Vijay Cinema Politics : తమిళనాడు అసెంబ్లీ ఎన్నికల ఫలితాల్లో విజయ్ స్థాపించిన టీవీకె దుమ్ము రేపుతోంది. ఎర్లీ ట్రెండ్స్ నుంచే ఆధిపత్యాన్ని ప్రదర్శిస్తోంది. డీఎంకే, అన్నాడీఎంకే పార్టీలను దాటుకొని…. మెజార్టీ సీట్లు సాధించే దిశగా అడుగులు వేస్తోంది. దీంతో పార్టీ స్థాపించిన అతి తక్కువ కాలంలోనే విజయ్….తిరుగులేని నాయకుడిగా తమిళనాడు ప్రజల మనసులను గెలుచుకున్నట్లు అయింది.
తన రెండేళ్ల నాటి పార్టీ 'తమిళగ వెట్రి కళగం' (TVK) కోసం ప్రచారం చేస్తూ…. హీరో విజయ్ ఒక భావోద్వేగపూరితమైన పిలుపునిచ్చారు. "మీరు మీ విజయ్ను 100 శాతం నమ్మవచ్చు," అని ఆయన చేసిన వ్యాఖ్యలు ప్రచార సమయంలో తెగ వైరల్ అయిన సంగతి తెలిసిందే. మూడు దశాబ్దాల సినీ ప్రస్థానంలో 68 చిత్రాల్లో కథానాయకుడిగా నటించి…. లెక్కలేనన్ని బ్లాక్ బస్టర్లను అందుకన్న జోసెఫ్ విజయ్ చంద్రశేఖర్, ఇప్పుడు వెండితెర వెలుగుల నుంచి అసెంబ్లీ సింహాసనం వైపు అడుగులు వేస్తున్నారు.
తమిళ రాజకీయాల్లో సినిమాకు, సింహాసనానికి విడదీయలేని అనుబంధం ఉంది. నాడు ఎం.జి. రామచంద్రన్ (MGR) తన సినిమాల ద్వారా ప్రజలతో ఒక భావోద్వేగ సంబంధాన్ని ఏర్పరచుకుని రాజకీయాల్లో విజయం సాధించారు. అదే బాటలో కరుణానిధి తన పదునైన సంభాషణల ద్వారా ద్రావిడ సిద్ధాంతాన్ని ప్రజల్లోకి తీసుకెళ్లారు. ఇక జయలలిత తన స్క్రీన్ అథారిటీని రాజ్యాధికారంగా మార్చుకున్నారు. ఇప్పుడు విజయ్ సైతం అదే తరహా 'పొలిటికల్ మేజిక్'ను పునరావృతం చేసే అవకాశం స్పష్టంగా కనిపిస్తోంది.
విజయ్ రాజకీయ రంగప్రవేశం అనేది అకస్మాత్తుగా జరిగిన మార్పు కాదు. దీని వెనుక 30 ఏళ్ల పక్కా ప్లాన్ ఉందని ఆయన సినీ ప్రస్థానాన్ని గమనిస్తే అర్థమవుతుంది. 90వ దశకంలో విజయ్ …. 'కాదలుక్కు మరియాదై', 'తుళ్లత మనముమ్ తుళ్లుమ్' వంటి సినిమాలతో మంచి ఇమేజ్ సంపాదించుకున్నారు. ఆ సినిమాల్లో రాజకీయాలు లేకపోయినా….. ప్రజల్లో ఒక బలమైన "నమ్మకాన్ని" (Trust) ఆయన ఏర్పరచుకోగలిగారు.
2000వ దశకంలో ఆయన 'మాస్ హీరో'గా అవతారమెత్తారు. 'గిల్లి', 'పోకిరి' వంటి సినిమాల్లో అన్యాయాన్ని ఎదిరించే యువకుడిగా కనిపించి…., వ్యవస్థలో లోపాలను సరిదిద్దే రక్షకుడిగా యువతకు చేరువయ్యారు. చట్టబద్ధమైన సంస్థలు విఫలమైన చోట, హీరో స్వయంగా న్యాయం చేయడం అనే అంశం సామాన్య ప్రజలను అమితంగా ఆకట్టుకుంది.
రాజకీయ, సామాజిక కోణం….
{{/usCountry}}2000వ దశకంలో ఆయన 'మాస్ హీరో'గా అవతారమెత్తారు. 'గిల్లి', 'పోకిరి' వంటి సినిమాల్లో అన్యాయాన్ని ఎదిరించే యువకుడిగా కనిపించి…., వ్యవస్థలో లోపాలను సరిదిద్దే రక్షకుడిగా యువతకు చేరువయ్యారు. చట్టబద్ధమైన సంస్థలు విఫలమైన చోట, హీరో స్వయంగా న్యాయం చేయడం అనే అంశం సామాన్య ప్రజలను అమితంగా ఆకట్టుకుంది.
రాజకీయ, సామాజిక కోణం….
{{/usCountry}}2011 తర్వాత విజయ్ సినిమాల్లో రాజకీయ సామాజిక కోణం స్పష్టంగా కనిపించడం ప్రారంభమైంది. ఏ.ఆర్. మురుగదాస్ దర్శకత్వంలో వచ్చిన 'కత్తి' (2014) సినిమాలో వ్యవసాయ సంక్షోభం, కార్పొరేట్ శక్తుల దోపిడీపై విజయ్ గళం విప్పారు. ముఖ్యంగా ఆ సినిమాలో ఒక డైలాగ్ ఉంటుంది. "మన కడుపు నిండిన తర్వాత తినే అదనపు ఇడ్లీ, మరొకరికి చెందాల్సిన ఆకలి" అని ఆయన చెప్పిన మాటలు మార్క్సిస్ట్ సిద్ధాంతాన్ని సామాన్యుడికి అర్థమయ్యేలా వివరించాయి.
ఆ తర్వాత….. 'మెర్సల్' సినిమాలో వైద్య రంగంలోని వ్యాపార ధోరణిని ఎండగట్టారు. 'సర్కార్' సినిమాలో ఓటు హక్కు ప్రాధాన్యతను, ఎన్నికల అక్రమాలను ఎత్తిచూపారు. "ఒక్క వేలితో విప్లవం" (Oru viral puratchi) అనే నినాదం సినిమా పాటగానే కాకుండా ఒక రాజకీయ నినాదంగా మారిపోయింది. ఇలా సినిమాల ద్వారా విజయ్ ప్రజల హక్కులు, విధులు, అవినీతి రహిత పాలన గురించి నిరంతరం చర్చిస్తూ వచ్చారు.
విజయ్ టాప్ 20 సినిమాల IMDb రేటింగ్లను విశ్లేషిస్తే ఒక ఆసక్తికరమైన విషయం బయటపడింది. ఆయన అత్యుత్తమ రేటింగ్ పొందిన సినిమాల్లో దాదాపు 70 శాతం (14 సినిమాలు) 1990, 2000 ప్రారంభ కాలానికి చెందినవి. ఇవన్నీ ఎక్కువగా రొమాంటిక్ లేదా ఫ్యామిలీ డ్రామాలు. రాజకీయ నేపథ్యం ఉన్న 'కత్తి', 'మెర్సల్' వంటి సినిమాలు కేవలం 15 శాతం మాత్రమే. దీనిని బట్టి విజయ్ పొలిటికల్ క్యాపిటల్…. కేవలం సిద్ధాంతాల మీద మాత్రమే కాకుండా, దశాబ్దాలుగా ఆయన సంపాదించుకున్న అభిమానం, భావోద్వేగాల మీద ఆధారపడి ఉందని స్పష్టమవుతోంది.
సినిమాల్లో హీరో అసాధ్యాలను సుసాధ్యం చేయవచ్చు. కానీ నిజజీవితంలో పాలన అనేది సంక్లిష్టమైనది. విజయ్ సినిమాల్లో తరచుగా కనిపించే 'మంచి vs చెడు' అనే బైనరీ లాజిక్ వాస్తవ రాజకీయాల్లో వర్తించదు. అధికార వ్యవస్థలో సంస్కరణలు తీసుకురావడం అంటే కేవలం ఒక వ్యక్తి పోరాటం కాదు, అది సంస్థాగతమైన మార్పు. విజయ్ ఇటీవల నటించినట్లుగా చెప్పబడుతున్న 'జన నాయకన్' (ప్రస్తుతం వివాదాల్లో ఉంది) వంటి సినిమాల్లో సైతం పొలిటికల్ క్లాస్ను విలన్లుగా చూపిస్తూ….. ఒక నిబద్ధత గల అధికారిని రక్షకుడిగా చూపడం గమనార్హం…
అయితే సినిమాల్లో రాసిచ్చిన స్క్రిప్ట్ ప్రకారం….. విజయం సాధించడం సులభం, కానీ ప్రజాక్షేత్రంలో ఓటర్ల తీర్పు అనేది అంత సులభం కాదు. కానీ తమిళనాడు ఎన్నికల ఫలితాలను చూస్తుంటే… ఈ విషయంలో కూడా విజయ్ సక్సెస్ కొట్టినట్లే కనిపిస్తోంది…!