Zee Telugu: బుల్లితెరపై మళ్ళీ పండగ వాతావరణం మొదలుకాబోతోంది. సమ్మర్ హాలిడేస్ లో ఇంటిల్లిపాదిని అలరించేందుకు జీ తెలుగు తన అమ్ముల పొదిలోని అస్త్రాలను సిద్ధం చేసింది. కేవలం సీరియల్స్కే పరిమితం కాకుండా.. రియాలిటీ షోలు, కామెడీ డ్రామాలు, బ్లాక్ బస్టర్ సినిమాలతో ప్రేక్షకులను టీవీల ముందే కట్టిపడేసేందుకు భారీ ప్లాన్ వేసింది.
రోజా రీ-ఎంట్రీ: 'ది ఫ్యామిలీ అసెంబ్లీ' రచ్చ
చాలా కాలం విరామం తర్వాత సీనియర్ నటి రోజా మళ్ళీ యాంకర్గా మెరవబోతున్నారు. ఆమెతో పాటు ప్రముఖ సింగర్, యాంకర్ సమీరా భరద్వాజ్ కలిసి సందడి చేయనున్న కొత్త షో 'ది ఫ్యామిలీ అసెంబ్లీ'. ఏప్రిల్ 19వ తేదీ నుంచి ప్రతి ఆదివారం మధ్యాహ్నం 12 గంటలకు ఈ షో ప్రసారం కానుంది.
ఈ షోలో సమీరా భరద్వాజ్ 'రాజ్యం' అనే ఒక ఔత్సాహిక నటి పాత్రలో కనిపించనున్నారు. రోజా ఇంట్లోకి అద్దెకు వచ్చే అల్లరి అమ్మాయిగా ఆమె చేసే హంగామా, వీరిద్దరి మధ్య జరిగే సరదా సంభాషణలు ప్రేక్షకులకు కావాల్సినంత వినోదాన్ని అందిస్తాయి. మధ్యతరగతి కుటుంబాల్లో ఉండే భావోద్వేగాలు, చిన్న చిన్న గొడవలు, నవ్వులను ఈ షో ప్రతిబింబిస్తుంది.
మెగా లాంచ్.. గెస్టులుగా ‘మేఘసందేశం’ టీమ్
మొదటి ఎపిసోడ్ను అత్యంత వైభవంగా ప్లాన్ చేశారు నిర్వాహకులు. రోజా అదిరిపోయే ఎంట్రీతో పాటు.. జీ తెలుగు పాపులర్ సీరియల్ 'మేఘసందేశం' నటీనటులు గగన్ (అభినవ్), భూమి (భూమిక) తమ కుటుంబ సభ్యులతో కలిసి ఈ అసెంబ్లీలో సందడి చేయనున్నారు. రెండు తరాల మధ్య జరిగే ఆటలు, రొమాంటిక్ ఛాలెంజ్లు ఈ ఎపిసోడ్కే హైలైట్గా నిలవనున్నాయి.
అంతేకాకుండా 'గాయపడ్డ సింహం' సినిమా ప్రమోషన్లలో భాగంగా ఫరియా అబ్దుల్లా, జేడీ చక్రవర్తి ప్రత్యేక అతిథులుగా రాబోతున్నారు. ఒకప్పుడు సంచలనం సృష్టించిన 'బతుకు జట్కాబండి' సెగ్మెంట్ను కూడా రోజా తనదైన శైలిలో ఫన్నీగా నిర్వహించనుండటం విశేషం.
ప్రదీప్ రంగనాథన్ 'డ్యూడ్' ప్రీమియర్
{{/usCountry}}అంతేకాకుండా 'గాయపడ్డ సింహం' సినిమా ప్రమోషన్లలో భాగంగా ఫరియా అబ్దుల్లా, జేడీ చక్రవర్తి ప్రత్యేక అతిథులుగా రాబోతున్నారు. ఒకప్పుడు సంచలనం సృష్టించిన 'బతుకు జట్కాబండి' సెగ్మెంట్ను కూడా రోజా తనదైన శైలిలో ఫన్నీగా నిర్వహించనుండటం విశేషం.
ప్రదీప్ రంగనాథన్ 'డ్యూడ్' ప్రీమియర్
{{/usCountry}}యూత్ సెన్సేషన్ ప్రదీప్ రంగనాథన్ నటించిన 'డ్యూడ్' సినిమా వరల్డ్ టెలివిజన్ ప్రీమియర్ ఏప్రిల్ 19 సాయంత్రం 6 గంటలకు ప్రసారం కానుంది. బాధ్యతలేని ఒక యువకుడు తన జీవితంలో ఎదురైన సవాళ్లను ఎలా ఎదుర్కొన్నాడు? తన ప్రేమను ఎలా గెలుచుకున్నాడు? అనే అంశాలను కామెడీ జోడించి ఈ సినిమాలో చూపించారు. థియేటర్లలో మంచి విజయం సాధించిన ఈ చిత్రం, ఇప్పుడు బుల్లితెర ప్రేక్షకులను అలరించేందుకు సిద్ధమైంది.
బాలయ్య మార్క్ 'అఖండ 2' వచ్చేస్తోంది
నందమూరి అభిమానులు ఎప్పుడెప్పుడా అని ఎదురుచూస్తున్న 'అఖండ 2' త్వరలోనే జీ తెలుగులో ప్రసారం కానుంది. నటసింహం బాలకృష్ణ పవర్ ఫుల్ యాక్షన్, ఆధ్యాత్మికత మిళితమైన ఈ చిత్రం బాక్సాఫీస్ వద్ద సృష్టించిన ప్రభంజనం అంతా ఇంతా కాదు. ఇప్పుడు వరల్డ్ టెలివిజన్ ప్రీమియర్గా చిన్నతెరపై అడుగుపెట్టబోతుండటంతో టీఆర్పీ రేటింగ్లు రికార్డు స్థాయిలో నమోదయ్యే అవకాశం ఉంది.
మొత్తానికి ఈ వేసవిలో జీ తెలుగు కేవలం ఎంటర్టైన్మెంట్ మాత్రమే కాదు, ఇంటిల్లిపాది కలిసి కూర్చుని చూసే ఒక కంప్లీట్ ప్యాకేజీని అందిస్తోంది.
తరచుగా అడిగే ప్రశ్నలు (FAQs)
1. రోజా కొత్త షో 'ది ఫ్యామిలీ అసెంబ్లీ' ఎప్పుడు ప్రారంభమవుతుంది?
ఏప్రిల్ 19వ తేదీ నుంచి ప్రతి ఆదివారం మధ్యాహ్నం 12 గంటలకు జీ తెలుగులో ఈ షో ప్రసారమవుతుంది.
2. 'ది ఫ్యామిలీ అసెంబ్లీ' షోలో సమీరా భరద్వాజ్ పాత్ర ఏమిటి?
సమీరా భరద్వాజ్ ఇందులో 'రాజ్యం' అనే పాత్రలో కనిపిస్తారు. ఒక హీరోయిన్ కావాలని కలలు కనే యువతిగా, రోజా ఇంట్లో అద్దెకు ఉంటూ కామెడీ పండించే క్యారెక్టర్ ఇది.
3. ప్రదీప్ రంగనాథన్ నటించిన 'డ్యూడ్' సినిమా టీవీలోకి ఎప్పుడు వస్తుంది?
ఈ సినిమా వరల్డ్ టెలివిజన్ ప్రీమియర్ ఏప్రిల్ 19వ తేదీ సాయంత్రం 6 గంటలకు ప్రసారం కానుంది.
4. జీ తెలుగులో 'అఖండ 2' ఎప్పుడు ప్రసారమవుతుంది?
ఛానల్ ఇప్పటికే దీనిపై అధికారిక ప్రకటన చేసింది. త్వరలోనే దీని ప్రీమియర్ తేదీని వెల్లడించనున్నారు.