ఫ్యాన్స్ గెట్ రెడీ-స్టార్ మా సీరియల్స్ స్టార్లందరూ వచ్చేస్తున్నారు-మల్కాజిగిరిలో గ్రాండ్ ఈవెంట్-ఓ లుక్కేయండి

స్టార్ మా సీరియల్స్ ఫ్యాన్స్ గెట్ రెడీ. మీ అభిమాన సీరియల తారలంతా ఒకే చోట చేరబోతున్నారు. మీ ముందుకు రాబోతున్నారు. పొదరిల్లు సీరియల్ గ్రాండ్ రిసెప్షన్ ఈవెంట్ కు వస్తున్నారు. దీనికి మీరు కూడా వెళ్లొచ్చు.

స్టార్ మాలో వచ్చే సీరియల్స్ కు పెద్ద సంఖ్యలో అభిమానులున్నారు. టాప్ సీరియల్ కార్తీక దీపం 2 నుంచి గుండె నిండా గుడి గంటల వరకు ఈ ధారవాహికలు అభిమానులను ఆకట్టుకుంటున్నాయి. ఇప్పుడీ ఈ సీరియల్స్ స్టార్లందరూ కలిసి ఒకే చోట కనిపిస్తే ఫ్యాన్స్ కు పండగే. వచ్చే ఆదివారం అదే జరగబోతుంది. పొదరిల్లు సీరియల్ జంట గ్రాండ్ వెడ్డింగ్ రిసెప్షన కు వీళ్లందరూ రాబోతున్నారు.

స్టార్ మా సీరియల్స్ నటులు

పొదరిల్లు సీరియల్

టెలివిజన్ సీరియల్ చరిత్రలో బహుశా మొదటి సారి అనుకుంటా ఓ సీరియల్ లోని వెడ్డింగ్ రిసెప్షన్ కోసం ఇతర సీరియల్ స్టార్లందరూ రాబోతున్నారు. హైదరాబాద్లో కనీవిని ఎరుగని టెలివిజన్ మహోత్సవం జనవరి 25 ఆదివారం నాడు జరగబోతుంది. స్టార్ మా సీరియల్ అయిన ‘పొదరిల్లు’ జంట గ్రాండ్ వెడ్డింగ్ రిసెప్షన్ ఆ రోజు సాయంత్రం 6 గంటల నుండి శ్రీ లక్ష్మీ సాయి గార్డెన్స్ ఫంక్షన్ హాల్, అనుటెక్స్ చౌరస్తా, మల్కాజిగిరి, హైదరాబాద్ లో జరగనుంది.

సీరియల్స్ స్టార్స్

స్టార్ మా ఛానల్లో ప్రేక్షకుల మనసులు గెలుచుకున్న ప్రముఖ సీరియల్ ‘పొదరిల్లు’ హీరో, హీరోయిన్ వివాహ సందర్భంగా నిర్వహిస్తున్న గ్రాండ్ వెడ్డింగ్ రిసెప్షన్కు హైదరాబాద్ నగర ప్రజలను ఆహ్వానిస్తున్నారు. ఈ శుభసందర్భాన్ని మరింత ప్రత్యేకంగా మార్చేందుకు స్టార్ మా లో ప్రసారమవుతున్న అన్ని ప్రముఖ సీరియల్స్ నటీనటులు ఒకే వేదికపై తొలిసారి సందడి చేయనున్నారు.

కార్తీక దీపం 2 నటులు

తెలుగు సీరియల్స్ లో ఇప్పుడు కార్తీక దీపం 2 టాప్ లో కొనసాగుతోంది. ఇందులో నిరుపమ్ కార్తీక్ గా, ప్రేమి విశ్వనాథ్ దీపగా నటిస్తున్నారు. ఈ ఇద్దరు కూడా పొదరిల్లు జోడీ గ్రాండ్ రిసెప్షన్ గా వస్తున్నారు. టీవీలో ప్రతి ఇంటిని పలకరిస్తున్న కార్తీక దీపం 2 నటులను లైవ్ గా చూసేందుకు ఫ్యాన్స్ కు ఇదే మంచి అవకాశం. ఇకా తమ అభిమాన హీరో–హీరోయిన్ను ఆశీర్వదించడానికి, శుభాకాంక్షలు తెలపడానికి స్టార్ మా కుటుంబం మొత్తం ఈ వేడుకకు హాజరుకానుంది.

ఇదో పండగ

ఇది కేవలం ఒక వివాహ వేడుక మాత్రమే కాదు. స్టార్ మా ప్రేక్షకులకు ఒక అరుదైన పండుగ! ఒకే చోట, ఒకే వేదికపై మీకు ఇష్టమైన అన్ని సీరియల్స్ తారలను ప్రత్యక్షంగా చూసే అవకాశం ఇదే తొలిసారి. ఈ గ్రాండ్ వెడ్డింగ్ రిసెప్షన్లో అభిమానులతో కలిసి సెలబ్రేట్ చేసుకోవాలని ‘పొదరిల్లు’ జంట ప్రత్యేకంగా హైదరాబాద్ ప్రజలను ఆహ్వానిస్తోంది. స్టార్ మా కుటుంబం మొత్తం ఒక్కటయ్యే ఈ మహా సంబరాన్ని ఫ్యాన్స్ మిస్ చేసుకోవాలనుకోరు.