సినిమా రంగంలో తమ అభిమాన నటీనటుల చిత్రాలు బాక్సాఫీస్ వద్ద ఎన్ని కోట్లు వసూలు చేశాయో లెక్కించడం ప్రేక్షకులకు అలవాటే. అయితే నేటి తరం కథానాయికలు కేవలం వెండితెరకే పరిమితం కాకుండా వ్యాపారవేత్తలుగా కూడా తమ సత్తా చాటుతున్నారు. అందులో అగ్రనటి సమంత రూత్ ప్రభు అందరికంటే ముందు వరుసలో నిలిచారు. ఇటీవల ఆమె స్థాపించిన సుగంధ ద్రవ్యాల (ఫ్రాగ్రెన్స్) బ్రాండ్ ఏకంగా రూ.120 కోట్ల రాబడి సాధించి సరికొత్త రికార్డు నెలకొల్పింది.
8 నెలల్లో 8 రెట్ల భారీ వృద్ధి
నటి సమంత, అంకిత తడానీ, ఆకాష్ వాలీలు సంయుక్తంగా 'సీక్రెట్ ఆల్కెమిస్ట్' (Secret Alchemist) అనే ఫ్రాగ్రెన్స్ బ్రాండ్‌ను ప్రారంభించారు. నాణ్యమైన పదార్థాలతో కెమికల్ ఫ్రీ ఫార్ములేషన్‌తో తయారుచేసిన ఈ ఉత్పత్తులు భారతీయ మార్కెట్‌లో తక్కువ సమయంలోనే విస్తృతమైన ఆదరణ పొందాయి. గడిచిన ఎనిమిది నెలల వ్యవధిలోనే ఈ బ్రాండ్ 8 రెట్ల వృద్ధిని నమోదు చేయడం విశేషం. దీంతో ఈ సంస్థ వ్యాపారం ఏకంగా రూ.120 కోట్ల మైలురాయిని అధిగమించింది.
ఈ ఘనతపై సమంత స్పందిస్తూ హర్షం వ్యక్తం చేశారు. "రెండు విభిన్న రంగాల్లో నా ప్రయాణాలు ఇలాంటి గొప్ప మైలురాళ్లను చేరుకోవడం ఎంతో సంతృప్తిని ఇస్తోంది. 'మా ఇంటి బంగారం' చిత్రం నా మనస్సుకు ఎంతో దగ్గరైన ప్రాజెక్ట్ కాగా, 'సీక్రెట్ ఆల్కెమిస్ట్'ను ఒకే లక్ష్యంతో ముందుకు సాగే బృందంతో కలిసి మొదటి నుంచి నిర్మించాం. మాపై నమ్మకం ఉంచి ఆదరిస్తున్న అందరికీ నా ధన్యవాదాలు" అని సమంత పేర్కొన్నారు.
వ్యాపార సామ్రాజ్యంలో సమంత అడుగులు
- కేవలం 'సీక్రెట్ ఆల్కెమిస్ట్' మాత్రమే కాకుండా సమంత వ్యాపార రంగానికి సంబంధించి మరికొన్ని కీలక ప్రాజెక్టుల్లో భాగస్వామిగా ఉన్నారు.
- 2020లో ప్రముఖ పారిశ్రామికవేత్త సుశృతి కృష్ణతో కలిసి 'సాకి' (Saaki) పేరుతో మహిళా ఫ్యాషన్ బ్రాండ్‌ను ప్రారంభించారు.
- హర్షిత మోటపర్తి, ప్రావిష్ట నాదేళ్లతో కలిసి 'మైల్ కలెక్టివ్' (Mile Collective) అనే లైఫ్స్టైల్, యాక్టివ్వేర్ సంస్థను నెలకొల్పారు.
- ఆరోగ్యానికి సంబంధించిన ఉత్పత్తులను అందించే 'గటాకా' (Gataca) అనే సప్లిమెంట్ బ్రాండ్లోనూ ఈ నటి వాటాదారుగా ఉన్నారు.
సినిమాల్లోనూ వంద కోట్ల విజయం
{{/usCountry}}వ్యాపార సామ్రాజ్యంలో సమంత అడుగులు
- కేవలం 'సీక్రెట్ ఆల్కెమిస్ట్' మాత్రమే కాకుండా సమంత వ్యాపార రంగానికి సంబంధించి మరికొన్ని కీలక ప్రాజెక్టుల్లో భాగస్వామిగా ఉన్నారు.
- 2020లో ప్రముఖ పారిశ్రామికవేత్త సుశృతి కృష్ణతో కలిసి 'సాకి' (Saaki) పేరుతో మహిళా ఫ్యాషన్ బ్రాండ్‌ను ప్రారంభించారు.
- హర్షిత మోటపర్తి, ప్రావిష్ట నాదేళ్లతో కలిసి 'మైల్ కలెక్టివ్' (Mile Collective) అనే లైఫ్స్టైల్, యాక్టివ్వేర్ సంస్థను నెలకొల్పారు.
- ఆరోగ్యానికి సంబంధించిన ఉత్పత్తులను అందించే 'గటాకా' (Gataca) అనే సప్లిమెంట్ బ్రాండ్లోనూ ఈ నటి వాటాదారుగా ఉన్నారు.
సినిమాల్లోనూ వంద కోట్ల విజయం
{{/usCountry}}వ్యాపార రంగంలోనే కాకుండా నటిగా, నిర్మాతగా కూడా సమంతకు ఈ ఏడాది అద్భుతమైన విజయం లభించింది. ఆమె స్వయంగా నిర్మించి ప్రధాన పాత్రలో నటించిన 'మా ఇంటి బంగారం' చిత్రం బాక్సాఫీస్ వద్ద రూ. 100 కోట్లకు పైగా వసూళ్లు సాధించింది.
బి.వి. నందిని రెడ్డి దర్శకత్వంలో రూపుదిద్దుకున్న ఈ తెలుగు చిత్రంలో గుల్షన్ దేవయ్య, దిగంత్ మంచాలే ముఖ్య పాత్రలు పోషించారు. సంతోష్ నారాయణన్ సంగీతం అందించగా, ఓం ప్రకాష్ ఛాయాగ్రహణం, ధర్మేంద్ర కాకరాల కూర్పు బాధ్యతలు నిర్వహించారు. 2026 జూన్ 19న విడుదలైన ఈ చిత్రం, 2018 నాటి 'మహానటి' రికార్డును అధిగమించి, అత్యధిక వసూళ్లు సాధించిన లేడీ ఓరియంటెడ్ తెలుగు చిత్రంగా రికార్డు సృష్టించింది.
వ్యక్తిగత జీవితం
సమంత వ్యక్తిగత జీవితాన్ని పరిశీలిస్తే, ప్రముఖ బాలీవుడ్ దర్శకుడు రాజ్ నిడిమోరును ఆమె 2025 డిసెంబరు 1న కోయంబత్తూరులోని ఈషా యోగా సెంటర్‌లో అత్యంత సన్నిహితుల సమక్షంలో వివాహం చేసుకున్నారు. 'ది ఫ్యామిలీ మేన్ 2', 'సిటాడెల్: హనీ బనీ', 'మా ఇంటి బంగారం' వంటి విజయవంతమైన ప్రాజెక్ట్‌లకు వీరిద్దరూ కలిసి పనిచేశారు. కాగా ప్రస్తుతం ఈ దంపతులు తమ మొదటి సంతానానికి జన్మనివ్వబోతున్నారు.