E-Paper
Yeshanagula Song: సమంత 'ఊ అంటావా' రికార్డును తుడిచి పెట్టేసిన ఏషనాగుల.. నాని, కీర్తి సురేష్ ఊచకోత.. అరుదైన ఘనత
Yeshanagula Song: నాని, కీర్తి సురేష్ రికార్డుల ఊచకోత కోస్తున్నారు. ది ప్యారడైజ్ మూవీలోని ఏషనాగుల సాంగ్ 17 రోజుల్లోనే 100 మిలియన్లు అంటే 10 కోట్ల వ్యూస్ సాధించి అత్యంత వేగంగా ఈ ఘనత సాధించిన తెలుగు పాటగా రికార్డు క్రియేట్ చేసింది.
Prefer HTon Google
Yeshanagula Song: నేచురల్ స్టార్ నాని హీరోగా నటిస్తున్న మోస్ట్ అవైటెడ్ యాక్షన్ డ్రామా 'ది ప్యారడైజ్' విడుదల కాకముందే సంచలన రికార్డు నమోదు చేసింది. శ్రీకాంత్ ఓదెల దర్శకత్వంలో తెరకెక్కుతున్న ఈ సినిమాలోని 'ఏషనాగుల' ఫోక్ సాంగ్ కేవలం 17 రోజుల్లోనే 100 మిలియన్ల వ్యూస్ సాధించి, టాలీవుడ్ చరిత్రలోనే అత్యంత వేగంగా ఈ మైలురాయిని అందుకున్న పాటగా నిలిచింది.
ఏషనాగుల పాట విశేషాలు
సినిమా పేరు: ది ప్యారడైజ్ (The Paradise)
ప్రధాన తారగణం: నాని, కయాదు లోహర్, కీర్తి సురేష్ (స్పెషల్ అప్పియరెన్స్), మోహన్ బాబు
దర్శకత్వం: శ్రీకాంత్ ఓదెల (Srikanth Odela)
సంగీతం: అనిరుధ్ రవిచందర్ (Anirudh Ravichander)
నిర్మాణ సంస్థ: ఎస్ఎల్వి సినిమాస్ (సుధాకర్ చెరుకూరి)
రికార్డు: 17 రోజుల్లో 100 మిలియన్ వ్యూస్ (ఫాస్టెస్ట్ సింగిల్ లాంగ్వేజ్ తెలుగు పాట)
విడుదల తేదీ: సెప్టెంబర్ 24, 2026
'పుష్ప', 'దేవర' రికార్డులు తుడిచిపెట్టేసిన నాని పాట
ఆగస్టు 29న సరిగమ సౌత్ యూట్యూబ్ ఛానెల్లో విడుదలైన 'ఏషనాగుల' పాట సోషల్ మీడియాలో మాస్ యూఫోరియా సృష్టిస్తోంది. ఒకే భాషలో కేవలం 17 రోజుల్లోనే 100 మిలియన్ల డిజిటల్ వ్యూస్ సొంతం చేసుకుని టాలీవుడ్ చరిత్ర పేజీల్లో సరికొత్త అధ్యాయాన్ని లిఖించింది.
గతంలో అల్లు అర్జున్ 'పుష్ప'లోని సమంత 'ఊ అంటావా మావా', జూనియర్ ఎన్టీఆర్ 'దేవర' చిత్రంలోని 'చుట్టమల్లే' పాటల పేరిట ఉన్న ఫాస్టెస్ట్ 100 మిలియన్ వ్యూస్ రికార్డులను ఈ పాట చాలా సులువుగా దాటేసింది. థియేటర్లలోకి రాకముందే ఈ రేంజ్ రెస్పాన్స్ రావడంతో నాని అభిమానులు సోషల్ మీడియాలో గ్రాండ్గా సెలబ్రేట్ చేసుకుంటున్నారు.
నాని, కీర్తి సురేష్ కాంబో మ్యాజిక్.. అనిరుధ్ ఊరమాస్ మ్యూజిక్
'దసరా' సినిమా ఇండస్ట్రీ హిట్ తర్వాత నాని, డైరెక్టింగ్ సెన్సేషన్ శ్రీకాంత్ ఓదెల కాంబినేషన్లో వస్తున్న రెండో ప్రాజెక్ట్ కావడంతో దీనిపై అంచనాలు ఆకాశాన్ని తాకుతున్నాయి. రాక్స్టార్ అనిరుధ్ రవిచందర్ సమకూర్చిన ఫోక్ ట్యూన్, దానికి తోడు నాని రస్టిక్ మేకోవర్, కీర్తి సురేష్ ఎనర్జటిక్ స్టెప్పులు ఈ పాటకు ప్రధాన ఆకర్షణగా నిలిచాయి.
'దసరా'లో 'వెన్నెల' పాత్రలో మెప్పించిన కీర్తి సురేష్.. ఈ ఫోక్ సాంగ్లో నానితో కలిసి వేసిన మాస్ డాన్స్ మూమెంట్స్ సోషల్ మీడియాలో విపరీతంగా వైకింగ్ అవుతున్నాయి.
ది ప్యారడైజ్.. సెప్టెంబర్ 24న ప్రపంచవ్యాప్తంగా గ్రాండ్ రిలీజ్
ఎస్ఎల్వి సినిమాస్ బ్యానర్పై నిర్మాత సుధాకర్ చెరుకూరి ఎక్కడా కాంప్రమైజ్ కాకుండా అత్యంత భారీ బడ్జెట్తో ఈ చిత్రాన్ని నిర్మిస్తున్నారు. ఈ సినిమాలో నాని సరసన కయాదు లోహర్ కథానాయికగా నటిస్తుండగా, వర్సటైల్ యాక్టర్ మంచు మోహన్ బాబు పవర్ఫుల్ విలన్ రోల్లో కనిపించబోతున్నారు.
వీరితో పాటు రాఘవ్ జుయాల్, తనికళ్ల భరణి, సంపూర్ణేష్ బాబు కీలక పాత్రల్లో అలరించనున్నారు. సెప్టెంబర్ 24, 2026న ఈ పీరియాడికల్ యాక్షన్ డ్రామా ప్రపంచవ్యాప్తంగా థియేటర్లలోకి రానుంది. ఆడియో పరంగా ఇప్పటికే ఆల్ టైమ్ రికార్డులు కొల్లగొడుతుండటంతో సినిమా బాక్స్ ఆఫీస్ వద్ద ఏ స్థాయి సంచలనాలు సృష్టిస్తుందోనని ఇండస్ట్రీ వర్గాలు ఆసక్తిగా ఎదురుచూస్తున్నాయి.
