OTT Thriller: మర్డర్ మిస్టరీ.. మూడు నెలల తర్వాత ఓటీటీలోకి వచ్చేస్తున్న తమిళ్ క్రైమ్ థ్రిల్లర్.. స్ట్రీమింగ్ ఎప్పుడంటే?

OTT Thriller: ఓటీటీలోకి ఓ తమిళ క్రైమ్ థ్రిల్లర్ వచ్చేస్తోంది. హత్య కేసులో ఇరుక్కునే హీరో ఎలా తప్పించుకున్నాడు? తాను నిర్దోషినని ఎలా నిరూపించుకున్నాడు? అనే కథ థ్రిల్ పంచుతుంది.

OTT Thriller: కొత్త వారం వచ్చిందంటే ఓటీటీలో కొత్త సినిమాలు, సిరీస్ ల సందడి ఉంటుంది. కొత్త రిలీజ్ లతో డిజిటల్ స్ట్రీమింగ్ ప్లాట్ ఫామ్ లు కళకళలాడుతుంటాయి. ఈ వారం కూడా ఓటీటీలోకి కొత్త మూవీస్ రాబోతున్నాయి. తాజాగా తమిళ్ క్రైమ్ థ్రిల్లర్ ‘రెడ్ లేబుల్’ మూవీ స్ట్రీమింగ్ డేట్ ను మేకర్స్ అనౌన్స్ చేశారు.

రెడ్ లేబుల్ ఓటీటీ

ఓటీటీలోకి తమిళ్ థ్రిల్లర్ (x/SimplySouthApp)

తమిళంలో క్రైమ్ థ్రిల్లర్ గా తెరకెక్కిన మూవీ ‘రెడ్ లేబుల్’. అక్కడ మిక్స్ డ్ రియాక్షన్ దక్కించుకున్న ఈ చిత్రం డిజిటల్ స్ట్రీమింగ్ కు రాబోతుంది. ఈ వారమే డిజిటల్ డెబ్యూ చేయనుంది. శుక్రవారం (మే 22) ఓటీటీలో అడుగుపెట్టనుంది. సింప్లీ సౌత్ ఓటీటీ ప్లాట్ ఫామ్ లో ఈ మూవీ రిలీజ్ అవుతుంది.

క్రైమ్ థ్రిల్లర్

కాలేజీ బ్యాక్ డ్రాప్ లో తిరిగే క్రైమ్ థ్రిల్లర్ గా రెడ్ లేబుల్ మూవీ తెరకెక్కింది. ఇందులో లెనిన్, అజ్మిన్ యాసర్ హీరో హీరోయిన్లుగా నటించారు. వీళ్లతో పాటు ఆర్వీ ఉదయకుమార్, మునిష్కాంత్ తదితరులు నటించారు. ఈ సినిమాకు కేఆర్ వినోద్ డైరెక్టర్. ఫిబ్రవరి 6, 2026న థియేటర్లలో రిలీజైంది రెడ్ లేబుల్ మూవీ. ఇప్పుడు మూడు నెలల తర్వాత ఓటీటీలోకి రానుంది.

రెడ్ లేబుల్ స్టోరీ

మర్డర్ మిస్టరీ క్రైమ్ థ్రిల్లర్ గా తెరకెక్కిన మూవీ రెడ్ లేబుల్. ఇది కాథిర్ (లెనిన్) కథ. అతను ఓ కాలేజ్ ఫార్మర్ ఛైర్మన్. ఇప్పుడు పోలీసు కేసుల కారణంగా సైలెంట్ గా ఉంటాడు. రోహిత్ అనే స్టూడెంట్ అతని దగ్గరకు వస్తాడు. ఎమ్మెల్యే (ఆర్వీ ఉదయకుమార్) కొడుకు పాండ్యన్ కాలేజ్ లో గుండాయిజం చెలాయిస్తుంటాడు.

కాథిర్ పై పగ తీర్చుకోవడం కోసం పవిత్రను ఓ రౌడీకి ఇచ్చి పెళ్లి చేయాలనుకుంటారు. అయితే అతనితో కాథిర్ గొడవ పడతాడు. ఈ క్రమంలో ఆ రౌడీ చనిపోతాడు. ఆ మర్డర్ కేసులో కాథిర్ ఇరుక్కుంటాడు. మరి ఈ కేసు నుంచి అతను ఎలా బయటపడ్డాడు? కాలేజ్ స్టూడెంట్ల నుంచి అతనికి ఎలాంటి సపోర్ట్ లభించింది? పవిత్రను అతను పెళ్లి చేసుకున్నాడా? లేదా? అన్నది రెడ్ లేబుల్ మూవీ చూసి తెలుసుకోవాల్సిందే.