యాపిల్​ ఎయిర్​పాడ్స్​ ప్రోలో ఇన్​బిల్ట్​ కెమెరా సెటప్​! లాంచ్​ ఎప్పుడంటే..

సరికొత్త ఎయిర్​పాడ్స్​ ప్రో మోడల్​పై యాపిల్​ సంస్థ పని చేస్తున్నట్టు తెలుస్తోంది. లీక్స్​ ప్రకారం ఇందులో ఇన్​బిల్ట్​ కెమెరా సెటప్​ ఉండనుంది! దీనిని ఏఐతో ఇంటిగ్రేట్​ చేసేందుకు సంస్థ ప్రణాళికలు రచిస్తోందని సమాచారం.

యాపిల్ కంపెనీ కొత్తగా లాంచ్ చేసిన ఎయిర్‌పాడ్స్ ప్రో 3 మోడల్ మార్కెట్‌లో అడుగుపెట్టింది. అయితే, ఇది విడుదలైన కొద్ది రోజులకే తదుపరి ఎయిర్​పాడ్స్​పై ఒక క్రేజీ బజ్​ వినిపిస్తోంది! మరిన్ని అత్యాధునిక ఫీచర్లతో, ఏకంగా ఇన్‌బిల్ట్ కెమెరాలతో కూడిన మరో కొత్త ఎయిర్‌పాడ్స్ 2026లో రాబోతున్నాయనే వార్తలు జోరుగా వినిపిస్తున్నాయి. ఇదే నిజమైతే.. యాపిల్ ఆడియో ఉత్పత్తుల శ్రేణిలో ఇదే అతిపెద్ద ఎక్స్​ప్యాన్షన్​ అవుతుంది. ప్రతి ఉత్పత్తిలో మరింత ప్రత్యేకమైన వెర్షన్‌లను అందించాలనే యాపిల్ లేటెస్ట్​ స్ట్రాజజీని ఇది ప్రతిబింబిస్తుంది.

ఇన్​బిల్ట్​ కెమెరా సెటప్​తో యాపిల్​ ఎయిర్​పాడ్స్​ ప్రో! (Apple)

కెమెరాలతో కూడిన ఎయిర్‌పాడ్స్?

తాజా లీక్స్​ ప్రకారం.. యాపిల్ సంస్థ ఇంటిగ్రేటెడ్ ఇన్‌ఫ్రారెడ్ (ఐఆర్​) కెమెరాలను కలిగి ఉన్న కొత్త ఎయిర్‌పాడ్స్ ప్రో మోడల్‌పై పనిచేస్తున్నట్లు తెలుస్తోంది. ఇది ఎయిర్‌పాడ్స్ ప్రో 3 కంటే హై-ఎండ్ మోడల్ అవుతుందని సమాచారం.

ఉపయోగం: ఈ సెన్సార్‌లను ఎక్కువగా ఏఐ ఆధారిత విజువల్ ఇంటెలిజెన్స్ ఫీచర్ల కోసం ఉపయోగించవచ్చు. ఉదాహరణకు, యాపిల్ నుంచి త్వరలో రాబోయే విజన్ ప్రాడక్ట్స్​తో ఇవి ఇంటరాక్ట్ అయ్యే అవకాశం ఉంది.

అంతేకాకుండా, ఇవి వినియోగదారు చుట్టూ ఉన్న పరిసరాలను అర్థం చేసుకోవడం, చేతి సంజ్ఞలను గుర్తించడం వంటి సామర్థ్యాలను మెరుగుపరచగలవు.

లీక్స్​ ప్రకారం.. ఈ కొత్త మోడల్ ఎయిర్‌పాడ్స్ ప్రో 3 స్థానంలో రాదు! బదులుగా, ఇది అత్యంత ఖరీదైన వెర్షన్‌గా అందుబాటులో ఉంటుంది. ఉత్పత్తి వైవిధ్యీకరణపై యాపిల్ అనుసరిస్తున్న ప్రస్తుత వ్యూహానికి ఇది అనుగుణంగా ఉంది.

ఇది ఇటీవల యాపిల్ ప్రవేశపెట్టిన ఎయిర్‌పాడ్స్ 4 విధానాన్ని పోలి ఉంది. ఎయిర్‌పాడ్స్ 4లో ఒక వెర్షన్ యాక్టివ్ నాయిస్ క్యాన్సిలేషన్ (ఏఎన్​సీ)తో, మరొకటి ఏఎన్​సీ లేకుండా రెండు వేరియంట్‌లలో విడుదల చేశారు. ఒకే ఉత్పత్తిని అందరికీ అందించే బదులు, వినియోగదారులకు వారి అవసరాలు, ధరల ఆధారంగా వివిధ శ్రేణులను అందుబాటులో ఉంచాలనేదే దీని వెనుక ఉన్న ఆలోచన.

విస్తరిస్తున్న ఎయిర్‌పాడ్స్ ఫ్యామిలీ!

నివేదికలు ఖచ్చితమైనవైతే.. 2026 నాటికి యాపిల్ ఎయిర్‌పాడ్స్ లైనప్ ఇలా ఉండవచ్చు:

కెమెరాలతో కూడిన ఎయిర్‌పాడ్స్ ప్రో 3 ("ఏఐ ఎయిర్‌పాడ్స్" గా మార్కెటింగ్ చేసే అవకాశం)

ఎయిర్‌పాడ్స్ ప్రో 3

ఏఎన్​సీ ఫీచర్‌తో ఎయిర్‌పాడ్స్ 4

సాధారణ ఎయిర్‌పాడ్స్ 4

ఎయిర్‌పాడ్స్ మ్యాక్స్ (AirPods Max)

చరిత్రలో ఎన్నడూ లేనంతగా, యాపిల్​ నుంచి ఒకేసారి ఐదు వేర్వేరు ఎయిర్‌పాడ్స్ మోడళ్లు మార్కెట్‌లో అందుబాటులో ఉంటాయని దీని అర్థం!

విస్తరిస్తున్న ఉత్పత్తుల శ్రేణి..

ఒకప్పుడు స్టీవ్ జాబ్స్ బలంగా నమ్మిన 'సాధారణ ఉత్పత్తి విధానం' నుంచి యాపిల్ క్రమంగా వైదొలగుతోంది! తమ విస్తారమైన యూజర్ బేస్‌కు సేవ చేయడమే యాపిల్​కి ప్రస్తుత స్పష్టమైన వ్యూహం. ఐఫోన్ కొనుగోలుదారులు ఇప్పుడు వివిధ ధరల శ్రేణుల్లో అనేక మోడల్స్​ని ఎంచుకోగలిగినట్లే, యాపిల్ అదే విధానాన్ని తన ఆడియో ఉత్పత్తులకు కూడా వర్తింపజేయాలని యోచిస్తున్నట్లు తెలుస్తోంది.

కెమెరా ఎక్విప్‌డ్ ఎయిర్‌పాడ్స్ ప్రో గురించి పూర్తి వివరాలు ఇంకా తెలియకపోయినా.. ఇది యాపిల్ వేరబుల్స్ విభాగంలో తదుపరి, అతిపెద్ద పురోగతికి సంకేతం. ఇది ధ్వని, దృష్టి, ఏఐలను ఒకే ఎకోసిస్టెమ్​లోకి తీసుకురానుంది.

మరి ఈ ప్రాడక్ట్స్​పై మీ ఆసక్తిగా ఉన్నారా?