Tamil Thriller Web Series: ఓటీటీలోకి తమిళ థ్రిల్లర్ వెబ్ సిరీస్ స్ట్రీమింగ్ కు వస్తోంది. ఈ సిరీస్ పేరు ఆక్టోపస్. ఈ సిరీస్ ట్రైలర్ తాజాగా రిలీజ్ కాగా.. స్ట్రీమింగ్ తేదీని కూడా జీ5 అనౌన్స్ చేసింది. నవంబర్ 27 నుంచి స్ట్రీమింగ్ చేయనున్నట్లు వెల్లడించింది.
ఆక్టోపస్ వెబ్ సిరీస్ స్టోరీ ఏంటంటే?
సస్పెన్స్ థ్రిల్లర్ సినిమాలు, వెబ్ సిరీస్‌లను ఇష్టపడే ప్రేక్షకులకు 'ఆక్టోపస్' ఒక సరికొత్త అనుభూతిని అందించనుంది. ఈ వెబ్ సిరీస్ కథ నూతన దంపతులైన వరుణ్ (అశ్విన్ కుమార్), నిఖిత (సింధు కుమారేశన్) చుట్టూ తిరుగుతుంది. పెళ్లయిన తర్వాత ఎన్నో ఆశలతో ఈ జంట ఒక కొత్త నివాస ప్రాంతంలోకి అడుగుపెడుతుంది.
మొదట అంతా ప్రశాంతంగా, సంతోషంగా సాగిపోతున్నట్లు కనిపిస్తుంది. కానీ ఆ కాలనీలోకి వచ్చిన కొద్ది రోజులకే నిఖిత అకస్మాత్తుగా, ఎలాంటి ఆనవాళ్లు లేకుండా అదృశ్యమవుతుంది. భార్య మాయమవడంతో వరుణ్ జీవితం ఒక్కసారిగా తలకిందులవుతుంది. అసలు నిఖిత ఏమైంది? ఆమెను ఎవరైనా కిడ్నాప్ చేశారా లేక ఆమె అదృశ్యం వెనుక భర్త వరుణ్ పాత్ర ఏమైనా ఉందా? అనే అనుమానాలు మొదలవుతాయి.
అందరూ ఒక కుటుంబంలా.. కానీ అసలు నిజం వేరే!
నిఖిత అదృశ్యం కేసులో అర్చన (అర్చన రవిచంద్రన్) రంగంలోకి దిగి లోతుగా ఆరా తీయడం ప్రారంభిస్తుంది. ఈ క్రమంలో ఆ కాలనీలోని వాతావరణం పూర్తిగా మారిపోతుంది.
సాధారణంగా ఒక కుటుంబంలా కలిసిమెలిసి ఉండే ఆ కాలనీ వాసులందరూ, నిఖిత మిస్సింగ్ మిస్టరీని ఛేదించడానికి స్వయంగా డిటెక్టివ్‌లుగా మారిపోతారు. దర్యాప్తు ముందుకు సాగేకొద్దీ ఆక్టోపస్ బాహువుల్లా ఒక్కో రహస్యం బయటపడుతుంది. దొరికిన ప్రతి చిన్న ఆధారం ఒక కొత్త సందేహానికి దారితీస్తుంది.
పైకి ఎంతో అమాయకంగా, ఆత్మీయంగా కనిపించే వ్యక్తుల వెనుక దాగి ఉన్న చీకటి కోణాలు వెలుగులోకి వస్తాయి. అక్కడ కనిపించేదేదీ నిజం కాదని, ప్రతి ఒక్కరికీ ఏదో ఒక రహస్యం ఉందని ట్రైలర్ ద్వారా స్పష్టమవుతోంది.
బలమైన తారాగణం, జీ5 థ్రిల్లర్ లైనప్
{{/usCountry}}పైకి ఎంతో అమాయకంగా, ఆత్మీయంగా కనిపించే వ్యక్తుల వెనుక దాగి ఉన్న చీకటి కోణాలు వెలుగులోకి వస్తాయి. అక్కడ కనిపించేదేదీ నిజం కాదని, ప్రతి ఒక్కరికీ ఏదో ఒక రహస్యం ఉందని ట్రైలర్ ద్వారా స్పష్టమవుతోంది.
బలమైన తారాగణం, జీ5 థ్రిల్లర్ లైనప్
{{/usCountry}}ఈ వెబ్ సిరీస్‌కు ప్రధాన బలం ఇందులో నటించిన ప్రతిభావంతులైన నటీనటులు. రొమాంటిక్ పాత్రలతో యువతలో మంచి క్రేజ్ సంపాదించుకున్న అశ్విన్ కుమార్.. ఇందులో భార్యను కోల్పోయి ఆందోళన చెందే భర్త వరుణ్ పాత్రలో విభిన్నమైన నటనను కనబరిచారు. ఆయనకు తోడుగా అర్చన రవిచంద్రన్ కీలకమైన ఇన్వెస్టిగేటివ్ పాత్రలో ఆకట్టుకోనున్నారు.
అలాగే గతంలో 'అంధగారం' వంటి సైకలాజికల్ థ్రిల్లర్లతో ప్రేక్షకులను మెప్పించిన విలక్షణ నటుడు వినోద్ కిషన్ ఇందులో భరత్ అనే ముఖ్య పాత్రలో కనిపించనున్నారు. సింధు కుమారేశన్, కలైవాణి భాస్కర్ (షాలిని పాత్రలో) కథకు కీలక మలుపులుగా నిలుస్తారు. దర్శకుడు జయచంద్ర హష్మీ ఆకట్టుకునేలా స్క్రీన్‌ప్లేతో, ఎక్కడా ఉత్కంఠ తగ్గకుండా ఈ సిరీస్‌ను తెరకెక్కించారు.
ఒక సాధారణ కాలనీలో జరిగే ఓ మహిళ అదృశ్యం చుట్టూ అల్లుకున్న ఈ ఉత్కంఠభరిత కథనం, ఊహకందని ట్విస్టులతో థ్రిల్లర్ ప్రియులకు కచ్చితంగా నచ్చుతుందని వెబ్ సిరీస్ టీమ్ ధీమా వ్యక్తం చేస్తోంది. నవంబర్ 27 నుంచి జీ5 వేదికగా ఈ మిస్టరీ వీడనుంది.