Yash Ravana: రామాయణ మూవీ పార్ట్-1 దాదాపు రూ. 1600 కోట్ల భారీ బడ్జెట్‌తో తెరకెక్కి అంతర్జాతీయంగా చర్చనీయాంశమైంది. సాధారణంగా ఇలాంటి పౌరాణిక కావ్యాల్లో విజువల్ ఎఫెక్ట్స్ (VFX), కంప్యూటర్ గ్రాఫిక్స్ (CGI) లపైనే ఎక్కువ ఖర్చు చేస్తారని అందరూ భావిస్తారు. కానీ ఈ సినిమాలో చూపించిన ప్రతి ప్రధాన వస్తువును ప్రత్యక్షంగా సెట్స్ పైనే భారీ ఖర్చుతో ప్రాక్టికల్‌గా రూపొందించడం విశేషం.
తాజాగా ఈ సినిమాకు పనిచేసిన ప్రముఖ ఆర్ట్ డైరెక్టర్ రమేష్ అందాలే ఓ ఇంటర్వ్యూలో మాట్లాడూ కొన్ని నమ్మలేని నిజాలను బయటపెట్టారు. రావణాసురుడి బంగారు సింహాసనం, శూర్పణఖ రథం, పుష్పక విమానం వంటివి కేవలం గ్రాఫిక్స్ కాదని, వాస్తవంగా తయారుచేసిన మోడల్స్ అని స్పష్టం చేశారు.
రావణాసురుడి సింహాసనానికి కోటి.. నిజమైన 24K బంగారం వాడకం
రామాయణం కథలో కుబేరుడిని ఓడించి లంకను చేజిక్కించుకున్న తర్వాత రావణాసురుడు అత్యంత వైభవంగా సింహాసనాన్ని అధిష్ఠించే సన్నివేశం చాలా కీలకమైనది. ఈ సన్నివేశం కోసం ఆర్ట్ విభాగానికి చెందిన టీమ్ నాలుగు నెలల పాటు రాత్రింబవళ్లు శ్రమించింది.
ఆర్ట్ డైరెక్టర్ రమేష్ వెల్లడించిన వివరాల ప్రకారం.. మొదట డిజైన్ ఆధారంగా పూర్తి సింహాసనాన్ని మట్టితో తయారు చేశారు. ఆ తర్వాత ఫైబర్ తో దానికి బలమైన రూపాన్ని ఇచ్చారు. సింహాసనానికి అపూర్వమైన రాజసం, మెరుపు తీసుకురావడానికి నిజమైన 24 క్యారెట్ల కరిగించిన బంగారాన్ని పూతగా ఉపయోగించారు.
ఈ ఒక్క సింహాసనం డిజైన్ చేసి పూర్తి చేయడానికి ఏకంగా రూ. 1 కోటి ఖర్చు అయింది. రాకింగ్ స్టార్ యశ్ గంభీరమైన లుక్‌కు తగ్గట్టుగా దీనిని తీర్చిదిద్దారు.
ఒక్క సీన్ కోసం రూ.1.5 కోట్లతో శూర్పణఖ రథం!
సినిమాలోని సెట్ల నిర్మాణంలో చూపించిన శ్రద్ధ కేవలం ప్రధాన పాత్రలకే పరిమితం కాలేదు. లంకేశ్వరుడి సోదరి శూర్పణఖ (రకుల్ ప్రీత్ సింగ్) ప్రయాణించే రథం తయారీలోనూ ఆర్ట్ టీమ్ సరికొత్త రికార్డు సృష్టించింది.
{{/usCountry}}సినిమాలోని సెట్ల నిర్మాణంలో చూపించిన శ్రద్ధ కేవలం ప్రధాన పాత్రలకే పరిమితం కాలేదు. లంకేశ్వరుడి సోదరి శూర్పణఖ (రకుల్ ప్రీత్ సింగ్) ప్రయాణించే రథం తయారీలోనూ ఆర్ట్ టీమ్ సరికొత్త రికార్డు సృష్టించింది.
{{/usCountry}}పంచవటి అడవిలో శ్రీరాముడు, లక్ష్మణులను చూడటానికి శూర్పణఖ వచ్చే సన్నివేశం సినిమాలో కేవలం ఒకే ఒక్క సీన్‌లో కనిపిస్తుంది. అయినా సరే దీని కోసం రూ. 1.5 కోట్ల భారీ బడ్జెట్‌ను వెచ్చించారు. బంగారు పూత పూసిన ఈ రథాన్ని ప్రాక్టికల్‌గా నడిచేలా, బ్యాలెన్స్ అయ్యేలా డిజైన్ చేయడానికి ఆర్ట్ టీమ్‌కు మూడు నెలల సమయం పట్టింది. విజువల్ గ్రాండియర్ విషయంలో ఎక్కడా రాజీ పడలేదని రమేష్ అందాలే తెలిపారు.
రామాయణం మూవీ విశేషాలు
నమిత్ మల్హోత్రాకి చెందిన ప్రైమ్ ఫోకస్ స్టూడియోస్, డీనెగ్ (DNEG), రాకింగ్ స్టార్ యశ్ కు చెందిన మాన్‌స్టర్ మైండ్ క్రియేషన్స్ సంయుక్తంగా నిర్మించాయి. రణ్‌బీర్ కపూర్ రాముడిగా, సాయి పల్లవి సీతగా, యశ్ రావణుడిగా నటించారు. రెండు భాగాలుగా తెరకెక్కిన ఈ చిత్రంలో 'పార్ట్-1' ఈ నవంబర్ 5న ప్రపంచవ్యాప్తంగా థియేటర్లలో విడుదల కాగా, 'పార్ట్-2'ను 2028 దీపావళి కానుకగా విడుదల చేయడానికి సన్నాహాలు చేస్తున్నారు.
భారతీయ పౌరాణిక ఘట్టాలను అంతర్జాతీయ స్థాయిలో ఆవిష్కరించిన 'రామాయణం' సినిమా ప్రతి చిన్న డీటెయిలింగ్‌లోనూ సరికొత్త ప్రమాణాలను నెలకొల్పి, సినీ ప్రియులను అవాక్కయ్యేలా చేస్తోంది. మూవీకి పాజిటివ్ రివ్యూలు కూడా రావడంతో బాక్సాఫీస్ దగ్గర మేకర్స్ ఆశించిన స్థాయిలో వేల కోట్లు రాబడుతుందన్న అంచనాలు ఉన్నాయి.