Spirit Release Date: రెబల్ స్టార్ ప్రభాస్, సెన్సేషనల్ డైరెక్టర్ సందీప్ రెడ్డి వంగా కాంబినేషన్లో వస్తున్న 'స్పిరిట్' సినిమా కోసం ప్రపంచవ్యాప్తంగా ఉన్న సినీ అభిమానులు వేయి కళ్ళతో ఎదురుచూస్తున్నారు. అయితే ఈ భారీ బడ్జెట్ సినిమా విడుదల విషయంలో ఇప్పుడు ఒక ఆసక్తికరమైన మలుపు చోటుచేసుకుంది. ముందుగా ప్రకటించిన తేదీ కంటే 'స్పిరిట్' కొంత ఆలస్యంగా థియేటర్లలోకి వచ్చే అవకాశం ఉందని ఇండస్ట్రీ వర్గాల్లో గట్టిగా వినిపిస్తోంది.
సల్మాన్ మూవీతో పోటీ వద్దనేనా?
బాలీవుడ్ కండల వీరుడు సల్మాన్ ఖాన్, టాలీవుడ్ సక్సెస్ఫుల్ డైరెక్టర్ వంశీ పైడిపల్లి కాంబినేషన్లో ఒక సినిమా (వర్కింగ్ టైటిల్ SVC63) తెరకెక్కుతోంది. ఈ చిత్రాన్ని 2027 ఈద్ కానుకగా అంటే మార్చి నెలలో విడుదల చేసేందుకు సన్నాహాలు చేస్తున్నారు.
అయితే 'స్పిరిట్' టీమ్ కూడా మొదట మార్చి 5, 2027నే టార్గెట్ చేసింది. ఇద్దరు అగ్ర హీరోల సినిమాలు ఒకేసారి వస్తే థియేటర్ల విభజనతో పాటు కలెక్షన్లపై ప్రభావం పడే అవకాశం ఉంది. అందుకే రిస్క్ తీసుకోకూడదని భావించిన సందీప్ వంగా, తన సినిమాను వాయిదా వేసే ఆలోచనలో ఉన్నట్లు తెలుస్తోంది.
లక్కీ డేట్పై వంగా కన్ను
తాజా సమాచారం ప్రకారం 'స్పిరిట్' సినిమాను డిసెంబర్ 1, 2027న విడుదల చేసేందుకు ప్లాన్ చేస్తున్నారు. దీని వెనుక ఒక సెంటిమెంట్ కూడా ఉంది. గతంలో సందీప్ వంగా దర్శకత్వంలో వచ్చిన 'యానిమల్' సినిమా కూడా ఇదే డిసెంబర్ 1న విడుదలై బాక్సాఫీస్ వద్ద రికార్డుల సునామీ సృష్టించింది. అందుకే అదే తేదీని 'స్పిరిట్'కు కూడా లాక్ చేయాలని ఆయన భావిస్తున్నట్లు మిడ్-డే రిపోర్టు వెల్లడించింది.
"సల్మాన్ ఖాన్ సినిమా ఈద్ విండోను లాక్ చేయడంతో, స్పిరిట్ సినిమాను అదే సమయంలో విడుదల చేయడం అంత మంచిది కాదని భావిస్తున్నారు. వంగా సినిమాలకు సుదీర్ఘమైన రన్ అవసరం. అందుకే ఇది ప్రొడక్షన్ ఆలస్యం వల్ల వచ్చిన మార్పు కాదు, పక్కాగా లెక్కవేసి తీసుకున్న నిర్ణయం" అని ఇండస్ట్రీ వర్గాల సమాచారం.
షూటింగ్ షెడ్యూల్లో మార్పు లేదు
{{/usCountry}}"సల్మాన్ ఖాన్ సినిమా ఈద్ విండోను లాక్ చేయడంతో, స్పిరిట్ సినిమాను అదే సమయంలో విడుదల చేయడం అంత మంచిది కాదని భావిస్తున్నారు. వంగా సినిమాలకు సుదీర్ఘమైన రన్ అవసరం. అందుకే ఇది ప్రొడక్షన్ ఆలస్యం వల్ల వచ్చిన మార్పు కాదు, పక్కాగా లెక్కవేసి తీసుకున్న నిర్ణయం" అని ఇండస్ట్రీ వర్గాల సమాచారం.
షూటింగ్ షెడ్యూల్లో మార్పు లేదు
{{/usCountry}}విడుదల తేదీ మారినప్పటికీ, సినిమా షూటింగ్ ప్రక్రియపై దాని ప్రభావం ఉండదు. 2027 ప్రారంభం నాటికే షూటింగ్ మొత్తం పూర్తి చేయాలని వంగా లక్ష్యంగా పెట్టుకున్నారు. మిగిలిన సమయాన్ని పోస్ట్ ప్రొడక్షన్, ఎడిటింగ్, ఇతర భాషల్లో డబ్బింగ్ పనుల కోసం వినియోగించనున్నారు. ముఖ్యంగా హిందీ, తెలుగు భాషల్లో క్వాలిటీ విషయంలో రాజీ పడకుండా అవుట్పుట్ తీసుకురావడానికి ఈ అదనపు సమయం ఉపయోగపడుతుందని టీమ్ భావిస్తోంది.
ప్రభాస్ - త్రిప్తి దిమ్రి.. అంచనాలు పెంచిన ఫస్ట్ లుక్
2026 కొత్త ఏడాది సందర్భంగా విడుదలైన 'స్పిరిట్' ఫస్ట్ లుక్ పోస్టర్ అప్పట్లో ఇంటర్నెట్ను షేక్ చేసింది. గాయాలతో ఉన్న ప్రభాస్ కు త్రిప్తి దిమ్రి సిగరెట్ వెలిగిస్తున్న ఆ స్టిల్ చూస్తుంటే, వంగా మార్క్ రా అండ్ రస్టిక్ యాక్షన్ మరోసారి వెండితెరపై పేలడం ఖాయమనిపిస్తోంది. భూషణ్ కుమార్ నిర్మిస్తున్న ఈ చిత్రం కేవలం ఇండియన్ సినిమాగానే కాకుండా 'పాన్ వరల్డ్' ఎంటర్టైనర్గా సిద్ధమవుతోంది.
తరచుగా అడిగే ప్రశ్నలు (FAQs)
1. ప్రభాస్ 'స్పిరిట్' విడుదల తేదీ ఎందుకు మారుతోంది?
సల్మాన్ ఖాన్ - వంశీ పైడిపల్లి సినిమాతో బాక్సాఫీస్ వద్ద ఘర్షణను నివారించడానికి, సోలో రిలీజ్ ద్వారా గరిష్ట కలెక్షన్లు సాధించడానికి విడుదల తేదీని మారుస్తున్నారు.
2. స్పిరిట్ సినిమా కొత్త విడుదల తేదీ ఎప్పుడు ఉండొచ్చు?
అధికారిక ప్రకటన రానప్పటికీ, డిసెంబర్ 1, 2027న ఈ సినిమాను విడుదల చేసేందుకు సన్నాహాలు జరుగుతున్నట్లు సమాచారం.
3. 'స్పిరిట్' చిత్రంలో హీరోయిన్ ఎవరు?
ఈ సినిమాలో ప్రభాస్ సరసన త్రిప్తి దిమ్రి హీరోయిన్గా నటిస్తోంది. ఆమె ఇప్పటికే 'యానిమల్' సినిమాతో మంచి గుర్తింపు తెచ్చుకుంది.