తమిళ స్టార్ హీరో అజిత్ కుమార్ తాజాగా బయటపెట్టిన ఓ సంఘటన సంచలనంగా మారింది. ఓ ఫ్యాన్ షేక్ హ్యాండ్ ఇచ్చే సమయంలో బ్లేడ్ తో తన అరచేతిని కోశాడని అజిత్ వెల్లడించాడు. తమ అభిమాన సెలబ్రిటీలను కలిసినప్పుడు ఫ్యాన్స్ ఎలా ప్రవర్తించాలని ఆశిస్తారనే దానిపై అజిత్ సుదీర్ఘంగా మాట్లాడారు. ది హాలీవుడ్ రిపోర్టర్ ఇండియాకు ఇచ్చిన ఇంటర్వ్యూలో ఇంట్రెస్టింగ్ విషయాలు బయటపెట్టాడు.
అరచేయి కోశాడు
అభిమానులు తన కారు ముందు వారి వాహనాలను ఆపి, సెల్ఫీల కోసం కారు కిటికీ అద్దాలు దించమని అడిగిన సందర్భాలు చాలా ఉన్నాయని అజిత్ చెప్పాడు. వచ్చిన వ్యక్తి నిజంగా అభిమానా లేక హాని తలపెట్టే వ్యక్తా అని ఒక సెలబ్రిటీకి ఎలా తెలుస్తుందని కూడా అజిత్ ప్రశ్నించాడు. ఈ సందర్భంలోనే ఒకసారి ఒక వ్యక్తి తనను పలకరిస్తూ తన అరచేతిని కోసిన విషయాన్ని అజిత్ వెల్లడించాడు. అభిమానుల వల్ల తాను చాలాసార్లు శారీరకంగా గాయపడ్డానని చెప్పాడు
బ్లేడ్ తో కోయడంతో
బ్లేడ్తో కోయడం వల్ల తన చేతులపై మచ్చలు ఉన్నాయని అజిత్ తెలిపాడు. ‘‘చాలా మంది అభిమానులు మిమ్మల్ని తాకాలని కోరుకుంటారు. ఇది 2005లో జరిగింది. చాలా మంది తమ చేతులను ముందుకు చాచారు. నేను వారితో షేక్ హ్యాండ్ ఇచ్చి కారులోకి ఎక్కా. అప్పుడు నాకు రక్తం కారుతుంది. అది ఒక అవుట్డోర్ షూటింగ్ సమయంలో జరిగింది’’ అని అజిత్ తెలిపాడు.
టీనేజర్
‘‘అప్పుడు మేం ఒక హోటల్ లో ఉన్నాం. అక్కడ ప్రతిరోజూ జనం గుమిగూడేవారు. ఆ హోటల్ యజమాని.. 'అజిత్, మీరు షాట్కు వెళ్లేటప్పుడు లేదా తిరిగి వచ్చేటప్పుడు దయచేసి కొంత సమయం కేటాయించగలరా? జనాన్ని అదుపు చేయడం మాకు కష్టంగా ఉంది. మీరు వారికి చేయి ఊపి, కొన్ని ఫోటోలు దిగగలరా?' అని అడిగాడు. ఒక రోజు చాలా మంది నాతో షేక్ హ్యాండ్ ఇవ్వడానికి, నన్ను తాకడానికి తమ చేతులను ముందుకు చాచారు’’ అని అజిత్ చెప్పుకొచ్చాడు.
‘‘నేను గ్రహించేలోపే అక్కడ చాలా గందరగోళం జరిగింది. సెక్యూరిటీ సిబ్బందిలో ఒకరు 18 లేదా 19 ఏళ్ల అబ్బాయిని పట్టుకున్నారు. అతను ఒక బ్లేడ్ను సగానికి విరిచి తన చేతుల మధ్య పట్టుకున్నాడు. ఎవరో గమనించి అతని చేతిని పట్టుకున్నారు. ఆ అబ్బాయి స్పృహలో లేడు. అతను మద్యం సేవించాడో లేక మరేదైనా జరిగిందో మాకు తెలియదు. అతను ఉన్మాద స్థితిలో ఉన్నాడు’’ అని అజిత్ వెల్లడించాడు.
{{/usCountry}}‘‘నేను గ్రహించేలోపే అక్కడ చాలా గందరగోళం జరిగింది. సెక్యూరిటీ సిబ్బందిలో ఒకరు 18 లేదా 19 ఏళ్ల అబ్బాయిని పట్టుకున్నారు. అతను ఒక బ్లేడ్ను సగానికి విరిచి తన చేతుల మధ్య పట్టుకున్నాడు. ఎవరో గమనించి అతని చేతిని పట్టుకున్నారు. ఆ అబ్బాయి స్పృహలో లేడు. అతను మద్యం సేవించాడో లేక మరేదైనా జరిగిందో మాకు తెలియదు. అతను ఉన్మాద స్థితిలో ఉన్నాడు’’ అని అజిత్ వెల్లడించాడు.
{{/usCountry}}అజిత్ చివరగా 'విడాముయర్చి', 'గుడ్ బ్యాడ్ అగ్లీ' చిత్రాల్లో నటించాడు. తన రాబోయే చిత్రాలను ఇంకా ప్రకటించాల్సి ఉంది.