Teja Sajja The Traitors: టాలీవుడ్ యంగ్ సూపర్ స్టార్ తేజ సజ్జా (Teja Sajja) హోస్ట్‌గా డిజిటల్ స్పేస్‌లోకి గ్రాండ్‌గా ఎంట్రీ ఇస్తున్నారు. గ్లోబల్ హిట్ రియాలిటీ ఫార్మాట్ 'ది ట్రైటర్స్ తెలుగు' (The Traitors Telugu) ట్రైలర్‌ను ప్రైమ్ వీడియో అఫీషియల్‌గా రిలీజ్ చేసింది. 20 మంది ప్రముఖ సెలబ్రిటీలతో సాగే ఈ మైండ్ గేమ్ షో అక్టోబర్ 15 నుంచి డిజిటల్ ప్రియులను అలరించేందుకు రెడీ అయిపోయింది.
మైండ్ గేమ్స్, వెన్నుపోట్లు.. 'ది ట్రైటర్స్' కాన్సెప్ట్ ఏంటి?
గ్లోబల్ లెవెల్లో సంచలనం సృష్టించిన ఇంటర్నేషనల్ రియాలిటీ ఫార్మాట్ ఆధారంగా ఈ ది ట్రైటర్స్ షో తెరకెక్కింది. హిందీ వర్షన్ సక్సెస్ సాధించిన తర్వాత, ఇప్పుడు తెలుగు నేటివిటీకి తగ్గట్టుగా ప్రైమ్ వీడియో దీనిని సరికొత్తగా డిజైన్ చేసింది.
ఈ షోలో పాల్గొనే 20 మంది సెలబ్రిటీలను 'ఇన్నోసెంట్స్' (Innocents), 'ట్రైటర్స్' (Traitors) అని రెండు గ్రూపులుగా విడదీస్తారు. సీక్రెట్‌గా ఉండే 'ట్రైటర్స్' ఎవరనేది కనిపెట్టడం ఇన్నోసెంట్స్ ముందున్న అసలు ఛాలెంజ్.
ఒకరినొకరు నమ్మడం, వెన్నుపోటు పొడవడం, సైకలాజికల్ మైండ్ గేమ్‌లతో నామినేట్ చేసుకోవడం లాంటి ఊహించని ట్విస్టులు ఈ 10 ఎపిసోడ్లలో రచ్చ చేయబోతున్నాయి. ప్రతీ సంభాషణ ఒక క్లూ ఇవ్వచ్చు, లేదా తప్పుడు వ్యక్తిని ప్రమాదంలో పడేయవచ్చు.
చిన్మయి నుంచి హర్షవర్ధన్ వరకు.. 20 మంది సెలబ్రిటీల లిస్ట్
ఈ షోలో పాల్గొంటున్న కంటెస్టెంట్స్ లిస్ట్ ఆడియన్స్‌ను విపరీతంగా ఆకట్టుకుంటోంది. ప్రముఖ సింగర్ కమ్ డబ్బింగ్ ఆర్టిస్ట్ చిన్మయి శ్రీపాద, పాపులర్ యాక్టర్ హర్షవర్ధన్, తెలుగు సీనియర్ నటి ప్రగతి మహావది, నటుడు విష్ణు ఓయ్, కమెడియన్ విద్యుల్లేఖా రామన్ ఇందులో మెయిన్ అట్రాక్షన్‌గా నిలవనున్నారు.
వీరితో పాటు నిఖిల్ విజయేంద్ర సింహ, శ్రీదేవి చౌదరి, శ్రావ్య వర్మ, డాక్టర్ మేఘనాథ్ రెడ్డి, మౌనీషా చౌదరి, స్వీకార్ అగస్తి, ఆషికా పదుకోన్, వర్ష డిసౌజా, ప్రణవ్ (అభినవకవి), ఎస్ఎస్ వర్ధన్, రహత్ అచంట, గౌరవ్ సునీల్, సాయి రోనక్, పుప్పాల ధనంజయ్, ఫల్గుణి బంగేరా ఈ క్రేజీ గేమ్ ఆడనున్నారు.
'హనుమాన్' సక్సెస్ తర్వాత తేజ సజ్జా కొత్త అవతారం
{{/usCountry}}వీరితో పాటు నిఖిల్ విజయేంద్ర సింహ, శ్రీదేవి చౌదరి, శ్రావ్య వర్మ, డాక్టర్ మేఘనాథ్ రెడ్డి, మౌనీషా చౌదరి, స్వీకార్ అగస్తి, ఆషికా పదుకోన్, వర్ష డిసౌజా, ప్రణవ్ (అభినవకవి), ఎస్ఎస్ వర్ధన్, రహత్ అచంట, గౌరవ్ సునీల్, సాయి రోనక్, పుప్పాల ధనంజయ్, ఫల్గుణి బంగేరా ఈ క్రేజీ గేమ్ ఆడనున్నారు.
'హనుమాన్' సక్సెస్ తర్వాత తేజ సజ్జా కొత్త అవతారం
{{/usCountry}}'హనుమాన్' (HanuMan) సినిమాతో పాన్ ఇండియా రేంజ్‌లో సంచలన విజయాన్ని అందుకున్న తేజ సజ్జా.. ఇప్పుడు మొదటిసారిగా యాంకరింగ్ అవతారంలోకి మారడం విశేషం. హోస్ట్‌గా తనదైన స్పాంటేనిటీతో షోను నడిపించనున్నారు.
ఈ షో గురించి తేజ మాట్లాడుతూ.. "హోస్ట్‌గా చేయడం నాకొక ఫ్రెష్ ఎక్స్‌పీరియన్స్. అంతర్జాతీయంగా సూపర్ హిట్ అయిన ఫార్మాట్‌ను తెలుగు ఆడియన్స్ ముందుకు తేవడం చాలా హ్యాపీగా ఉంది. ప్రతి నిమిషం మలుపులు తిరిగే ఈ గేమ్ ఆడియన్స్‌కు ఫుల్ ఎంటర్టైన్మెంట్ ఇస్తుంది" అని వెల్లడించారు.
ఈ షోను SOL ప్రొడక్షన్స్ నిర్మించగా, అక్టోబర్ 15 నుంచి ప్రతి గురువారం మధ్యాహ్నం 12 గంటలకు ప్రైమ్ వీడియోలో ఒక కొత్త ఎపిసోడ్ ఎక్స్‌క్లూజివ్‌గా స్ట్రీమింగ్ కానుంది.