Yash Horror Movies: నాకు భయపడటం ఇష్టం ఉండదు.. డబ్బలిచ్చి మరీ ఎందుకు భయపడాలి.. అందుకే హారర్ సినిమాలు చూడను: యశ్

Yash Horror Movies: యశ్ హారర్ సినిమాలు చూడటానికి అస్సలు ఇష్టపడరట. దీనికి కారణం తనకు భయపడటం ఇష్టం లేకపోవడమేనట. అంతేకాదు డబ్బులిచ్చి మరీ భయపడటం ఎందుకు అని కూడా అంటున్నారు.

Yash Horror Movies: 'కేజీఎఫ్' (KGF) సిరీస్‌తో పాన్-ఇండియా రేంజ్‌లో రికార్డుల సునామీ సృష్టించి, ప్రస్తుతం 'రామాయణం' (Ramayana) సినిమాలో లంకేశ్వరుడిగా రచ్చ చేస్తున్న రాకింగ్ స్టార్ యశ్ తన వ్యక్తిగత అలవాట్ల గురించి ఒక ఆసక్తికరమైన విషయాన్ని పంచుకున్నారు. వెండితెరపై ఎంతటి భయంకరమైన శత్రువునైనా మట్టికరిపించే మాస్ హీరోగా కనిపించే యశ్.. రియల్ లైఫ్‌లో హారర్ సినిమాలు చూసేందుకు అస్సలు ఇష్టపడనని తెలిపారు.

Yash Horror Movies: నాకు భయపడటం ఇష్టం ఉండదు.. డబ్బలిచ్చి మరీ ఎందుకు భయపడాలి.. అందుకే హారర్ సినిమాలు చూడను: యశ్

ఇటీవల వెరైటీ ఇండియాకు ఇచ్చిన ఒక ప్రత్యేక ఇంటర్వ్యూలో మాట్లాడిన యశ్.. తాను దెయ్యాల సినిమాలు లేదా హారర్ కంటెంట్‌కు ఎందుకు దూరంగా ఉంటారో సరదాగా వెల్లడించారు.

భయపడటం ఇష్టం ఉండదు

"నాకు భయపడటం అస్సలు ఇష్టముండదు. మనకు మనంగా థియేటర్‌కి వెళ్లి డబ్బులు ఇచ్చి మరీ ఎందుకు భయపడాలి? హారర్ సినిమాలు చూస్తే అనవసరంగా గుండె వేగం పెరుగుతుంది. అందుకే నేను ఆ జోనర్‌కి చాలా దూరంగా ఉంటాను" అని యశ్ నవ్వుతూ చెప్పుకొచ్చారు.

సినిమా అంటే మనస్ఫూర్తిగా ఎంజాయ్ చేసేలా, ఇన్స్‌పైర్ అయ్యేలా ఉండాలి కానీ భయంతో వణికిపోయేలా ఉండకూడదని ఆయన తన అభిప్రాయాన్ని వ్యక్తపరిచారు.

'కేజీఎఫ్' నుంచి 'రామాయణం', 'టాక్సిక్' వరకు..

ప్రశాంత్ నీల్ దర్శకత్వంలో వచ్చిన 'కేజీఎఫ్ ఛాప్టర్ 1', 'కేజీఎఫ్ ఛాప్టర్ 2' చిత్రాలతో యశ్ ప్రపంచవ్యాప్తంగా గుర్తింపు తెచ్చుకున్నారు. ఈ రెండు సినిమాలు బాక్సాఫీస్ వద్ద ఏకంగా రూ. 1,200 కోట్లకు పైగా వసూళ్లు సాధించి కన్నడ పరిశ్రమ రేంజ్‌ను మార్చేశాయి. రాకీ భాయ్‌గా ఆయన చూపించిన స్వైరవిహారం, డైలాగ్ డెలివరీ ప్రతీ ఒక్కరినీ కట్టిపడేసాయి.

ప్రస్తుతం బాలీవుడ్ ప్రముఖ దర్శకుడు నితీష్ తివారీ తెరకెక్కిస్తున్న రూ. 4,000 కోట్ల బడ్జెట్ విజువల్ వండర్ 'రామాయణం'లో యశ్ లంకేశ్వరుడిగా కీలక పాత్ర పోషిస్తున్నారు. ఇటీవల విడుదలైన ట్రైలర్‌లో రాయల్ లుక్, గంభీరమైన వాయిస్‌తో రావణుడిగా యశ్ చూపించిన రాజసం చూసి సినీ ప్రపంచం ఆశ్చర్యపోయింది. ఈ సినిమా మొదటి భాగం నవంబర్ 8న దివాళీ కానుకగా ప్రపంచవ్యాప్తంగా విడుదల కానుంది.

స్క్రీన్ మీద కొండలనైనా పిండి చేసేంత పవర్‌ఫుల్ బాడీ లాంగ్వేజ్‌తో కనిపించే రాకింగ్ స్టార్, రియల్ లైఫ్‌లో హారర్ సినిమాలకు భయపడతానని చెప్పడం అభిమానులకు భలే సరదాగా అనిపిస్తోంది. సోషల్ మీడియాలో ఈ ఇంటర్వ్యూ క్లిప్స్ వైరల్ అవ్వడంతో "స్క్రీన్ మీద విలన్లను భయపెట్టే రాకీ భాయ్, హారర్ సినిమాలకు భయపడతారా!" అంటూ ఫ్యాన్స్ క్యూట్ కామెంట్లు పెడుతున్నారు.

మాస్, యాక్షన్, ఎమోషనల్ కథలతో ప్రేక్షకులను మెప్పించే యశ్, భవిష్యత్తులో కూడా థ్రిల్లింగ్ అండ్ మైండ్ బ్లోయింగ్ కంటెంట్‌తోనే రాబోతున్నట్లు స్పష్టం చేశారు.