వర్షాకాలంలో కప్పలు మీ ఇంటికి రాకుండా, దూరంగా ఉంచడానికి చిట్కాలు!

వర్షాకాలం ప్రారంభం కాగానే కప్పలు కనిపించడం, శబ్దం చేయడం షురూ అవుతుంది. తేమతో కూడిన ప్రదేశాలలో ఎక్కువగా ఉంటాయి. వాటిని ఇంటివైపునకు రాకుండా కొన్ని చిట్కాలు తీసుకోవాలి.

వానాకాలం వచ్చింది. గాలిలో తేమ పెరిగి ఉష్ణోగ్రత కూడా తగ్గుతుంది. ఇటువంటి పరిస్థితులలో సాధారణంగా ఎక్కువగా కనిపించేవి కప్పలు. ఈ కప్పలు తరచుగా బురద, నీటి ట్యాంకుల దగ్గర, లేదా బాత్రూంల వంటి నీటి వనరు ఉన్న ప్రదేశాల్లో నివసించడానికి ఇష్టపడతాయి. కొన్నిసార్లు భారీ వర్షాల సమయంలో అవి ఇంట్లోకి ప్రవేశిస్తాయి. అటువంటి పరిస్థితిలో ఈ కప్పలు ఇంట్లోకి రాకుండా నివారించడానికి మీరు కొన్ని ఇంటి చిట్కాలను పాటించవచ్చు.

ఉప్పును కరిగించి

కప్పలు రాకుండా చిట్కాలు

కప్పలను తరిమికొట్టడానికి మీరు ఉప్పును ఉపయోగించవచ్చు. వర్షాకాలంలో నీటిలో ఉప్పును కరిగించి నేలను తుడువండి. తోట ప్రాంతాలు, నీటి ట్యాంకుల చుట్టూ ఉప్పును చల్లండి. ఇది కప్పలను మీ ఇంటికి దూరంగా ఉంచుతుంది. కానీ గుర్తుంచుకోండి, పూల మొక్కల దగ్గర ఉప్పు చల్లవద్దు, ఎందుకంటే అది మొక్కలకు, మట్టికి హాని కలిగిస్తుంది. ఒక బకెట్ గోరువెచ్చని నీటిలో రెండు టేబుల్ స్పూన్ల ఉప్పు కలపండి. ఆ తర్వాత ఈ నీటితో మీ ఇంటి నేలను తుడవండి. ఉప్పులోని లవణ గుణం కప్పలను దూరంగా ఉంచడానికి సహాయపడుతుంది.

కాఫీ పొడి

మీ ఇంటికి కప్పలు రాకుండా నివారించడంలో కాఫీ పొడి చాలా ప్రభావవంతంగా పనిచేస్తుంది. కాఫీ పొడిని కొద్దిగా గోరువెచ్చని నీటితో కలిపి ఒక ద్రావణాన్ని తయారు చేసుకోండి. ఆ తర్వాత, ఈ ద్రావణాన్ని ఒక స్ప్రే బాటిల్‌లో నింపి, మీ తోటలోని గడ్డి, మొక్కలపై పిచికారీ చేయండి. ఈ పద్ధతి మీ తోట, ఇంటి నుండి కప్పలను దూరంగా ఉంచడానికి సహాయపడుతుంది. కాఫీ పొడి కప్పలను ఆకర్షించే కీటకాలను దూరంగా ఉంచడానికి సహాయపడుతుంది.

నిమ్మరసం, వెనిగర్

మీ ఇంటి నుండి లేదా తోట నుండి కప్పలను తరిమికొట్టడానికి బ్లీచింగ్ పౌడర్‌ను కూడా ఉపయోగించవచ్చు. ఒక మగ్గు నీటిలో బ్లీచింగ్ పౌడర్‌ను కలిపి ఒక ద్రావణాన్ని తయారు చేయండి. ఆ తర్వాత ఈ ద్రావణాన్ని ఒక స్ప్రే బాటిల్‌లో నింపి, మీ ఇల్లు, తోట, బాత్రూమ్, నీటి ట్యాంక్ చుట్టూ స్ప్రే చేయండి. అయితే ఇక్కడ ఒక జాగ్రత్త తీసుకోవాలి. అదేమిటంటే బ్లీచింగ్ పౌడర్‌లో చాలా రసాయన మూలకాలు ఉంటాయి కాబట్టి, దీనిని తోటలలోని మొక్కలపై నేరుగా వాడకూడదు. పిల్లలు ఉన్న ఇళ్లలో కూడా జాగ్రత్త అవసరం.

కీటకాలు లేకుండా చూడండి

కప్పలు తరచుగా ఆహారం కోసం కీటకాలు ఉండే ప్రాంతాలకు వస్తుంటాయి. అందువల్ల మీ ఇంటి లేదా తోట ప్రాంతం చుట్టూ కీటకాలు చేరకుండా చూసుకోవాలి. మీ తోటను, వాకిలిని శుభ్రంగా ఉంచుకోండి. అంతేకాకుండా కప్పలు పొడవైన గడ్డిని, పొదలను సురక్షితమైన ఆశ్రయంగా ఉపయోగించుకుంటాయి. మీ ఇంటి చుట్టూ ఉన్న గడ్డిని క్రమం తప్పకుండా కత్తిరించండి.