Vijay Deverakonda: ఈ శుక్రవారం (అక్టోబర్ 16) థియేటర్లలో సందడి చేయడానికి విజయ్ దేవరకొండ నటించిన మోస్ట్ అవేటెడ్ మూవీ 'రణబలి' సిద్ధమైంది. రాహుల్ సాంకృత్యన్ దర్శకత్వంలో తెరకెక్కిన ఈ చిత్రంలో రష్మిక మందన్న హీరోయిన్‌గా నటించింది. మంగళవారం (అక్టోబర్ 13) రాత్రి హైదరాబాద్‌లోని శిల్పకళా వేదికలో ఈ సినిమా ప్రీ రిలీజ్ ఈవెంట్ చాలా గ్రాండ్‌గా జరిగింది.
తెలుగు సినిమా గర్వపడేలా
ప్రీ రిలీజ్ ఈవెంట్లో విజయ్ దేవరకొండ మాట్లాడుతూ.. "ఈ ఈవెంట్ కు వచ్చిన దర్శకులందరికీ నా ధన్యవాదాలు. అప్పుడే పండుగ వాతావరణం మొదలైపోయింది. 'రణబాలి' సినిమా తెలుగు ఫిల్మ్ ఇండస్ట్రీ గర్వపడేలా ఉంటుంది’’ అని తెలిపారు.
చీకటి అధ్యాయం
‘‘దర్శకుడు రాహుల్ ఒక పీరియడ్ మాస్ యాక్షన్ డ్రామాను తెరకెక్కించడానికి ఎంతో రీసెర్చ్ చేశాడు. చరిత్రలో ఎవరికీ తెలియని ఒక చీకటి అధ్యాయాన్ని ఈ సినిమా కోసం రీసెర్చ్ చేసి కనుక్కున్నాడు" అని విజయ్ దేవరకొండ చెప్పారు. బ్రిటీష్ పాలకుల దారుణాలను ఈ రణబాలి సినిమాలో చూపించారు.
హేటర్స్‌కు గట్టి కౌంటర్
"ట్యాక్సీవాలా రిలీజ్ సమయంలో 'నోటా' ప్లాప్ వల్ల నేను ఎన్నో విమర్శలు ఎదుర్కొన్నాను. నా ఓటమిని చూసి కొందరు ఆనందిస్తున్నారని తెలిసి.. నేను కచ్చితంగా తిరిగి వస్తాను (I will be back) అని ఒక లెటర్ రాశాను. నేను కమ్ బ్యాక్ ఇస్తానని చెప్తే.. కచ్చితంగా కమ్ బ్యాక్ ఇస్తానని నా విమర్శకులకు మరోసారి గుర్తుచేస్తున్నా.
డైరెక్టర్ రాహుల్ నా కోసం అలాంటి ఒక బలమైన పునాదిని మళ్లీ నిర్మిస్తున్నాడు. అంతా అనుకున్నట్లు జరిగితే, అనంతపురంలో నా హేటర్స్‌కు మరోసారి నా కమ్ బ్యాక్ గురించి గట్టిగా గుర్తుచేస్తాను. మనపై మనకు నమ్మకం, పనిపై అంకితభావం ఉండటమే మన చేతుల్లో ఉంది" అని విజయ్ దేవరకొండ స్పష్టం చేశారు.
రష్మిక గురించి
"ఈ రణబాలి మూవీని భారీ కాన్వాస్పై నిర్మించిన మైత్రీ మూవీ మేకర్స్ నిర్మాతలు నవీన్, రవికి నా కృతజ్ఞతలు. తెలుగు సినిమా స్థాయిని పెంచడంలో మైత్రీ కీలక పాత్ర పోషించింది. నా కెరీర్లో ఎప్పుడూ అద్భుతమైన పాటలు లభించాయి.
{{/usCountry}}"ఈ రణబాలి మూవీని భారీ కాన్వాస్పై నిర్మించిన మైత్రీ మూవీ మేకర్స్ నిర్మాతలు నవీన్, రవికి నా కృతజ్ఞతలు. తెలుగు సినిమా స్థాయిని పెంచడంలో మైత్రీ కీలక పాత్ర పోషించింది. నా కెరీర్లో ఎప్పుడూ అద్భుతమైన పాటలు లభించాయి.
{{/usCountry}}ఈ సినిమాలో అజయ్-అతుల్ జోడి అందించిన 'ఏందయ్య సామి' పాట కూడా అలాంటి ఒక మ్యాజిక్ సృష్టిస్తోంది. నటిగా రష్మిక మందన్న సాధించిన ఎదుగుదల చూస్తుంటే నాకు గర్వంగా ఉంది. తనతో కలిసి పని చేయడం ఎప్పుడూ హోమ్లీగా అనిపిస్తుంది" అంటూ విజయ్ దేవరకొండ తన స్పీచ్ ముగించారు.