E-Paper
Ramayana OTT Official: రిలీజ్‌కు ముందే రణ్‌బీర్, సాయి పల్లవి రామాయణ ఓటీటీ డీల్ ఫిక్స్- అధికారిక ప్రకటన- కానీ, అదే మైనస్!
Ramayana OTT Streaming Official: రణ్‌బీర్ కపూర్, సాయి పల్లవి నటించిన పౌరాణిక దృశ్య కావ్య చిత్రం రామాయణ ఓటీటీ విడుదలపై అధికారికంగా కీలక ప్రకటన వచ్చింది. థియేటర్లలో విడుదలైన తర్వాత ఓటీటీలోకి రామాయణ రైజ్ ఆఫ్ ది లెజెండ్ సినిమా తీసుకురానున్నారు. అయితే, ఆ ఒక్క విషయం మాత్రం మైనస్‌గా మారింది.
Prefer HTon Google
Ramayana Rise Of The Legend OTT Release Official: నమిత్ మల్హోత్రా అత్యంత భారీ బడ్జెట్‌తో నిర్మించిన దృశ్య కావ్యం 'రామాయణ: రైజ్ ఆఫ్ ది లెజెండ్' ఓటీటీ విడుదలపై సినీ వర్గాల్లో ఆసక్తికర చర్చ నడుస్తోంది. థియేట్రికల్ రన్ ముగిసిన తర్వాత రామాయణ సినిమాను ఓటీటీలోకి, టీవీలోకి తీసుకొచ్చేందుకు రెండు భారీ సంస్థలు డీల్ కుదుర్చుకున్నాయి.
రామాయణ ఓటీటీ అఫీషియల్
అవే జియోహాట్‌స్టార్, ప్రైమ్ ఫోకస్ స్టూడియోస్. అయితే సాధారణ సబ్‌స్క్రిప్షన్ ప్లాన్‌లో కాకుండా 'పే-పర్-వ్యూ' (Pay-Per-View) విధానంలో జియో హాట్‌స్టార్‌లో రామాయణం ఓటీటీ స్ట్రీమింగ్ చేయడానికి అందుబాటులోకి తేనున్నట్లు అధికారికంగా ప్రకటించారు. సబ్‌స్క్రైబర్స్ ఫ్రీగా చూసేలా కాకుండా అద్దె రూపంలో ఓటీటీ రిలీజ్ చేయడం ట్విస్టుతో పాటు మైనస్ అని చెప్పుకోవచ్చు.
పాన్ వరల్డ్ స్థాయిలో
2026 దీపావళి కానుకగా నవంబర్ 5న 'రామాయణ: రైజ్ ఆఫ్ ది లెజెండ్' చిత్రం ప్రపంచవ్యాప్తంగా థియేటర్లలో సందడి చేయనుంది. ఐమాక్స్ 3డీ (IMAX 3D) ఫార్మాట్‌లో అత్యంత భారీ స్థాయిలో రూపుదిద్దుకుంటున్న ఈ సినిమా, భారత్‌తో పాటు అంతర్జాతీయంగా పాన్-వరల్డ్ స్థాయిలో అలరించనుంది.
తెలుగు, హిందీ, తమిళ, కన్నడ, మలయాళం, ఇంగ్లీష్ భాషల్లో ఒకేసారి రామాయణం సినిమా ప్రేక్షకుల ముందుకు రానుంది. సౌత్ ప్రేక్షకులకు ఎంతో ఇష్టమైన సాయి పల్లవి సీతగా, కేజీఎఫ్ స్టార్ యశ్ రావణాసురుడిగా నటిస్తుండటంతో తెలుగు రాష్ట్రాల్లో ఈ రామాయణ సినిమాపై అపారమైన భారీ నెలకొన్నాయి.
ప్రతీ ఇంటికీ రామాయణ విశిష్టత: నీతా అంబానీ
భారతీయ సంస్కృతికి ప్రతిరూపమైన ఈ కథను ప్రతీ ఇంటికీ చేర్చాలనే లక్ష్యంతోనే ఈ భాగస్వామ్యం కుదిరిందని జియోస్టార్ ఛైర్‌పర్సన్ నీతా అంబానీ తెలిపారు.
"రామాయణం మన నాగరికతకు అత్యంత విలువైన సంపద. శతాబ్దాలుగా మన ఆలోచనలను, జీవన విధానాన్ని ప్రభావితం చేసిన మహత్తర కావ్యమిది. అధునాతన సాంకేతికతను ఉపయోగించి ఈ కావ్యంలోని ధర్మం, ప్రేమ, ధైర్యం వంటి శాశ్వత విలువలను దేశంలోని ప్రతీ కుటుంబానికి, కొత్త తరం ప్రేక్షకులకు అందించడం మాకు లభించిన గౌరవంగా భావిస్తున్నాం" అని నీతా ఎం. అంబానీ పేర్కొన్నారు.
బిగ్ స్క్రీన్ అనుభూతి లేని వారి కోసం ఓటీటీ వేదిక
రామాయణ చిత్రాన్ని ఐమాక్స్ 3డీ తెరపై చూడటమే సరైన అనుభూతిని ఇస్తుందని, అయితే దేశంలో ప్రతిఒక్కరికీ అలాంటి థియేటర్ సౌకర్యాలు అందుబాటులో లేవని ప్రొడ్యూసర్ నమిత్ మల్హోత్రా అభిప్రాయపడ్డారు.
"రామాయణం భారతీయులందరి సొత్తు. అందుకే ప్రతి ఒక్కరికీ ఈ సినిమా అందుబాటులో ఉండాలి. ఐమాక్స్ వంటి బిగ్ స్క్రీన్స్‌పై ఈ చిత్రాన్ని చూడటం గొప్ప అనుభూతే అయినా, మన దేశంలో థియేటర్ మౌలిక సదుపాయాలు అందరికీ సమానంగా లేవు. క్రీడలు, వినోదం ద్వారా దేశాన్ని ఏకం చేసిన చరిత్ర జియోహాట్‌స్టార్‌కు ఉంది. థియేటర్ రన్ పూర్తయ్యాక ప్రతీ ఒక్కరి చేతుల్లోకి, హాల్లోకి రామాయణాన్ని తీసుకెళ్లేందుకు ఇది సరిగ్గా సరిపోతుంది" అని నమిత్ మల్హోత్రా తెలిపారు.
అంతర్జాతీయ స్థాయి సాంకేతిక నిపుణులు
రెండు భాగాలుగా వస్తున్న ఈ పౌరాణిక చిత్రానికి నితీష్ తివారీ దర్శకత్వం వహిస్తున్నారు. ఆస్కార్ గ్రహీత డినెగ్ (DNEG), ప్రైమ్ ఫోకస్ స్టూడియోస్, యశ్‌కు చెందిన మాన్‌స్టర్ మైండ్ క్రియేషన్స్ సంయుక్తంగా నిర్మిస్తున్నాయి. హాలీవుడ్ లెజెండరీ మ్యూజిక్ డైరెక్టర్ హ్యాన్స్ జిమ్మర్, ఇండియన్ మ్యూజిక్ మైస్ట్రో ఏఆర్ రెహమాన్ కలిసి ఈ చిత్రానికి సంగీతాన్ని అందిస్తుండటం విశేషం.
ఎవరెవరు ఏ పాత్రలో
శ్రీరాముడిగా రణ్‌బీర్ కపూర్, సీతగా సాయి పల్లవి, రావణాసురుడిగా యశ్, హనుమంతుడిగా సన్నీ డియోల్, లక్ష్మణుడిగా రవి దూబే నటించారు. అరుణ్ గోవిల్, లారా దత్తా, రకుల్ ప్రీత్ సింగ్, వివేక్ ఒబెరాయ్, కుణాల్ కపూర్, కాజల్ అగర్వాల్ ఇతర ముఖ్య పాత్రలు పోషించారు. తొలి భాగం 2026 నవంబర్‌లో విడుదల కానుండగా, రెండో భాగం 2027లో ప్రేక్షకుల ముందుకు రానుంది.
