Vijay Sethupathi: అల్లు అర్జున్ డైరెక్టర్ నిర్మాతగా పూరీ జగన్నాథ్ హీరో సినిమా.. అట్లీ- విజయ్ సేతుపతి క్రేజీ కాంబో!

Vijay Sethupathi Atlee: కోలీవుడ్ లో క్రేజీ కాంబినేషన్ కుదిరింది. అల్లు అర్జున్ హీరోగా రాకా సినిమాను తెరకెక్కిస్తున్న దర్శకుడు అట్లీ నిర్మాతగా మారాడు. పూరీ జగన్నాథ్ దర్శకత్వంలో స్లమ్ డాగ్ చేస్తున్న విజయ్ సేతుపతితో కలిసి నిర్మాతగా అట్లీ మూవీ చేస్తున్నాడు. ఈ అనౌన్స్ మెంట్ వైరల్ గా మారింది.

Vijay Sethupathi Atlee: ‘నడువుల కొంజం పక్కత కాణోమ్', 'సీతాకాతి' వంటి కల్ట్ అండ్ సంచలన చిత్రాల తర్వాత మక్కల్ సెల్వన్ విజయ్ సేతుపతి (Vijay Sethupathi), దర్శకుడు బాలాజీ తరణీధరన్ కాంబినేషన్ మళ్లీ రిపీట్ అవుతోంది. ఈ క్రేజీ కాంబోలో వస్తున్న మూడో చిత్రానికి 'బత్తా' (Baththaa) అనే ఆసక్తికరమైన టైటిల్‌ను ఖరారు చేస్తూ ఫస్ట్ లుక్ అండ్ టైటిల్ అనౌన్స్‌మెంట్ చేశారు.

ప్రొడ్యూసర్ గా అట్లీ

అల్లు అర్జున్ డైరెక్టర్ నిర్మాతగా పూరీ జగన్నాథ్ హీరో సినిమా.. అట్లీ- విజయ్ సేతుపతి క్రేజీ కాంబో! (x/VijaySethuOffl)

సౌత్ తో పాటు బాలీవుడ్‌లో వరుస హిట్లు కొడుతున్న స్టార్ డైరెక్టర్ అట్లీ (Atlee) ఈ బత్తా చిత్రానికి నిర్మాతగా వ్యవహరిస్తుండడం విశేషం. తన స్వంత బ్యానర్ 'ఏ ఫర్ యాపిల్ ప్రొడక్షన్స్' (A For Apple Production) తో పాటు ప్రియా అట్లీ, మురాద్ ఖేతానీ, ఆలోక్ జైన్, అజిత్ అంధారేలతో కలిసి అట్లీ ఈ చిత్రాన్ని నిర్మిస్తున్నారు.

అంతే కాకుండా విజయ్ సేతుపతి హీరోగా వస్తున్న బత్తాకు బాలీవుడ్ సపోర్ట్ కూడా దొరికింది. బాలీవుడ్‌కు చెందిన దిగ్గజ నిర్మాణ సంస్థలు స్టార్ స్టూడియోస్, సినీ1 స్టూడియోస్ ఈ ప్రాజెక్ట్‌తో భాగస్వామ్యం కావడం విశేషం.

ట్రెండింగ్ మ్యూజిక్ సెన్సేషన్

బత్తా మూవీ అనౌన్స్ మెంట్ తోనే హైప్ ను పీక్స్ కు తీసుకెళ్లింది. ఈ చిత్రంలో నటీనటులు, సాంకేతిక నిపుణుల ఎంపిక సినిమాపై అంచనాలను భారీగా పెంచేసింది. ‘జై భీమ్’ చిత్రంలో తన నటనతో మెప్పించిన నటి లిజోమోల్ జోస్ (Lijomol Jose) ఈ సినిమాలో కీలక పాత్రలో కనిపించనున్నారు.

అలాగే ప్రస్తుతం సౌత్ ఇండియన్ మ్యూజిక్ వర్గాల్లో వైరల్ హిట్లతో సంచలనం సృష్టిస్తున్న యంగ్ మ్యూజిక్ డైరెక్టర్ సై అభ్యంకర్ (Sai Abhyankkar) ఈ చిత్రానికి స్వరాలు అందిస్తున్నాడు. ఆర్ట్ డైరెక్టర్ ముత్తురాజ్, సినిమాటోగ్రాఫర్ సెల్వకుమార్ ఎస్.కె, ఎడిటర్ కలైవాణన్ ఈ ప్రాజెక్ట్‌కి పనిచేస్తున్నారు.

రిలీజ్ డేట్

విజయ్ సేతుపతి - బాలాజీ తరణీధరన్‌ల కాంబినేషన్‌లో రాబోతున్న ఈ మూడో చిత్రం కోలీవుడ్‌లోనే కాకుండా టాలీవుడ్‌లోనూ మంచి అంచనాలను నెలకొల్పింది.

అల్లు అర్జున్ తో

బత్తా సినిమాను నిర్మిస్తున్న అట్లీ ప్రస్తుతం అల్లు అర్జున్ హీరోగా రాకా మూవీని తెరకెక్కిస్తున్న సంగతి తెలిసిందే. ప్రస్తుతం ముంబయిలో ఈ మూవీ షూటింగ్ జరుగుతోంది. మరోవైపు పూరీ జగన్నాథ్ దర్శకత్వంలో వస్తున్న స్లమ్ డాగ్ సినిమాలో విజయ్ సేతుపతి హీరోగా నటిస్తున్నాడు.