Web Series: ఓటీటీ ఆడియన్స్ ఎప్పటినుంచో ఎదురుచూస్తున్న మోస్ట్ అవేటెడ్ తెలుగు ఒరిజినల్ మెగా వెబ్ సిరీస్ 'వీరభద్రుని రహస్యం' (Veerabhadruni Rahasyam) గ్రాండ్ రిలీజ్కు సర్వం సిద్ధమైంది. ప్రముఖ ఓటీటీ ప్లాట్ఫామ్ జీ5 తెలుగు (ZEE5 Telugu) ఈ సస్పెన్స్ మిస్టరీ థ్రిల్లర్కు సంబంధించిన అఫీషియల్ రిలీజ్ అప్డేట్ను సోషల్ మీడియా వేదికగా ప్రకటించింది. జులై 3న (రేపు) ఈ క్రేజీ సిరీస్లోని మొదటి 5 ఎపిసోడ్స్ ఒకేసారి స్ట్రీమింగ్కు రాబోతున్నాయి.
ప్రస్తుతం డిజిటల్ స్క్రీన్స్ పై మైథలాజికల్ టచ్ ఉన్న సస్పెన్స్ థ్రిల్లర్స్, మిస్టరీ డ్రామాలకు ఓ రేంజ్ డిమాండ్ నడుస్తోంది. ఆ ట్రెండ్ను కంటిన్యూ చేస్తూ జీ5 సంస్థ అత్యంత భారీ ప్రొడక్షన్ వాల్యూస్తో ఈ మెగా ఒరిజినల్ సిరీస్ను ప్రొడ్యూస్ చేసింది.
మర్మదేశం బ్యాక్డ్రాప్లో మైండ్ బెండింగ్ థ్రిల్లర్
1990ల్లో వచ్చిన మర్మదేశం టీవీ సిరీస్ గుర్తుంది కదా. అదే బ్యాక్డ్రాప్ లో ఈ వీరభద్రుని రహస్యం వెబ్ సిరీస్ కూడా తెరకెక్కించారు. ఒక పురాతన ఆలయం, ఆ ఊరి చుట్టూ ఉన్న గిరిజన తెగలు, దశాబ్దాలుగా దాగున్న ఒక పవర్ఫుల్ వీరభద్రుడి రహస్యం చుట్టూ ఈ కథ మొత్తం తిరగబోతోంది. మొత్తంగా 60 ఎపిసోడ్లతో ఈ సిరీస్ రానున్నా.. తొలి 5 ఎపిసోడ్లను ఒకేసారి రిలీజ్ చేయబోతున్నారు.
“రేపే ప్రీమియర్.. తెలుగు జీ5 ఒరిజినల్ మెగా వెబ్ సిరీస్ వీరభద్రుని రహస్యం తొలి 5 ఎపిసోడ్లు రేపే.. చూస్తూనే ఉండండి” అనే క్యాప్షన్ తో ఓ సరికొత్త పోస్టర్ ను జీ5 ఓటీటీ షేర్ చేసింది.
60 ఎపిసోడ్లతో మ్యాజిక్
ప్రస్తుతం ఓటీటీ ప్లాట్ఫామ్స్ అన్నీ 8 లేదా 10 ఎపిసోడ్ల లిమిటెడ్ సిరీస్ల వైపు మొగ్గు చూపుతుంటే, జీ5 మాత్రం టెలివిజన్ హిస్టరీలోనే ఒకప్పటి కల్ట్ క్లాసిక్ సెంటిమెంట్ను టచ్ చేస్తూ 60 ఎపిసోడ్ల భారీ ప్రాజెక్ట్ను లైన్లోకి తెచ్చింది.
{{/usCountry}}ప్రస్తుతం ఓటీటీ ప్లాట్ఫామ్స్ అన్నీ 8 లేదా 10 ఎపిసోడ్ల లిమిటెడ్ సిరీస్ల వైపు మొగ్గు చూపుతుంటే, జీ5 మాత్రం టెలివిజన్ హిస్టరీలోనే ఒకప్పటి కల్ట్ క్లాసిక్ సెంటిమెంట్ను టచ్ చేస్తూ 60 ఎపిసోడ్ల భారీ ప్రాజెక్ట్ను లైన్లోకి తెచ్చింది.
{{/usCountry}}ఒకప్పుడు బుల్లితెరపై మిస్టరీ, సస్పెన్స్, డివోషనల్ ఎలిమెంట్స్తో వచ్చిన మర్మదేశం సిరీస్ గుర్తుందా? ఆ టీమ్ నుంచే ఇప్పుడీ వీరభద్రుని రహస్యం రాబోతోంది. అప్పట్లో జనాలను టీవీలకు కట్టేసే అదే వైబ్ను, అదే ఇంటెన్సిటీని మళ్లీ తీసుకొస్తూ హై క్వాలిటీ మేకింగ్తో ఈ వెబ్ సిరీస్ను డిజైన్ చేశారు.
ఇప్పటికే రిలీజ్ చేసిన ప్రోమో చూస్తుంటేనే అర్ధమవుతోంది.. ఇందులో విజువల్స్, బ్యాక్గ్రౌండ్ స్కోర్ (BGM) నెక్స్ట్ లెవెల్లో ఉన్నాయి. మర్మదేశం మళ్లీ మొదలైంది అనే లైన్స్ తో ఈ ప్రోమో ప్రారంభమైంది. ఒక తరాన్ని భయపెట్టిన కథ.. ఈ తరానికి పరిచయం లేని కథ అనే టెక్ట్స్ తర్వాత వస్తుంది.
“కనకాన్ని అతిగా మోహించిన వేళ.. కాంతను అతిగా కామించిన వేళ.. కీర్తిని అతిగా కాంక్షించిన వేళ.. కలి పురుషుడు తాండవించిన వేళ.. వీరభద్రుడి ఆగమనం.. పాపనాశనం తథ్యం” అంటూ ఓ గంభీరమైన వాయిస్ ఓవర్ కూడా ఈ ప్రోమోలో వినిపిస్తోంది.
పాత తరం కల్ట్ కథలకు మోడ్రన్ టెక్నికల్ వాల్యూస్ తోడైతే స్క్రీన్ ప్రెజెన్స్ ఎంత గ్రాండ్గా ఉంటుందో ఈ ప్రోమోతో ప్రూవ్ చేశారు. ఒక రహస్యం చుట్టూ తిరిగే కథ కావడం, అందులోనూ వీరభద్రుని టెంపుల్ లేదా డివోషనల్ మిస్టరీ టచ్ ఉండటంతో ఫ్యాంటసీ అండ్ సస్పెన్స్ థ్రిల్లర్స్ ఇష్టపడే ఆడియన్స్కు ఇది పర్ఫెక్ట్ ఛాయిస్ కానుంది.
ఈ మధ్య ఆహా, జియోహాట్స్టార్ లాంటి ఓటీటీ ప్లాట్ఫామ్స్ కూడా లాంగ్ ఫార్మాట్ వెబ్ సిరీస్ లను తీసుకొస్తున్నాయి. అయితే జీ5 మాత్రం డివోషనల్, హారర్ టచ్ ఉన్న ఈ సిరీస్ తో ప్రత్యేకంగా నిలవనుంది. ప్రతివారం కొత్త ఎపిసోడ్లు అంటూ మరింత క్యూరియాసిటీని పెంచుతున్నారు.