ప్రపంచవ్యాప్తంగా ఆర్టిఫిషియల్ ఇంటెలిజెన్స్ (ఏఐ) హవా నడుస్తున్న వేళ టెక్ ప్రపంచంలో మరో భారీ సంచలనం నమోదైంది. ప్రముఖ ఏఐ స్టార్టప్ 'ఆంత్రోపిక్' (Anthropic) పబ్లిక్ లిస్టింగ్ వైపు అడుగులు వేస్తోంది. అమెరికా షేర్ మార్కెట్లో ఐపీఓ (ఇనిషియల్ పబ్లిక్ ఆఫరింగ్) కి వచ్చేందుకు వీలుగా యూఎస్ సెక్యూరిటీస్ అండ్ ఎక్స్ఛేంజ్ కమిషన్ (SEC) కి సంస్థ రహస్యంగా దరఖాస్తు చేసుకుంది. ఈ విషయాన్ని ఆంత్రోపిక్ అధికారికంగా ప్రకటించింది.
రహస్యంగా ఐపీఓ పత్రాల దాఖలు
ఐపీఓ ప్రతిపాదనకు సంబంధించి ఫామ్ ఎస్-1 (Form S-1) డ్రాఫ్ట్ రిజిస్ట్రేషన్ స్టేట్మెంట్ను ఎస్ఈసీకి సమర్పించామని సంస్థ తెలిపింది. "ఎస్ఈసీ సమీక్ష ముగిసిన తర్వాత పబ్లిక్ లిస్టింగ్కు వెళ్లే అవకాశం మాకు లభిస్తుంది" అని ఆంత్రోపిక్ తన అధికారిక ప్రకటనలో పేర్కొంది.
మార్కెట్ పరిస్థితులు, ఇతర కీలక అంశాల ఆధారంగానే ఐపీఓ ప్రక్రియ ముందుకు సాగుతుందని స్పష్టం చేసింది. ప్రస్తుతానికి షేర్ల సంఖ్య, ధర లేదా ఇతర నియమ నిబంధనల వివరాలను సంస్థ వెల్లడించలేదు.
ఓపెన్ఏఐని దాటేసిన వాల్యుయేషన్
మే చివరి వారంలో ఆంత్రోపిక్ సంస్థ 65 బిలియన్ డాలర్ల నిధులను సేకరించింది. దీనితో ఈ సంస్థ మార్కెట్ విలువ ఏకంగా 965 బిలియన్ డాలర్లకు చేరింది. ఈ భారీ వాల్యుయేషన్తో ప్రపంచంలోనే అత్యంత విలువైన ప్రైవేట్ టెక్నాలజీ కంపెనీల్లో ఒకటిగా నిలవడమే కాకుండా, తన ప్రధాన ప్రత్యర్థి 'ఓపెన్ఏఐ' (OpenAI) ని కూడా వెనక్కి నెట్టింది. అంతకుముందు ఫిబ్రవరిలో 30 బిలియన్ డాలర్ల నిధుల సేకరణతో 380 బిలియన్ డాలర్లుగా ఉన్న ఆంత్రోపిక్ విలువ, కేవలం కొన్ని నెలల్లోనే రెండింతలకు పైగా పెరగడం విశేషం.
ఏఐ మార్కెట్లో తీవ్ర పోటీ
ప్రస్తుతం టెక్ రంగంలో ఏఐ కంపెనీల షేర్లకు ఇన్వెస్టర్ల నుంచి భారీ డిమాండ్ ఉంది. ఇటీవల స్పేస్ఎక్స్ (SpaceX) సంస్థ కూడా 1.75 ట్రిలియన్ డాలర్ల వాల్యుయేషన్తో 75 బిలియన్ డాలర్ల ఐపీఓను తెచ్చేందుకు ప్రయత్నిస్తున్న తరుణంలో ఆంత్రోపిక్ ఈ నిర్ణయం తీసుకుంది. ప్రస్తుతం ఏఐ మార్కెట్లో ఓపెన్ఏఐ, ఆంత్రోపిక్ సంస్థల మధ్యే ప్రధాన పోటీ నడుస్తోంది. కంప్యూటింగ్ పవర్, ప్రతిభావంతులైన ఉద్యోగులను ఆకర్షించేందుకు ఈ రెండు కంపెనీలు తీవ్రంగా శ్రమిస్తున్నాయి. ఈ ఐపీఓ ద్వారా ఆంత్రోపిక్ మార్కెట్లో మరింత పట్టు సాధించాలని భావిస్తోంది.
అసలు ఏంటి ఈ ఆంత్రోపిక్?
ఓపెన్ఏఐ సంస్థ సాగుతున్న తీరుపై విభేదించి, అక్కడి నుంచి బయటకు వచ్చిన కొందరు పరిశోధకులు, ఎగ్జిక్యూటివ్లు 2021లో ఈ 'ఆంత్రోపిక్' స్టార్టప్ను స్థాపించారు. టెక్ ప్రపంచంలో క్లాడ్ (Claude) ఏఐ మోడల్స్ ద్వారా ఈ సంస్థ మంచి గుర్తింపు తెచ్చుకుంది. వీరి కోడింగ్ అసిస్టెంట్ 'క్లాడ్ కోడ్' (Claude Code) కు మార్కెట్లో మంచి ఆదరణ ఉంది. ఇటీవలే ఈ సంస్థ 'ప్రాజెక్ట్ గ్లాస్వింగ్' (Project Glasswing) లో భాగంగా 'క్లాడ్ మైథోస్ ప్రివ్యూ' (Claude Mythos Preview) అనే సరికొత్త సైబర్ సెక్యూరిటీ ఏఐ మోడల్ను పరిచయం చేసింది. మానవ ఇంజనీర్లు గుర్తించలేని సైబర్ భద్రతా లోపాలను ఇది సులభంగా పసిగడుతుంది.
{{/usCountry}}ఓపెన్ఏఐ సంస్థ సాగుతున్న తీరుపై విభేదించి, అక్కడి నుంచి బయటకు వచ్చిన కొందరు పరిశోధకులు, ఎగ్జిక్యూటివ్లు 2021లో ఈ 'ఆంత్రోపిక్' స్టార్టప్ను స్థాపించారు. టెక్ ప్రపంచంలో క్లాడ్ (Claude) ఏఐ మోడల్స్ ద్వారా ఈ సంస్థ మంచి గుర్తింపు తెచ్చుకుంది. వీరి కోడింగ్ అసిస్టెంట్ 'క్లాడ్ కోడ్' (Claude Code) కు మార్కెట్లో మంచి ఆదరణ ఉంది. ఇటీవలే ఈ సంస్థ 'ప్రాజెక్ట్ గ్లాస్వింగ్' (Project Glasswing) లో భాగంగా 'క్లాడ్ మైథోస్ ప్రివ్యూ' (Claude Mythos Preview) అనే సరికొత్త సైబర్ సెక్యూరిటీ ఏఐ మోడల్ను పరిచయం చేసింది. మానవ ఇంజనీర్లు గుర్తించలేని సైబర్ భద్రతా లోపాలను ఇది సులభంగా పసిగడుతుంది.
{{/usCountry}}