Bhagyashri Borse: మా నాన్న ఉద్యోగం కోసం వేడుకున్నాడు.. ఎన్నో దారుణమైన రోజులు చూశా: భాగ్యశ్రీ స్టార్‌డమ్ వెనుక కన్నీళ్లు

Bhagyashri Borse: టాలీవుడ్ లో తనకంటూ ప్రత్యేకమైన స్థానం సంపాదించుకోవడానికి ప్రయత్నిస్తున్న హీరోయిన్ భాగ్యశ్రీ బోర్సే తన దారుణమైన గతం గురించి చెప్పి కన్నీళ్లు పెట్టించింది. తన చిన్నతనంలో తాను, తన కుటుంబం పడిన కష్టాల గురించి చెప్పింది.

Bhagyashri Borse: టాలీవుడ్ లేటెస్ట్ సెన్సేషన్, ఈ మధ్యే లెనిన్ తో మరో సక్సెస్ అందుకున్న హీరోయిన్ భాగ్యశ్రీ బోర్సే తాజాగా చేసిన ఎమోషనల్ కామెంట్స్ ఇంటర్నెట్‌ను షేక్ చేస్తున్నాయి. గ్లామర్ ఫీల్డ్‌లో స్టార్‌డమ్ ఎంజాయ్ చేస్తున్న ఈ బ్యూటీ.. తన ఫ్యామిలీ బ్యాక్‌గ్రౌండ్ గురించి చెప్పి కన్నీళ్లు తెప్పించింది. పక్కా లోయర్ మిడిల్ క్లాస్ నుంచి వచ్చి ఇంతటి సక్సెస్ సాధించడం వెనుక ఉన్న బాధ గురించి సోషల్ మీడియా వేదికగా ఓపెన్ అయింది.

చాలా కష్టాలు పడ్డాం

Bhagyashri Borse: మా నాన్న ఉద్యోగం కోసం వేడుకున్నాడు.. ఎన్నో దారుణమైన రోజులు చూశా: భాగ్యశ్రీ స్టార్‌డమ్ వెనుక కన్నీళ్లు

సినిమాల్లో హీరోయిన్ల లైఫ్ చాలా లగ్జరీగా ఉంటుందని అందరూ అనుకుంటారు. కానీ అక్కడికి చేరుకోవడానికి వాళ్లు పడే కష్టం అంతాఇంతా కాదు. భాగ్యశ్రీ బోర్సే కూడా అలాంటి ఎన్నో కష్టాలు అనుభవించి వచ్చినట్లు తాజాగా ఆమె కామెంట్స్ ను బట్టి తెలుస్తోంది. ఈ మధ్యే ఒక ఇంటర్వ్యూలో తన గతాన్ని గుర్తుచేసుకుంటూ ఆమె చేసిన హార్ట్ టచింగ్ కామెంట్స్ ఇప్పుడు నెట్టింట వైరల్ అవుతున్నాయి.

"నేను చాలా లోయర్ మిడిల్ క్లాస్ ఫ్యామిలీ నుంచి వచ్చాను. మా నాన్నకు ఇద్దరం ఆడపిల్లలమే. నేను పుట్టగానే మా నాన్న ఉద్యోగం పోయింది. మరో ఉద్యోగం కోసం చాలా ప్రయత్నించాడు. నాకు ఇద్దరు ఆడపిల్లలు.. ఉద్యోగం ఇవ్వండని వేడుకునే వాడు. మా జీవితాల్లో ఎన్ని కష్టాలు రావాలో అన్నీ చూశాం. అప్పుడే నేను డిసైడయ్యాను.. ఏదో ఒక రోజు నేను కూడా బాగా సంపాదించాలి.. మా నాన్న కష్టాన్ని తీర్చాలి అనుకున్నాను" అని ఈ బ్యూటీ చాలా కాన్ఫిడెంట్‌గా చెప్పింది.

ఓవర్ నైట్ స్టార్‌డమ్.. వరుస ఆఫర్స్

హరీష్ శంకర్ డైరెక్షన్‌లో వచ్చిన 'మిస్టర్ బచ్చన్' మూవీతో తెలుగు ఆడియన్స్‌కు గ్రాండ్‌గా పరిచయం అయింది భాగ్యశ్రీ. ఆ సినిమాలో రవితేజ పక్కన ఆమె వేసిన మాస్ స్టెప్పులు, చూపించిన గ్లామర్ కుర్రకారుకు పిచ్చెక్కించాయి. ఫస్ట్ సినిమాతోనే యూత్‌లో ఓవర్ నైట్ స్టార్‌డమ్ తెచ్చుకుంది. స్క్రీన్ ప్రెజెన్స్ పరంగా ఏమాత్రం తడబడకుండా ఎక్స్ ప్రెషన్స్ ఇచ్చి అందరి దృష్టిని ఆకర్షించింది.

స్క్రీన్ పై తన గ్లామర్, నటనతో లక్షలాది మంది అభిమానులను సొంతం చేసుకున్న ఓ హీరోయిన్.. తన గతం గురించి ఇంత ఓపెన్ గా మాట్లాడటం చాలా మంది దృష్టిని ఆకర్షిస్తోంది. ఆమె మాట్లాడిన ఈ వీడియో వైరల్ అయిన తర్వాత భాగ్యశ్రీపై ఉన్న గౌరవం మరింత పెరిగిందంటూ కామెంట్స్ చేస్తున్నారు. ఆమె మరింత సక్సెస్ సాధించాలని కోరుకుంటున్నారు.