాత్తూ మహేష్ బాబుతోనే చెప్పింది రిలీజ్ కు ముందే హైప్ క్రియేట్ చేసుకుంది.

అందుకు తగినట్లు రిలీజ్ తర్వాత కూడా ఈ రావు బహదూర్ కు రివ్యూలు వచ్చాయి. ఇప్పుడు ఆర్జీవీ ప్రశంసలతో ఈ సినిమాపై ప్రేక్షకుల్లో ఆసక్తి మరింత పెరిగింది. ముఖ్యంగా మూవీలో సత్యదేవ్ నటనకు అన్ని వైపుల నుంచీ ప్రశంసలు దక్కుతున్నాయి. మూవీ అర్థం కాలేదని కొన్ని విమర్శలు ఉన్నా.. ఇలాంటి ప్రయత్నం చేసినందుకు మాత్రం దర్శకుడిని అభినందిస్తున్నారు.

ఆర్జీవీయే కాదు గతంలో మరో టాలెంటెడ్ డైరెక్టర్ సుకుమార్ కూడా ఈ రావు బహదూర్ సినిమాను ప్రశంసలతో ముంచెత్తాడు. ఇక మూవీ ట్రైలర్ కు మహేష్ బాబు వాయిస్ ఓవర్ తో మరింత హైప్ పెంచారు. మరి ఇవన్నీ మూవీ బాక్సాఫీస్ కలెక్షన్లు పెంచుతాయా లేదా అన్నది చూడాలి.