ప్రైమ్ వీడియోలో ది ఫ్యామిలీ మ్యాన్ సీజన్ 3 అరుదైన రికార్డు.. ఈ ఏడాది ఎక్కువ మంది చూసిన వెబ్ సిరీస్‌గా..

అమెజాన్ ప్రైమ్ వీడియోలో ది ఫ్యామిలీ మ్యాన్ సీజన్ 3 వెబ్ సిరీస్ దూసుకెళ్తోంది. రాజ్ అండ్ డీకే డైరెక్షన్ లో మనోజ్ బాజ్‌పాయీ, ప్రియమణి నటించిన ఈ వెబ్ సిరీస్ కు అదిరిపోయే రెస్పాన్స్ వస్తోంది.

ప్రైమ్ వీడియోలోకి నాలుగేళ్ల తర్వాత వచ్చిన ది ఫ్యామిలీ మ్యాన్ సీజన్ 3 వెబ్ సిరీస్ రికార్డులు తిరగరాస్తోంది. ఈ కొత్త సీజన్ కు ప్రేక్షకుల నుంచి మంచి రెస్పాన్స్ వస్తోంది. దీంతో ఈ ఏడాది లాంచ్ వీక్ లో అత్యధిక మంది చూసిన వెబ్ సిరీస్ గా రికార్డు క్రియేట్ చేసింది.

ది ఫ్యామిలీ మ్యాన్ సీజన్ 3 రికార్డు

ప్రైమ్ వీడియోలో ది ఫ్యామిలీ మ్యాన్ సీజన్ 3 అరుదైన రికార్డు.. ఈ ఏడాది ఎక్కువ మంది చూసిన వెబ్ సిరీస్‌గా..

ది ఫ్యామిలీ మ్యాన్ సీజన్ 3 ఎంతో ఊరించి నాలుగేళ్ల తర్వాత అమెజాన్ ప్రైమ్ వీడియోలోకి వచ్చింది. నవంబర్ 21 నుంచి స్ట్రీమింగ్ అవుతోంది. అయితే ఈ ఓటీటీలో ఈ ఏడాది వచ్చిన తొలి వారంలోనే అత్యధిక మంది చూసిన వెబ్ సిరీస్ గా ఈ సిరీస్ రికార్డును సొంతం చేసుకుంది. ఈ విషయాన్ని ఆ ఓటీటీయే ఓ ట్వీట్ ద్వారా వెల్లడించింది.

“ప్రతి ఫ్యామిలీ పాప్ కార్న్ ప్లాన్.. ది ఫ్యామిలీ మ్యాన్.. కొత్త సీజన్ ఇప్పుడు స్ట్రీమింగ్ అవుతోంది” అనే క్యాప్షన్ తో ట్వీట్ చేసింది. దీనికి జత చేసిన పోస్టర్ పై ఈ ఏడాది ప్రైమ్ వీడియోలో లాంచ్ వీక్ లోనే అత్యధిక మంది చూసిన షోగా నిలిచిందని ఆ ఓటీటీ తెలిపింది. అటు ఆర్మాక్స్ వీడియో రిపోర్టులోనూ గత రెండు వారాలుగా అత్యధిక వ్యూస్ సాధించిన వెబ్ సిరీస్ గా ది ఫ్యామిలీ మ్యాన్ సీజన్ 3 నిలిచింది.

ది ఫ్యామిలీ మ్యాన్ సీజన్ 3 గురించి..

మనోజ్ బాజ్‌పాయీ ఇందులో స్పై ఏజెంట్ శ్రీకాంత్ తివారీగా తిరిగి వచ్చాయి. సుచిత్రగా ప్రియమణి, జేకేగా షరీబ్ హష్మి నటించారు. ఈ మూడో సీజన్ మొత్తం ఈశాన్య భారతంలో జరిగిన స్టోరీగా చూపించారు. ఇందులో కొత్త విలన్ గా జైదీప్ అహ్లావత్ వచ్చాడు. అతని నటనకు ప్రశంసలు దక్కుతున్నాయి.